ಕೊರೊನಾ ಲಸಿಕೆ ಪಡೆಯುವವರಿಗೆ ಇಲ್ಲಿ ಸಿಗ್ತಿದೆ ಬಂಪರ್ ಆಫರ್…!

ಕೊರೊನಾ ವೈರಸ್​ ವಿರುದ್ಧ ಲಸಿಕೆಯ ಅಸ್ತ್ರವನ್ನ ಬಳಕೆ ಮಾಡುತ್ತಿರುವ ಅಮೆರಿಕ ಕಳೆದ ಅನೇಕ ದಿನಗಳಿಂದ ದೇಶದ ಪ್ರಜೆಗಳಿಗೆ ಲಸಿಕೆಯನ್ನ ನೀಡುತ್ತಿದೆ. ಆದರೆ ಇದೀಗ ಕೊರೊನಾ ಲಸಿಕೆ ಅಭಿಯಾನಕ್ಕೆ ಜನರಿಂದ ಪ್ರತಿಕ್ರಿಯೆ ಕಡಿಮೆ ಆಗುತ್ತಿರುವ ಹಿನ್ನೆಲೆಯಲ್ಲಿ ವಾಷಿಂಗ್ಟನ್​ನಲ್ಲಿ ಜನರಲ್ಲಿ ಲಸಿಕೆ ಪಡೆದುಕೊಳ್ಳುವ ಉತ್ಸಾಹವನ್ನ ಹೆಚ್ಚಿಸುವ ಸಲುವಾಗಿ ಹೊಸ ಆಫರ್​ ಒಂದನ್ನ ನೀಡಲಾಗಿದೆ.

ಕೊರೊನಾ ಲಸಿಕೆಯನ್ನ ಅಧ್ಯಯನಕ್ಕೆ ಉತ್ತೇಜನ ನೀಡುವ ಸಲುವಾಗಿ ಕೋವಿಡ್​ ಲಸಿಕೆ ಪಡೆದ 21 ವರ್ಷ ಮೇಲ್ಪಟ್ಟವರಿಗೆ ಮರಿಜುವಾನಾ ಡ್ರಗ್​ನ್ನು ಉಚಿತವಾಗಿ ನೀಡಲಾಗುತ್ತಿದೆ. ಕಳೆದ ತಿಂಗಳಷ್ಟೇ ವಾಷಿಂಗ್ಟನ್​​ನಲ್ಲಿ ಕೊರೊನಾ ಲಸಿಕೆಯನ್ನ ಪಡೆದವರಿಗೆ ವಾಷಿಂಗ್ಟನ್​ನಲ್ಲಿ ಉಚಿತವಾಗಿ ಮದ್ಯದ ಬಾಟಲಿಯನ್ನ ಉಡುಗೊರೆ ರೂಪದಲ್ಲಿ ನೀಡಲಾಗುತ್ತಿತ್ತು.

ಅಮೆರಿಕದ ಆರೋಗ್ಯ ಇಲಾಖೆಯು ನೀಡಿರುವ ಅಂಕಿ-ಅಂಶಗಳ ಪ್ರಕಾರ ವಾಷ್ಟಿಂಗ್ಟನ್​ ನಲ್ಲಿ 54 ಪ್ರತಿಶತ ವಯಸ್ಕರು ಕನಿಷ್ಟ 1 ಡೋಸ್​ ಲಸಿಕೆಯನ್ನಾದರೂ ಪಡೆದಿದ್ದಾರೆ.