ಬಾಲಿವುಡ್ ಚಿತ್ರರಂಗದ ಖ್ಯಾತ ನಿರ್ಮಾಪಕ ಕೆ.ಸಿ. ಶರ್ಮಾ ವಿಧಿವಶರಾಗಿದ್ದಾರೆ. ಕಳೆದ ರಾತ್ರಿ ಹೃದಯಾಘಾತಕ್ಕೊಳಗಾಗಿದ್ದ 89 ವರ್ಷದ ಶರ್ಮಾ ತಮ್ಮ ನಿವಾಸದಲ್ಲೇ ಸಾವನ್ನಪ್ಪಿದ್ದಾರೆ.
ಧರ್ಮೇಂದ್ರ, ಅಕ್ಷಯ್ ಕುಮಾರ್ ಸೇರಿದಂತೆ ಹಲವು ಖ್ಯಾತನಾಮ ನಟರ ಸಿನಿಮಾಗಳನ್ನು ಕೆ.ಸಿ. ಶರ್ಮ ನಿರ್ಮಿಸಿದ್ದು, ಈ ಪೈಕಿ ಧರ್ಮೇಂದ್ರ ಅಭಿನಯದ ಹುಕುಮತ್, ಎಲಾನ್ ಇ ಜಂಗ್, ತೆಹಲ್ಕಾ, ಜವಾಬ್, ಪೊಲೀಸ್ ವಾಲಾ ಗೂಂಡಾ, ಅಕ್ಷಯ್ ಕುಮಾರ್ ಅಭಿನಯದ ತುಮಾರೆ ಹವಾಲೆ ವತನ್ ಸಾಥಿಯೋ ಪ್ರಮುಖವಾದವು.
ಕೆ.ಸಿ. ಶರ್ಮಾ ಅವರ ಪುತ್ರ ಅನಿಲ್ ಶರ್ಮಾ ಕೂಡ ಬಾಲಿವುಡ್ ಚಿತ್ರರಂಗದಲ್ಲಿ ನಿರ್ದೇಶಕರಾಗಿ ಗುರುತಿಸಿಕೊಂಡಿದ್ದು, ‘ಗದರ್ ಏಕ್ ಪ್ರೇಮ್ ಕಥಾ’ ಚಿತ್ರವನ್ನು ಅವರೇ ನಿರ್ದೇಶಿಸಿದ್ದಾರೆ. ಕೆ.ಸಿ. ಶರ್ಮಾ ಅವರ ಅಂತ್ಯಕ್ರಿಯೆ ಮುಂಬೈನ ಸಂತಾಕ್ರೂಝ್ ಇಂದು ನೆರವೇರಲಿದೆ. ಕೆ.ಸಿ. ಶರ್ಮಾ ನಿಧನಕ್ಕೆ ಬಾಲಿವುಡ್ ಚಿತ್ರರಂಗದ ಗಣ್ಯರು ಕಂಬನಿ ಮಿಡಿದಿದ್ದಾರೆ.
Loading ...