ಉತ್ತರ ರೈಲ್ವೆಯ ಮೊರಾದಾಬಾದ್ ವಿಭಾಗದ ಮೊದಲ ವಂದೇ ಭಾರತ್ ಸ್ಲೀಪರ್ ಎಕ್ಸ್‌ಪ್ರೆಸ್ ಬರೇಲಿ-ಮುಂಬೈ ನಡುವೆ ಶೀಘ್ರವೇ ಕಾರ್ಯನಿರ್ವಹಿಸಲಿದೆ. ಇನ್ನು ಮೂರ್ನಾಲ್ಕು ತಿಂಗಳಲ್ಲಿ ಈ ಐಷಾರಾಮಿ ರೈಲು ಹಳಿಯಲ್ಲಿ ಓಡಾಟ ಆರಂಭಿಸಲಿದೆ. ಬರೇಲಿ ಮತ್ತು ಮುಂಬೈ ನಡುವಿನ ವಿವಿಧ ರೈಲ್ವೆ ವಿಭಾಗಗಳು ಸಮೀಕ್ಷೆಗಳನ್ನು ನಡೆಸುತ್ತಿವೆ, ವರದಿಗಳನ್ನು ಸಿದ್ಧಪಡಿಸುತ್ತಿವೆ. ಸಮೀಕ್ಷೆಯ ವರದಿಯನ್ನು ರೈಲ್ವೆ ಮಂಡಳಿಗೆ ಕಳುಹಿಸಲಾಗುವುದು. ಇದಾದ ಬಳಿಕ ಈ ಐಷಾರಾಮಿ ರೈಲಿನ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸಾಮಾನ್ಯ ಬಜೆಟ್‌ನಲ್ಲಿ ವಂದೇ ಭಾರತ್, ವಂದೇ ಭಾರತ್ ಸ್ಲೀಪರ್ ಮತ್ತು ಅಮೃತ್ ಭಾರತ್ ಕಾಯ್ದಿರಿಸದ ರೈಲುಗಳನ್ನು ಸುರಕ್ಷತೆ ಮತ್ತು ಭದ್ರತೆಯೊಂದಿಗೆ ನಿರ್ವಹಿಸಲು ಒತ್ತು ನೀಡಲಾಗಿದೆ. ಮೊರಾದಾಬಾದ್ ವಿಭಾಗವು ಡೆಹ್ರಾಡೂನ್-ದೆಹಲಿ ಮತ್ತು ಡೆಹ್ರಾಡೂನ್-ಲಕ್ನೋ ನಡುವೆ ವಂದೇ ಭಾರತ್ ಎಕ್ಸ್‌ಪ್ರೆಸ್ ಅನ್ನು ನಿರ್ವಹಿಸುತ್ತಿದೆ.
ಜುಲೈ 14 ರಂದು ನಡೆದ ವೀಡಿಯೊ ಕಾನ್ಫರೆನ್ಸ್ ನಲ್ಲಿ ರೈಲ್ವೇ ಸಚಿವ ಅಶ್ವನಿ ವೈಷ್ಣವ್, ಬರೇಲಿ-ಮುಂಬೈ ನಡುವೆ ವಂದೇ ಭಾರತ್ ಸ್ಲೀಪರ್ ಎಕ್ಸ್‌ಪ್ರೆಸ್ ಕಾರ್ಯಾಚರಣೆಗೆ ಸಂಬಂಧಿಸಿದಂತೆ ಮೊರಾದಾಬಾದ್ ಮತ್ತು ಇಜ್ಜತ್‌ನಗರ ವಿಭಾಗದ ಅಧಿಕಾರಿಗಳೊಂದಿಗೆ ಚರ್ಚಿಸಿದ್ದಾರೆ. ಇನ್ನೆರಡು ಮೂರು ತಿಂಗಳಲ್ಲಿ ಮೊರಾದಾಬಾದ್ ವಿಭಾಗದ ಮೊದಲ ವಂದೇ ಭಾರತ್ ಸ್ಲೀಪರ್ ಎಕ್ಸ್‌ಪ್ರೆಸ್‌ನ ಕಾರ್ಯಾಚರಣೆಯನ್ನು ಬರೇಲಿ ಮತ್ತು ಮುಂಬೈ ನಡುವೆ ಪ್ರಾರಂಭಿಸಲಾಗುವುದು ಎಂದು ಹಿರಿಯ ಡಿಸಿಎಂ ಆದಿತ್ಯ ಗುಪ್ತಾ ಹೇಳಿದ್ದಾರೆ.
Loading ...