5 ದಶಕ ಗಣರಾಜ್ಯೋತ್ಸವ ಪರೇಡ್ ಧ್ವನಿಯಾಗಿದ್ದ ಹಿರಿಯ ನಿರೂಪಕ ಸಾವಂತ್ ನಿಧನ: ಪ್ರಧಾನಿ ಮೋದಿ ಸಂತಾಪ

ನವದೆಹಲಿ: ಸುಮಾರು ಐದು ದಶಕಗಳ ಕಾಲ ಗಣರಾಜ್ಯೋತ್ಸವ ಪರೇಡ್‌ನ ಧ್ವನಿಯಾಗಿದ್ದ ಬ್ರಿಗ್ ಚಿತ್ರಂಜನ್ ಸಾವಂತ್(ನಿವೃತ್ತ) ಅವರ ಅಂತ್ಯಕ್ರಿಯೆಯನ್ನು ಬುಧವಾರ ದೆಹಲಿಯ ಕಂಟೋನ್ಮೆಂಟ್‌ನ ಬ್ರಾರ್ ಸ್ಕ್ವೇರ್ ಚಿತಾಗಾರದಲ್ಲಿ ಮಾಡಲಾಯಿತು.

ಹಿರಿಯ ನಿರೂಪಕ ಬ್ರಿಗ್ ಸಾವಂತ್ 89 ನೇ ವಯಸ್ಸಿನಲ್ಲಿ ನಿಧನರಾದ್ದು, ಅವರ ನಿಧನಕ್ಕೆ ಪ್ರಧಾನಿ ಮೋದಿ ಸಂತಾಪ ಸೂಚಿಸಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ಅವರು ಸಾವಂತ್ ಕುಟುಂಬಕ್ಕೆ ಸಾಂತ್ವನ ಹೇಳಿದರು. ಬ್ರಿಗೇಡಿಯರ್ ಅವರ “ಮರೆಯಲಾಗದ ಧ್ವನಿ” ಗಣರಾಜ್ಯೋತ್ಸವದ ಪರೇಡ್ ಮತ್ತು ಸಶಸ್ತ್ರ ಪಡೆಗಳಿಗೆ ಸಂಬಂಧಿಸಿದ ಇತರ ಸಮಾರಂಭಗಳಿಗೆ ಹೇಗೆ ಸಮಾನಾರ್ಥಕವಾಗಿದೆ ಎಂಬುದನ್ನು ಸ್ಮರಿಸಿದ್ದಾರೆ.

“ಅವರ ಧ್ವನಿಯಲ್ಲಿ ಅನುಭವಿಸಬಹುದಾದ ದೇಶಭಕ್ತಿ ಮತ್ತು ರಾಷ್ಟ್ರೀಯ ಹೆಮ್ಮೆಯ ಆಳವಾದ ಪ್ರಜ್ಞೆ ಮತ್ತು ನಮ್ಮ ಸಶಸ್ತ್ರ ಪಡೆಗಳ ಸಂಪ್ರದಾಯಗಳು, ಕಾರ್ಯತಂತ್ರ ಮತ್ತು ಮಿಲಿಟರಿ ವ್ಯವಹಾರಗಳ ಬಗ್ಗೆ ಅವರ ಮಾತುಗಳು ಎಲ್ಲರನ್ನೂ ಮಂತ್ರಮುಗ್ಧರನ್ನಾಗಿಸಿದವು ಎಂದು ಪ್ರಧಾನಿ ಮೋದಿ ತಿಳಿಸಿದ್ದಾರೆ.

ಸಾವಂತ್ ಅವರ ಮೊದಲ ವ್ಯಾಖ್ಯಾನ ಜನವರಿ 26, 1973 ರಂದು ಆಗಿತ್ತು. ಬಳಿಕ 5 ದಶಕ ಅವರು ಗಣರಾಜ್ಯೋತ್ಸವ ಪರೇಡ್ ನಲ್ಲಿ ಧ್ವನಿಯಾಗಿದ್ದರು.