ಮರಿ ಮೇಲೆ ಮೊಸಳೆ ದಾಳಿ; ಹೋರಾಡಿ ರಕ್ಷಿಸಿದ ತಾಯಿ ಆನೆ

ತಾಯಿ ಆನೆ ತನ್ನ ಮರಿಗಳನ್ನು ಹೇಗೆ ಜತನದಿಂದ ಕಾಪಾಡಿಕೊಳ್ಳುತ್ತವೆ ಎಂಬುದಕ್ಕೆ ಅನೇಕ ವಿಡಿಯೋಗಳು ಕಂಡಿರುತ್ತೇವೆ. ಇದೇ ಸರಣಿಯ ಇನ್ನೊಂದು ರಣ ರೋಚಕವಾಗಿರುವ ವಿಡಿಯೋ ವೈರಲ್ ಆಗಿದೆ. ತಾಯಿ ಆನೆಯು ಅಪಾಯದಲ್ಲಿ ಸಿಲುಕಿದ ಮರಿಯಾನೆಯನ್ನು ಹೋರಾಟ ಮಾಡಿ ರಕ್ಷಿಸುವ ಮೈ ನವಿರೇಳಿಸುವ ವಿಡಿಯೋ ಇದಾಗಿದೆ.

ಇನ್ ಸ್ಟಾ ಗ್ರಾಮ್‌ನಲ್ಲಿ ನಲ್ಲಿ ‘wildlife_stories_’ ಪೇಜ್‌ನಲ್ಲಿ ಹಂಚಿಕೊಳ್ಳಲಾದ ಈ ವಿಡಿಯೋ 70 ಸಾವಿರಕ್ಕೂ ಹೆಚ್ಚು ವೀಕ್ಷಣೆ ಮತ್ತು 2,600 ಲೈಕ್‌ಗಳನ್ನು ಪಡೆದುಕೊಂಡಿದೆ.

ಕೆರೆ- ಹುಲ್ಲಿನ ನಡುವೆ ಏಕಾಏಕಿ ದಾಳಿ ಇಡುವ ಮೊಸಳೆ ಮರಿ ಆನೆಯ ಮೇಲೆ ದಾಳಿ ಮಾಡುವುದನ್ನು ವಿಡಿಯೋ ಕ್ಲಿಪ್‌ನಲ್ಲಿ ಕಾಣಬಹುದು.‌ ತನ್ನ ಸೊಂಡಿಲಿನ್ನು ಕಚ್ಚಿ ಹಿಡಿದ ಮೊಸಳೆಯಿಂದ ತಪ್ಪಿಸಿಕೊಳ್ಳಲು ಮರಿ ಅನೆ ಹೆಣಗಾಡುತ್ತದೆ.

ಮೆಕ್‌ಡೊನಾಲ್ಡ್ಸ್ ಕೋಲ್ಡ್ ಡ್ರಿಂಕ್‌‌ನಲ್ಲಿ ಸತ್ತ ಹಲ್ಲಿ ಪತ್ತೆ; 1 ಲಕ್ಷ ರೂ. ದಂಡ

ಮೊಸಳೆಯು ಕೆರೆಯಿಂದ ಏರಿ ಬರುವುದನ್ನು ನೋಡಿ ತಾಯಿ ಆನೆ ಒಮ್ಮೆ ಬೆದರುತ್ತದೆ. ಆದರೆ ಮರಿ ಆನೆಯನ್ನು ರಕ್ಷಿಸಲು ಪುನಃ ವಾಪಸು ಬರುತ್ತದೆ. ಮತ್ತು ಮೊಸಳೆಯನ್ನು ಬೆದರಿಸಿ ಮರಿಯನ್ನು ರಕ್ಷಿಸುತ್ತದೆ.