ಜೀವನ್ಮರಣ ಸ್ಥಿತಿಯಲ್ಲಿದ್ದ ನಾಯಿಯನ್ನು ಕಾಪಾಡಿದ ಡೆಲಿವರಿ ಚಾಲಕ

ಚೀನಾದಲ್ಲಿ ಡೆಲಿವರಿ ಚಾಲಕರೊಬ್ಬರು ಲಿಫ್ಟ್‌ನಲ್ಲಿ ಸಿಲುಕಿಕೊಂಡಿದ್ದ ನಾಯಿಯ ಜೀವವನ್ನು ಉಳಿಸಿದ್ದು, ಅಪಾರ ಪ್ರಶಂಸೆಗೆ ಒಳಗಾಗಿದ್ದಾರೆ. ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ನಾಯಿಯು ಸರಪಳಿ ಸಹಿತ ಲಿಫ್ಟ್ ಒಳಗೆ ಹೋಗಿದೆ. ಆದರೆ ಅರ್ಧ ಸರಪಳಿಯು ಲಿಫ್ಟ್ ನ ಹೊರಗಡೆ ಇದ್ದುದರಿಂದ, ಮುಚ್ಚಿದ ಲಿಫ್ಟ್ ಮೇಲಕ್ಕೆ ಹೋಗುತ್ತಿದ್ದಂತೆ ನಾಯಿಯು ಗಾಳಿಯಲ್ಲಿ ತೇಲಾಡಿ, ಒದ್ದಾಡಿದೆ. ಈ ವೇಳೆ ಮುಂದಿನ ಮಹಡಿಯಲ್ಲಿ ಲಿಫ್ಟ್ ಬಾಗಿಲು ತೆರೆದಾಗ, ಇದನ್ನು ಗಮನಿಸಿದ ಡೆಲಿವರಿ ಚಾಲಕ ತಕ್ಷಣ ನಾಯಿಯನ್ನು ಕಾಪಾಡಿ ಹಗ್ಗದಿಂದ ಬಿಡಿಸಿದ್ದಾನೆ.

ಗೊರಕೆ ಸಮಸ್ಯೆಗೆ ಇಲ್ಲಿದೆ ಮದ್ದು

ಈ ದೃಶ್ಯ ಲಿಫ್ಟ್‌ನ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಅಕ್ಟೋಬರ್ 23 ರಂದು ಈ ಘಟನೆ ನಡೆದಿದೆ ಎನ್ನಲಾಗಿದೆ. ನಂತರ ನಾಯಿಯನ್ನು ಅದರ ಮಾಲೀಕರಿಗೆ ಹಿಂದಿರುಗಿಸಲಾಗಿದೆ. ಈ ವಿಡಿಯೋವನ್ನು ಯೂಟ್ಯೂಬ್‌ನಲ್ಲಿ 1.9 ಮಿಲಿಯನ್‌ಗಿಂತಲೂ ಹೆಚ್ಚು ಬಾರಿ ವೀಕ್ಷಿಸಲಾಗಿದ್ದು, ಭಾರಿ ವೈರಲ್ ಆಗಿದೆ.