ಹೆಚ್ಚು ವ್ಯೂಸ್​ ಗಳಿಸಲು ತಿಂದು ತಿಂದು ಅನಾರೋಗ್ಯಪೀಡಿತನಾದ ಯೂಟ್ಯೂಬರ್….​!

ಯೂಟ್ಯೂಬ್‌ನಲ್ಲಿ ಮುಕ್‌ಬಾಂಗ್ (ತಿನ್ನುವ ಕಾರ್ಯಕ್ರಮ) ವೀಡಿಯೊಗಳನ್ನು ಮಾಡಲು ಹೆಸರುವಾಸಿಯಾದ ಉಕ್ರೇನಿಯನ್ ಮೂಲದ ಅಮೇರಿಕನ್ ಇಂಟರ್ನೆಟ್ ಸೆಲೆಬ್ರಿಟಿ ನಿಕೊಕಾಡೊ ಅವಕಾಡೊ ಈ ದಿನಗಳಲ್ಲಿ ಮುಖ್ಯಾಂಶಗಳಲ್ಲಿದ್ದಾರೆ.

ನಿಕೊಕಾಡೊ ತನ್ನ ಯೂಟ್ಯೂಬ್ ಚಾನೆಲ್‌ನಲ್ಲಿ ಆಹಾರ ಸೇವಿಸುವ ವೀಡಿಯೊಗಳನ್ನು ಪೋಸ್ಟ್ ಮಾಡುವ ಮೂಲಕ ಹಣವನ್ನು ಗಳಿಸುತ್ತಾನೆ. ಇದೀಗ ಅವರು ತಮ್ಮ ಆರೋಗ್ಯ ಸಮಸ್ಯೆಗಳ ಬಗ್ಗೆ ಮನಬಿಚ್ಚಿ ಮಾತನಾಡಿದ್ದಾರೆ.

ಅವರು ತಮ್ಮ ದೇಹದ ತೂಕ ಮತ್ತು ಆರೋಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳನ್ನು ಚರ್ಚಿಸಿದ ವೀಡಿಯೊವನ್ನು ತಮ್ಮ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದಾರೆ. ಅವರು ಈಗ ಸುಮಾರು 135 ಕೆಜಿ ತೂಗುತ್ತಿದ್ದಾರೆ ಎಂದು ಬಹಿರಂಗಪಡಿಸಿದರು. ಒಂಬತ್ತು ವರ್ಷ ಆಹಾರ ತಿನ್ನುವ ವೀಡಿಯೊಗಳ ನಂತರ, ಅವರ ತೂಕವು ಈಗ 136 ಕೆಜಿಗೆ ಏರಿದೆ. ಈಗ ಸರಿಯಾಗಿ ನಡೆಯಲು ಕೂಡ ಕಷ್ಟವಾಗುತ್ತಿದೆ ಎಂದಿದ್ದಾರೆ.

ನಿಕೊಕಾಡೊ ಅವರ ಸ್ಥೂಲಕಾಯತೆಯು ಅವರನ್ನು ಪ್ರಸಿದ್ಧ ಮತ್ತು ಶ್ರೀಮಂತರನ್ನಾಗಿ ಮಾಡಿದೆ, ಆದರೆ ಅನೇಕ ದೈಹಿಕ ಸಮಸ್ಯೆಗಳನ್ನು ಎದುರಿಸುತ್ತಿರುವುದಾಗಿ ಹೇಳಿದ್ದಾರೆ. ಸದ್ಯ ಅವರ YouTube ಚಾನಲ್ 3.52 ಮಿಲಿಯನ್ ಚಂದಾದಾರರನ್ನು ಹೊಂದಿದೆ ಮತ್ತು ಇದುವರೆಗೆ 726 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಆದರೆ ದುಡ್ಡಿನ ಆಸೆಗೆ ಆರೋಗ್ಯದ ಮೇಲೆ ಆಟವಾಡುವುದು ಸರಿಯೇ ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.