ತನ್ನ ಕೂದಲು ಹೇಗೆ ಬಾಚಬೇಕೆಂದು ಅಮ್ಮನಿಗೆ ಪುಟಾಣಿಯ ನಿರ್ದೇಶನ: ಕ್ಯೂಟ್​ ವಿಡಿಯೋ ವೈರಲ್​

ಮಕ್ಕಳ ಕೂದಲನ್ನು ಬಾಚುವುದು ಸುಲಭದ ಕೆಲಸವಲ್ಲ. ಮಕ್ಕಳಿಗೆ ದಿನಕ್ಕೊಂದು ರೀತಿಯಲ್ಲಿ ಕೇಶಾಲಂಕಾರ ಮಾಡಬಯಸುವ ಹಲವು ಅಮ್ಮಂದಿರಿದ್ದಾರೆ. ಇದಕ್ಕಾಗಿ ಯೂಟ್ಯೂಬ್​ ಮೊರೆ ಕೂಡ ಹೋಗುತ್ತಾರೆ.

ಆದರೆ ಇಲ್ಲಿ ವೈರಲ್​ ಆಗಿರುವ ವಿಡಿಯೋ ಒಂದರಲ್ಲಿ ಖುದ್ದು ಮಗಳೇ ಅಮ್ಮನಿಗೆ ತನ್ನ ಹೇರ್​ಸ್ಟೈಲ್​ ಹೇಗೆ ಇರಬೇಕು ಎಂದು ನಿರ್ದೇಶನ ನೀಡುತ್ತಿದ್ದಾಳೆ. ಆಕೆಯ ಅಮ್ಮ ಬಾಚುವ ಸಮಯದಲ್ಲಿ ಬಾಲಕಿ ಆಕೆಗೆ ನಿರ್ದೇಶನ ನೀಡುತ್ತಿರುವ ಕ್ಯೂಟ್​ ವಿಡಿಯೋ ಇದಾಗಿದೆ.

ಹಾರ್ಮನಿ ಮತ್ತು ಹ್ಯಾನ್ಸೆಲ್ ಎಂಬುವವರು ಈ ವಿಡಿಯೋ ಶೇರ್​ ಮಾಡಿದ್ದಾರೆ. ಇಲ್ಲಿ ತಾಯಿ ತನ್ನ ಮಗಳ ಕೂದಲನ್ನು ಹೆಣೆಯುತ್ತಿರುವುದನ್ನು ಕಾಣಬಹುದು. ಸ್ವಲ್ಪ ಸಮಯದ ನಂತರ, ಬಾಲಕಿ ತನಗೆ ಹೀಗೆ ಹೀಗೆ ಸ್ಟೈಲ್​ ಮಾಡು ಎನ್ನುತ್ತಾಳೆ. ತಾಯಿ ಹೂಂಗುಟ್ಟುತ್ತಿದ್ದರೂ ಆಕೆ ತಾನು ಹೇಳಿದಂತೆ ಮಾಡುತ್ತಿಲ್ಲ ಎಂದು ಬಾಲಕಿಗೆ ತಿಳಿದು ಬಯ್ಯುವುದನ್ನು ಈ ವಿಡಿಯೋದಲ್ಲಿ ನೋಡಬಹುದು.

“ನಿನ್ನೆ ನಾನು ಹೀಗೆಲ್ಲಾ ಮಾಡಲು ಹೇಳಿದ್ದೆ. ಆದರೆ ನೀವು ನೀವು ನನ್ನನ್ನು ಏಕೆ ಅರ್ಥಮಾಡಿಕೊಳ್ಳಲಿಲ್ಲ?” ಎಂದು ಬಾಲಕಿ ತಾಯಿಯ ಮೇಲೆ ಮುನಿಸು ತೋರಿಸುವ ಕ್ಯೂಟ್​ ದೃಶ್ಯಕ್ಕೆ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಈ ವಿಡಿಯೋ ವೈರಲ್​ ಆಗಿದೆ. ಅನೇಕ ಅಮ್ಮಂದಿರು ತಮ್ಮ ಅನುಭವಗಳನ್ನೂ ಕಮೆಂಟ್​ ಮೂಲಕ ತಿಳಿಸುತ್ತಿದ್ದಾರೆ.