ಟೊಕಿಯೊ: ಆತ್ಮಹತ್ಯೆ ಮಾಡಿಕೊಳ್ಳಲು ಮುಂದಾದ ಮಹಿಳೆಯನ್ನು ವ್ಯಕ್ತಿಯೊಬ್ಬ ಕುತೂಹಲ ರೀತಿಯಲ್ಲಿ ರಕ್ಷಣೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ವೈರಲ್ ಆಗುತ್ತಿದೆ. ಮಹಿಳೆಯನ್ನು ಅಸಾಮಾನ್ಯ ರೀತಿಯಲ್ಲಿ ರಕ್ಷಿಸಿರುವ ಈ ಘಟನೆ ಹಳೆಯದ್ದಾಗಿದ್ದು, ಪುನಃ ವೈರಲ್ ಆಗಿದೆ.
ಈಗ ವೈರಲ್ ಆಗಿರುವ ವಿಡಿಯೋವನ್ನು ಟ್ವಿಟರ್‌ನಲ್ಲಿ ‘ಕಮ್ಯುನಿಕೇಟರ್ ಆಫ್ ಇಲೋರಿನ್’ ಎಂಬ ಪುಟ ಹಂಚಿಕೊಂಡಿದೆ. ಇದು ಜಪಾನಿನಲ್ಲಿ ನಡೆದಿರುವ ಘಟನೆ.
ಆತ್ಮಹತ್ಯೆ ಮಾಡಿಕೊಳ್ಳುವ ಸಂಬಂಧ ಕಿಟಕಿಯ ರೇಲಿಂಗ್‌ನಲ್ಲಿ ಕುಳಿತಿದ್ದ ಮಹಿಳೆಯನ್ನು ಅಗ್ನಿಶಾಮಕ ಸಿಬ್ಬಂದಿ ರೋಚಕವಾಗಿ ರಕ್ಷಣೆ ಮಾಡಿರುವುದನ್ನು ಈ ವಿಡಿಯೋದಲ್ಲಿ ಕಾಣಬಹುದಾಗಿದೆ. ಆತ್ಮಹತ್ಯೆ ಮಾಡಿಕೊಳ್ಳಲು ಮಹಿಳೆ ರೀಲಿಂಗ್ನಲ್ಲಿ ಕುಳಿತು ಕೆಳಕ್ಕೆ ಜಿಗಿಯಲು ಯತ್ನಿಸುತ್ತಿದ್ದ ವೇಳೆ, ಅಗ್ನಿಶಾಮಕ ಸಿಬ್ಬಂದಿ ಆ ಮಹಿಳೆಯನ್ನು ಒದ್ದು ಅಪಾರ್ಟ್ಮೆಂಟ್ ಒಳಕ್ಕೆ ತಳ್ಳಿದ್ದಾನೆ.
ಕೇಳಲು ಇದು ವಿಚಿತ್ರ ಎನಿಸಿದರೂ ಈ ವಿಡಿಯೋ ನೋಡಿದ ಮೇಲೆ ಅಗ್ನಿಶಾಮಕ ಸಿಬ್ಬಂದಿಯ ಕಾರ್ಯಕ್ಕೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ದೇವರಂತೆ ಬಂದು ಮಹಿಳೆಯ ಜೀವ ಕಾಪಾಡಿದ ಎಂದು ಎಲ್ಲರೂ ಶ್ಲಾಘನೆ ವ್ಯಕ್ತಪಡಿಸುತ್ತಿದ್ದಾರೆ.
Loading ...