ಸಮುದ್ರದ ಮೇಲೆ ಪ್ಯಾರಾಸೈಲಿಂಗ್ ಮಾಡುತ್ತಾ ಹಾರಾಟ ನಡೆಸೋದೇ ಒಂದು ಮಜಾ. ಆದರೆ ಇದರಲ್ಲಿ ಕೊಂಚ ಯಾಮಾರಿದ್ರೂ ಸಹ ಜೀವಕ್ಕೆ ಅಪಾಯವಾಗುವಂತಹ ಸಂದರ್ಭ ಬಂದೆದುರಾಗಬಹುದು. ದಿಯು ಸಮುದ್ರ ತೀರದಲ್ಲಿ ಪ್ಯಾರಾಸೈಲಿಂಗ್ ಮಾಡುತ್ತಿದ್ದ ವೇಳೆ ಪ್ಯಾರಾಚೂಟ್ನ ಹಗ್ಗ ತುಂಡಾದ ಪರಿಣಾಮ ದಂಪತಿ ಸಮುದ್ರಕ್ಕೆ ಬಿದ್ದಿದ್ದಾರೆ.
ಹಗ್ಗ ತುಂಡಾಗುತ್ತಿದ್ದಂತೆಯೇ ಅಜಿತ್ ಕಥಾಡ್ ಹಾಗೂ ಸರಳ ಕಥಾಡ್ ದಂಪತಿ ಆಘಾತಕ್ಕೊಳಗಾದರು. ದಿಯುವಿನ ನಾಗೋವಾ ಕಡಲಿನಲ್ಲಿ ಪ್ಯಾರಾಸೈಲಿಂಗ್ ಮಾಡುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್ ಆಗಿದೆ.
ಗುಜರಾತ್ ಮೂಲದವರಾದ ಈ ದಂಪತಿಯು ಭಾನುವಾರ ರಜೆಯನ್ನು ಎಂಜಾಯ್ ಮಾಡೋಕೆ ದಿಯುಗೆ ಆಗಮಿಸಿದ್ದರು. ಅದೃಷ್ಟವಶಾತ್ ಸಮುದ್ರಕ್ಕೆ ಬಿದ್ದರೂ ಯಾವುದೇ ಗಾಯವೂ ಆಗದಂತೆ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಬೀಚ್ನಲ್ಲಿ ಲೈಫ್ ಗಾರ್ಡ್ಗಳು ಕೂಡಲೇ ದಂಪತಿಯತ್ತ ಧಾವಿಸಿದ್ದಾರೆ. ಅಲ್ಲದೇ ದಂಪತಿ ಧರಿಸಿದ್ದ ಲೈಫ್ ಜಾಕೆಟ್ ಕೂಡ ಅವಘಡದಿಂದ ಅವರನ್ನು ಕಾಪಾಡಿದೆ.
ಎದೆ ಝಲ್ ಎನ್ನಿಸುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗ್ತಿದೆ. ಮುಗಿಲೆತ್ತರಕ್ಕೆ ಹಾರಿದ್ದ ದಂಪತಿಯ ಪ್ಯಾರಾಚೂಟ್ ಹಗ್ಗ ಕಟ್ ಆದ ಪರಿಣಾಮ ಅವರು ಸಮುದ್ರಕ್ಕೆ ಬೀಳುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.
ಪವರ್ ಬೋಟ್ನಲ್ಲಿ ಅಜಿತ್ ಸಹೋದರ ರಾಕೇಶ್ ಸಮುದ್ರಕ್ಕೆ ಇವರು ಬೀಳುತ್ತಿದ್ದಂತೆಯೇ ಕೂಗಲು ಆರಂಭಿಸಿದ್ದಾರೆ. ಈ ಘಟನೆಯ ಬಗ್ಗೆ ಮಾತನಾಡಿದ ರಾಕೇಶ್, ನಾನು ವಿಡಿಯೋ ಚಿತ್ರೀಕರಣ ಮಾಡುತ್ತಿದ್ದೆ. ಹಗ್ಗ ತುಂಡಾದ ತಕ್ಷಣ ನನಗೆ ಏನು ಮಾಡಬೇಕೆಂದು ತಿಳಿಯಲಿಲ್ಲ. ಮುಗಿಲೆತ್ತರದಿಂದ ನನ್ನ ಸಹೋದರ ಹಾಗೂ ಅತ್ತಿಗೆ ಸಮುದ್ರಕ್ಕೆ ಬಿದ್ದುದ್ದನ್ನು ಕಣ್ಣಾರೆ ಕಂಡಿದ್ದೆ. ಈ ಕ್ಷಣದಲ್ಲಿ ನನಗೆ ಅಸಹಾಯಕ ಎನಿಸಿದ ಮಟ್ಟಿಗೆ ಇನ್ಯಾವತ್ತು ಎನಿಸಿರಲಿಲ್ಲ ಎಂದು ಹೇಳಿದ್ರು. ಪ್ಯಾರಾಸೈಲಿಂಗ್ ಸಿಬ್ಬಂದಿ ಅಜಾಗರೂಕತೆಯೇ ಇದಕ್ಕೆ ಕಾರಣ ಎಂದು ಇದೇ ವೇಳೆ ಕಿಡಿಕಾರಿದ್ರು.
ಆದರೆ ಪಾಮ್ಸ್ ಅಡ್ವೆಂಚರ್ ಹಾಗೂ ಮೋಟರ್ ಸ್ಪೋರ್ಟ್ಸ್ ಮಾಲೀಕ ಈ ಘಟನೆಗೆ ಅತಿಯಾದ ಗಾಳಿಯೇ ಕಾರಣ ಎಂದು ಹೇಳಿದ್ದಾರೆ. ಕಳೆದ ಮೂರು ವರ್ಷಗಳಲ್ಲಿ ಎಂದಿಗೂ ಇಂತಹ ಘಟನೆ ನಡೆದಿರಲಿಲ್ಲ. ಭಾನುವಾರ ಅತಿಯಾದ ಗಾಳಿ ಬೀಸುತ್ತಿತ್ತು. ಇದೇ ಕಾರಣಕ್ಕೆ ಈ ಘಟನೆ ಸಂಭವಿಸಿದೆ ಎಂದು ಮೋಹನ್ ಲಕ್ಷ್ಮಣ ಹೇಳಿದ್ರು.
Loading ...