ಮಕ್ಕಳೊಂದಿಗೆ ಸರ್ಕಾರಿ ಶಾಲೆಯ ಶಿಕ್ಷಕಿಯ ಸಖತ್ ಡಾನ್ಸ್

ದೆಹಲಿಯ ಸರ್ಕಾರಿ ಶಾಲೆಯ ವಿದ್ಯಾರ್ಥಿಗಳು ಕಿಸ್ಮತ್ ಚಲನಚಿತ್ರದ ‘ಕಜ್ರಾ ಮೊಹಬ್ಬತ್ ವಾಲಾ’ ಎಂಬ ಕ್ಲಾಸಿಕ್ ಹಾಡಿಗೆ ಹೆಜ್ಜೆಹಾಕುವಾಗ ಅವರೊಂದಿಗೆ ಶಾಲೆಯ ಶಿಕ್ಷಕಿ ಕೂಡ ಸ್ಟೆಪ್ ಹಾಕಿರುವ ವಿಡಿಯೋ ವೈರಲ್ ಆಗಿದೆ

ಈ ವಿಡಿಯೋವನ್ನು ಮನು ಗುಲಾಟಿ ಎಂಬ ಶಿಕ್ಷಕಿ ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಬೇಸಿಗೆ ಶಿಬಿರದ ಕೊನೆಯ ದಿನದಂದು ಶಾಲೆಯ ಖಾಲಿ ತರಗತಿಯಲ್ಲಿ ಅದನ್ನು ರೆಕಾರ್ಡ್ ಮಾಡಲಾಗಿದೆ.

ದಿಲ್ಲಿ ಶಾಲೆಯಲ್ಲಿ ನಡೆದ ನೃತ್ಯವು ಬೇಸಿಗೆ ಶಿಬಿರದ ಕೊನೆಯ ದಿನದಂದು ಸಂತೋಷ ಮತ್ತು ಒಗ್ಗಟ್ಟಿನ ಕೆಲವು ಪರಿಪೂರ್ಣ ಕ್ಷಣಗಳಿಗೆ ಕಾರಣವಾಗುತ್ತದೆ ಎಂದು ಶಿಕ್ಷಕರು ವೀಡಿಯೊದೊಂದಿಗೆ ಟ್ವೀಟ್ ಮಾಡಿದ್ದಾರೆ.

ಅವರು ನೃತ್ಯ ಮಾಡುತ್ತಿದ್ದ ಹಾಡು ಮ್ಯಾಶಪ್ ಆವೃತ್ತಿಯಾಗಿದೆ. ಒಬ್ಬೊಬ್ಬರಾಗಿ ಹಾಡಿಗೆ ಹೆಜ್ಜೆಹಾಕುತ್ತಾರೆ.‌ ನಡುವೆ ಗುಲಾಬಿ ಸೂಟ್ ಧರಿಸಿರುವ ಅವರ ಶಿಕ್ಷಕರೂ ನಾಜೂಕಾದ ಹೆಜ್ಜೆ ಹಾಕುತ್ತಾರೆ. ನಂತರ ಎಲ್ಲರೂ ಒಟ್ಟಿಗೆ ಹಾಡಿನ ಆಕರ್ಷಕ ಬೀಟ್‌ಗಳಿಗೆ ನೃತ್ಯ ಮಾಡುತ್ತಾರೆ.

ಈ ಹೃದಯಸ್ಪರ್ಶಿ ವೀಡಿಯೊ 570ಕೆ ಗಿಂತ ಹೆಚ್ಚು ವೀಕ್ಷಣೆ ಪಡೆದಿದೆ. ಶಾಲಾ ವಿದ್ಯಾರ್ಥಿನಿಯರು ಮತ್ತು ಶಿಕ್ಷಕರು ಒಟ್ಟಿಗೆ ಸಂತೋಷವಾಗಿರುವುದನ್ನು ನೋಡಿ ನೆಟ್ಟಿಗರು ಇಷ್ಟಪಟ್ಟಿದ್ದಾರೆ.