ಜಿಲೇಬಿ ಜತೆ ಆಲೂಗಡ್ಡೆ ಪಲ್ಯ ತಿಂದಿದ್ದೀರಾ ? ರುಚಿಕಟ್ಟಾಗಿರುವ ಈ ಜೋಡಿ ಸಿಗೋದೆಲ್ಲಿ ನೋಡಿ

ಮಥುರಾ (ಉತ್ತರ ಪ್ರದೇಶ): ಫುಡ್​ಬ್ಲಾಗರ್​ಗಳು ಇಂದು ಹೇರಳವಾಗಿದ್ದಾರೆ. ಹಲವು ವಿಶಿಷ್ಟ ಬಗೆಯ ಆಹಾರಗಳ ಬಗ್ಗೆ ಅದರಲ್ಲಿ ಪರಿಚಯಿಸಲಾಗುತ್ತದೆ. ಉತ್ತರ ಪ್ರದೇಶದ ಮಥುರಾದಲ್ಲಿನ ಫುಡ್ ಬ್ಲಾಗರ್ ಒಬ್ಬರು ಆಲೂಗಡ್ಡೆಯ ಪಲ್ಯದ ಜತೆ ಜಿಲೇಬಿ ತಿನ್ನುವ ವಿಡಿಯೋ ಹಂಚಿಕೊಂಡಿದ್ದಾರೆ.

ಈ ಅಸಾಂಪ್ರದಾಯಿಕ ಖಾದ್ಯವನ್ನು ಮಥುರಾದ ಓಮಾ ಪೆಹಲ್ವಾನ್‌ನಲ್ಲಿ ನೀಡಲಾಗುತ್ತದೆ ಎಂದು ಅವರು ಹೇಳಿದ್ದಾರೆ. ಆಹಾರ ಬ್ಲಾಗರ್ ಪಾಲಕ್ ಕಪೂರ್ ಅವರು ಇದನ್ನು ಶೇರ್​ ಮಾಡಿಕೊಂಡಿದ್ದಾರೆ.

‘ಇದುವರೆಗಿನ ಅತ್ಯಂತ ವಿಲಕ್ಷಣವಾದ ಆಹಾರ ಸಂಯೋಜನೆ ಇದಾಗಿದೆ. ಆಲೂ ಕಿ ಸಬ್ಜಿಯೊಂದಿಗೆ ಜಿಲೇಬಿ ತಿನ್ನಲಾಗುತ್ತದೆ. ಇದು ಕೇಳಲು ಒಂದು ರೀತಿ ಎನಿಸಿದರೂ ತಿನ್ನಲು ಮಾತ್ರ ಬಹಳ ಸೂಪರ್​ ಆಗಿದೆ. ಮಥುರಾದ ಬೃಂದಾವನ ಇದಕ್ಕೆ ಪ್ರಸಿದ್ಧವಾಗಿದೆʼ ಎಂದು ಅವರು ಬರೆದುಕೊಂಡಿದ್ದಾರೆ.

ತಾವು ಈ ಆಹಾರವನ್ನು ಸೇವಿಸಿದ ಕುರಿತು ಅನುಭವ ಹಂಚಿಕೊಂಡಿದ್ದಾರೆ ಪಾಲಕ್​. ತಾವು ಇದನ್ನು ತಿಂದ ಬಳಿಕ ಅಲ್ಲಿಗೆ ಬಂದ ಯುವತಿಗೂ ತಿನ್ನುವಂತೆ ಮಾಡಿ ವಿಡಿಯೋ ತೆಗೆದಿದ್ದಾರೆ. ಈ ರೀಲ್ಸ್​ ಇದಾಗಲೇ ಎರಡೂವರೆ ಲಕ್ಷದಷ್ಟು ವೀಕ್ಷಣೆ ಕಂಡಿದ್ದು, ಐದು ಸಾವಿರಕ್ಕೂ ಅಧಿಕ ಮಂದಿ ಲೈಕ್​ ಮಾಡಿದ್ದಾರೆ.