![](https://kannadadunia.com/wp-content/uploads/2024/08/8138937e9d0c8825d505e84c59bdb1f8768903db0055b63e83fcefa9c717eb1c.webp)
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆದ ವಿಡಿಯೋ ಒಂದು, ಮಹಿಳೆಯರು ಎಲ್ಲಿ ಸುರಕ್ಷಿತ ಎನ್ನುವ ಪ್ರಶ್ನೆಯನ್ನು ಹುಟ್ಟುಹಾಕಿದೆ. ಬಸ್ ನಲ್ಲಿಯೇ ಡ್ರೈವರ್ ಹಾಗೂ ಕ್ಲೀನರ್ ಮದ್ಯದ ಪಾರ್ಟಿ ಮಾಡ್ತಿರುವ ವಿಡಿಯೋ ಒಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಬಸ್ ನಿಲ್ಲಿಸಿರುವ ಡ್ರೈವರ್ ಹಾಗೂ ಕ್ಲೀನರ್ ಸೇರಿದಂತೆ ಮೂರ್ನಾಲ್ಕು ಮಂದಿ ಪಾರ್ಟಿ ಮಾಡ್ತಿರೋದನ್ನು ಕಾಣಬಹುದು. ಬೋಜ್ಪುರಿ ಹಾಡೊಂದು ಅಲ್ಲಿ ಕೇಳಿ ಬರ್ತಿದೆ.
@azizkavish ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈವರೆಗೆ 12,000 ಕ್ಕೂ ಹೆಚ್ಚು ಬಾರಿ ಈ ವಿಡಿಯೋವನ್ನು ವೀಕ್ಷಣೆ ಮಾಡಲಾಗಿದೆ. ಹಾರ್ಡೋಯ್ ಡಿಪೋದಲ್ಲಿ ಬಸ್ ಚಾಲಕ ಮತ್ತು ಕ್ಲೀನರ್ ಮದ್ಯದ ಪಾರ್ಟಿ ಮಾಡ್ತಿದ್ದಾರೆ. ಇವರಿಂದಲೇ ಬಸ್ ನಲ್ಲಿ ಅತ್ಯಾಚಾರ, ರಸ್ತೆ ಅಪಘಾತ ನಡೆಯುತ್ತದೆ. ಇದನ್ನು ತಡೆಯೋರು ಯಾರು ಎಂದು ಶೀರ್ಷಿಕೆ ಹಾಕಲಾಗಿದೆ.
ಈ ವಿಡಿಯೋ ವೈರಲ್ ಆಗ್ತಿದ್ದಂತೆ ಬಳಕೆದಾರರು, ಸೂಕ್ತ ಕ್ರಮಕ್ಕೆ ಆಗ್ರಹಿಸಿದ್ದಾರೆ. ಅಧಿಕಾರಿಗಳು ಇಂಥ ಘಟನೆ ನಡೆಯದಂತೆ ಮುನ್ನೆಚ್ಚರಿಕೆ ವಹಿಸಬೇಕು, ಪಾರ್ಟಿ ಮಾಡುವವರ ವಿರುದ್ಧ ಕ್ರಮಕೈಗೊಳ್ಳಬೇಕೆಂದು ಒತ್ತಡ ಹೇರಿದ್ದಾರೆ.