ಕಳೆದು ಹೋದ ವಸ್ತು ಮರಳಿ ಸಿಕ್ರೆ ಆಗುವ ಖುಷಿ ಹೇಳತೀರದು. ಅದೂ ಒಂದಲ್ಲ ಎರಡಲ್ಲ ಬರೋಬ್ಬರಿ 51 ವರ್ಷಗಳ ನಂತ್ರ ಕಳೆದ ಹೋದ ವಸ್ತು ಸಿಕ್ಕಿದ್ರೆ ಹೇಗಾಗಬೇಡ?. ಅಮೆರಿಕಾದ ವ್ಯಕ್ತಿಯೊಬ್ಬನ ಜೀವನದಲ್ಲಿ ಇಂಥ ಘಟನೆ ನಡೆದಿದೆ. 51 ವರ್ಷಗಳ ನಂತ್ರ ಕಳೆದು ಹೋದ ಪರ್ಸ್ ಅವನ ಕೈ ಸೇರಿದೆ. ಅದನ್ನು ನೋಡಿದ ವ್ಯಕ್ತಿಯ ಸಂತೋಷ ದುಪ್ಪಟ್ಟಾಗಿತ್ತು.
ಅಮೆರಿಕದ ಕಾನ್ಸಾಸ್ ನಲ್ಲಿ ಘಟನೆ ನಡೆದಿದೆ. 1970ರಲ್ಲಿ ಲಾರೆನ್ಸ್ ಪರ್ಸ್ ಕಳೆದುಕೊಂಡಿದ್ದರಂತೆ. ಆಗ್ಲೇ ಅವರು ಪೊಲೀಸರಿಗೆ ದೂರು ನೀಡಿದ್ದರಂತೆ. ಆದ್ರೆ ಆಗ ಪರ್ಸ್ ಸಿಕ್ಕಿರಲಿಲ್ಲ. ಕೆಲ ದಿನಗಳ ಹಿಂದೆ ಪರ್ಸ್ ಪೊಲೀಸ್ ಕೈಗೆ ಸಿಕ್ಕಿದೆ. ಅದ್ರಲ್ಲಿದ್ದ ವಸ್ತುಗಳನ್ನು ಪೊಲೀಸರು ಪರಿಶೀಲಿಸಿದ್ದಾರೆ. ಸಾಮಾಜಿಕ ಭದ್ರತಾ ಕಾರ್ಡ್ ಹಾಗೂ ಲೈಸೆನ್ಸ್ ಕೂಡ ಇತ್ತು ಎನ್ನಲಾಗಿದೆ. ಲೈಸೆನ್ಸ್ ಅವಧಿ 1974ರಲ್ಲಿಯೇ ಮುಗಿದಿತ್ತು. ಅದ್ರಲ್ಲಿದ್ದ ವಿಳಾಸದ ಆಧಾರದ ಮೇಲೆ ಪೊಲೀಸರು ಲಾರೆನ್ಸ್ ಹುಡುಕಿದ್ದಾರೆ.
ಮೊದಲು ಲಾರೆನ್ಸ್ ಗೆ ಇದ್ರ ನೆನಪಾಗಲಿಲ್ಲವಂತೆ. ನಂತ್ರ ನೆನಪು ಮಾಡಿಕೊಂಡಿದ್ದಾರೆ. 1970ರಲ್ಲಿ ಪರ್ಸ್ ನಾಪತ್ತೆಯಾಗಿತ್ತು. ಆಗ್ಲೇ ನಾನು ದೂರು ನೀಡಿದ್ದೆ ಎಂದು ಲಾರೆನ್ಸ್ ಹೇಳಿದ್ದಾರೆ. ಪರ್ಸ್ ಹಾಗೂ ಪರ್ಸ್ ನಲ್ಲಿದ್ದ ವಸ್ತುಗಳನ್ನು ನೋಡಿ ಲಾರೆನ್ಸ್ ಖುಷಿಯಾಗಿದ್ದಾರೆ.
Loading ...