ತರಗತಿಯಲ್ಲೇ ಶಿಕ್ಷಕಿಯರ ಭರ್ಜರಿ ಡಾನ್ಸ್…!‌ ವಿಡಿಯೋ ವೈರಲ್‌ ಆಗ್ತಿದ್ದಂತೆ ಐವರು ಸಸ್ಪೆಂಡ್

ವಿದ್ಯಾರ್ಥಿಗಳು ಇಲ್ಲದ ಸಮಯದಲ್ಲಿ ತರಗತಿಯಲ್ಲಿ ಸಿನಿಮಾ ಗೀತೆಯ ಹಾಡಿಗೆ ನೃತ್ಯ ಮಾಡಲು ಹೋದ ಸರ್ಕಾರಿ ಪ್ರಾಥಮಿಕ ಶಾಲೆ ಶಿಕ್ಷಕಿಯರು ಅಮಾನತು ಶಿಕ್ಷೆಗೆ ಒಳಗಾದ ಘಟನೆಯು ಆಗ್ರಾ ಜಿಲ್ಲೆಯ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ನಡೆದಿದೆ.

ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ವೈರಲ್​ ಆಗಿದ್ದೇ ಶಿಕ್ಷಕಿಯರ ಪಾಲಿಗೆ ಮುಳುವಾಗಿದೆ. ಅಸಭ್ಯ ವರ್ತನೆ ಆರೋಪದ ಅಡಿಯಲ್ಲಿ ರಶ್ಮಿ ಸಿಸೋಡಿಯಾ, ಜೀವಿಕಾ ಕುಮಾರಿ, ಅಂಜಲಿ ಯಾದವ್​, ಸುಮನ್​ ಕುಮಾರಿ ಹಾಗೂ ಸುಧಾರಾಣಿ ಎಂಬವರನ್ನು ಅಮಾನತು ಮಾಡಲಾಗಿದೆ. ಈ ಶಿಕ್ಷಕಿಯರು ಬಾಲಿವುಡ್​ನ ಪ್ರಸಿದ್ಧ ‘ಮೈನು ಲೆಹೆಂಗಾ’ ಸೇರಿದಂತೆ ಸಾಕಷ್ಟು ಹಾಡಿಗೆ ನೃತ್ಯ ಮಾಡಿದ್ದರು.

ಈ ವಿಡಿಯೋವನ್ನು ಈ ವರ್ಷದ ಮಾರ್ಚ್ 21ರಂದು ಚಿತ್ರೀಕರಿಸಲಾಗಿತ್ತು. ಆದರೆ ಈ ವಿಡಿಯೋ ಗುರುವಾರದಂದು ಸೋಶಿಯಲ್​ ಮೀಡಿಯಾದಲ್ಲಿ ಹರಿದಾಡಿದೆ. ಸೋಶಿಯಲ್​ ಮೀಡಿಯಾದಲ್ಲಿ ವಿಡಿಯೋ ವೈರಲ್​ ಆಗುತ್ತಿದ್ದಂತೆಯೇ ಶಿಕ್ಷಣ ಇಲಾಖೆ ಶಿಕ್ಷಕಿಯರ ಮೇಲೆ ಕ್ರಮ ಕೈಗೊಂಡಿದೆ.

ಶಿಕ್ಷಕಿಯರು ನೃತ್ಯ ಮಾಡುತ್ತಿರುವ ಈ ಹಾಡು ಉತ್ತಮ ನೀತಿ ನೀಡುವಂತದ್ದಲ್ಲ. ತರಗತಿಯಲ್ಲಿ ಈ ಹಾಡಿಗೆ ನೃತ್ಯ ಮಾಡುವ ಮೂಲಕ ಇವರು ಶಿಕ್ಷಕರ ಸೇವಾ ನಿಯಮಗಳನ್ನು ಉಲ್ಲಂಘಿಸಿದ್ದಾರೆ. ಇದು ಗ್ರಾಮಸ್ಥರ ಆಕ್ರೋಶಕ್ಕೂ ಕಾರಣವಾಗಿದೆ ಎಂದು ಪ್ರಾಥಮಿಕ ಶಿಕ್ಷಣ ಅಧಿಕಾರಿ ಬ್ರಜ್ರಾಜ್​​ ಸಿಂಗ್​​ ತಮ್ಮ ಆದೇಶದಲ್ಲಿ ಹೇಳಿದ್ದಾರೆ.

ಐವರು ಸಹಶಿಕ್ಷಕಿಯರು ಹಾಗೂ ಶಾಲೆಯ ಮುಖ್ಯೋಪಾಧ್ಯಾಯರಿಗೆ ಈ ಘಟನೆ ಸಂಬಂಧ ಸ್ಪಷ್ಟನೆ ನೀಡುವಂತೆ ಶಿಕ್ಷಣ ಇಲಾಖೆ ಸೂಚನೆ ನೀಡಲಾಗಿದೆ. ಇದರಲ್ಲಿ ನಾಲ್ವರು ಈಗಾಗಲೇ ಪ್ರತಿಕ್ರಿಯೆ ನೀಡಿದ್ದಾರೆ. ಓರ್ವ ಶಿಕ್ಷಕಿಯ ಪ್ರತಿಕ್ರಿಯೆ ಬಾಕಿ ಇದೆ ಎಂದು ಬ್ರಜ್ರಾಜ್​ ಹೇಳಿದ್ದಾರೆ. ‘

https://youtu.be/q4ZZh7DGgAI?t=5