US ಗ್ರೀನ್ ಕಾರ್ಡ್​ ಪಡೆಯಲಿಚ್ಛಿಸುವವರಿಗೆ ‘ಸೂಪರ್​’ ಅವಕಾಶ ನೀಡಲು ಮುಂದಾದ ಅಮೆರಿಕ..!

ನೀವು ಕೂಡ ಅಮೆರಿಕದ ಗ್ರೀನ್​ ಕಾರ್ಡ್ ಅಂದರೆ ಅಮೆರಿಕದ ಶಾಶ್ವತ ವೀಸಾ ಹೊಂದಬೇಕು ಎಂಬ ಆಸೆಯನ್ನು ಹೊಂದಿರುವವರಾಗಿದ್ದರೆ ನಿಮಗೊಂದು ಶುಭಸುದ್ದಿ ಇದೆ. ಏಕೆಂದರೆ ಗ್ರೀನ್​ ಕಾರ್ಡ್ ಪಡೆಯುವವರಿಗಾಗಿ ಅಮೆರಿಕ ಸರ್ಕಾರವು ಹೊಸ ಅವಕಾಶವೊಂದು ನೀಡಲು ಮುಂದಾಗಿದೆ. ಆದರೆ ಈ ಹೊಸ ಅವಕಾಶವನ್ನು ಪಡೆಯಲು ನೀವು ದೊಡ್ಡ ಮೊತ್ತದ ಹಣವನ್ನೇ ವ್ಯಯಿಸಬೇಕಿದೆ.

ಅಂದಹಾಗೆ ಅಮೆರಿಕ ಶೀಘ್ರದಲ್ಲೇ ಒಂದು ಸೂಪರ್​ ಫೀ ಮೂಲಕ ಗ್ರೀನ್​ ಕಾರ್ಡ್​ ಪಡೆಯಲು ಬಯಸುವ ಭಾರತೀಯರ ಕನಸನ್ನು ನನಸು ಮಾಡಲು ಮುಂದಾಗಿದೆ.ಅಮೆರಿಕ ಹೌಸ್​ ಜ್ಯುಡಿಷಿಯರಿ ಕಮಿಟಿಯು ರಿಕಾನ್ಸಿಲೇಷನ್​​ ಮಸೂದೆ ತಯಾರು ಮಾಡಿದೆ. ಇಲ್ಲಿಯವರೆಗೆ ಈ ಮಸೂದೆ​ ಅಂತಿಮವಾಗಿಲ್ಲ.ಈ ಬಿಲ್​​ನ ಮೇಲೆ ಚರ್ಚೆ ನಡೆಯುವುದು ಬಾಕಿ ಇದೆ. ಚರ್ಚೆಯ ಬಳಿಕ ಹೊಸ ನಿಬಂಧನೆಯಿಂದ ಹಣ ಬರುತ್ತದೆಯೇ ಇಲ್ಲವೇ ಅನ್ನೋದನ್ನು ನಿರ್ಧರಿಸಲಾಗುತ್ತದೆ.

1. ಸೂಪರ್​ ಫೀಸ್​ ಹೆಸರಿನಲ್ಲಿ ಎಷ್ಟು ಹಣ ನೀಡಬೇಕು..?

ಒಂದು ವೇಳೆ ನಿಮ್ಮ ಬಳಿ ಸೂಕ್ತ ಹಣ ಇದೆ ಎಂದಾದಲ್ಲಿ ಅಮೆರಿಕದ ಗ್ರೀನ್​ ಕಾರ್ಡ್ ಪಡೆಯಲು ದೊಡ್ಡ ಸರದಿ ಸಾಲಿನಲ್ಲಿ ನಿಲ್ಲಬೇಕೆಂದಿಲ್ಲ. ನೀವು 5000 ಡಾಲರ್​ ಅಂದರೆ ಹೆಚ್ಚು ಕಡಿಮೆ 3.5 ಲಕ್ಷ ರೂಪಾಯಿ ಸೂಪರ್​ ಫೀಸ್​ ನೀಡಬೇಕು.ಇದಾದ ಬಳಿಕ ನೀವೂ ಕೂಡ ಅಮೆರಿಕದ ನಾಗರಿಕರಾಗಬಹುದಾಗಿದೆ.

2. ಪ್ರತಿ ವರ್ಷ ಎಷ್ಟು ಜನರಿಗೆ ಸಿಗಲಿದೆ ಗ್ರೀನ್​ ಕಾರ್ಡ್..?

ಅಮೆರಿಕದಿಂದ ಪ್ರತಿ ವರ್ಷ 1.40 ಲಕ್ಷ ಉದ್ಯೋಗಿಗಳಿಗೆ ಗ್ರೀನ್​ ಕಾರ್ಡ್ ನೀಡಲಾಗುತ್ತದೆ. ಈ ಸಂಖ್ಯೆಯು ಕೇವಲ ಭಾರತೀಯರಿಗೆ ಮಾತ್ರ ಸಂಬಂಧಿಸಿದ್ದಲ್ಲ ಬದಲಾಗಿ ವಿಶ್ವದ ಮೂಲೆ ಮೂಲೆಯಿಂದ ಉದ್ಯೋಗಕ್ಕೆಂದು ಅಮೆರಿಕಕ್ಕೆ ಬರುವವರನ್ನು ಒಳಗೊಂಡಿದೆ.

3. ಪ್ರತಿ ದೇಶಕ್ಕೆ ನೀಡಲಾಗುವ ಗ್ರೀನ್ ಕಾರ್ಡ್​​ ಮಿತಿಯಲ್ಲಿ ಬದಲಾವಣೆ ಆಗಿದೆಯೇ.?

ಪ್ರಸ್ತುತ ಅಮೆರಿಕವು ಪ್ರತಿ ದೇಶಕ್ಕೆ 7 ಪ್ರತಿಶತ ಮಿತಿಯನ್ನು ಹೇರಿದೆ. ಅಂದರೆ ಒಂದು ವರ್ಷದಲ್ಲಿ ಒಂದು ದೇಶದ 7 ಪ್ರತಿಶತಕ್ಕಿಂತ ಹೆಚ್ಚು ಜನರಿಗೆ ಗ್ರೀನ್​ ಕಾರ್ಡ್ ನೀಡಲಾಗುವುದಿಲ್ಲ. ಅಂದರೆ ಒಂದು ವರ್ಷದಲ್ಲಿ ಭಾರತದ 9800 ಮಂದಿ ಮಾತ್ರ ಗ್ರೀನ್​ ಕಾರ್ಡ್ ಪಡೆಯಬಹುದು. ಹೊಸ ಮಸೂದೆಯಲ್ಲೂ ಈ ವಿಚಾರವಾಗಿ ಯಾವುದೇ ಬದಲಾವಣೆ ಮಾಡಲಾಗಿಲ್ಲ.

4. ಇದರಿಂದ ಹೆಚ್​ – 1ಬಿ ವೀಸಾದ ಮೇಲೆ ಪರಿಣಾಮ ಬೀರಬಹುದೇ..?

ಮಸೂದೆಯಲ್ಲಿ ಹೆಚ್​ 1 ಬಿ ವಿಚಾರವಾಗಿ ಯಾವುದೇ ವಿಷಯವನ್ನೂ ಉಲ್ಲೇಖಿಸಲಾಗಿಲ್ಲ. ಹಾಗಾಗಿ ಹೆಚ್​ 1 ಬಿ ಕೋಟಾ ಮೊದಲ ರೀತಿಯಲ್ಲೇ ಇರಬಹುದು ಎಂದು ಅಂದಾಜಿಸಬಹುದಾಗಿದೆ.ಇದರಲ್ಲಿ ಯಾವುದೇ ಬದಲಾವಣೆ ಇರುವುದಿಲ್ಲ. ಪ್ರಸ್ತುತ ಸಮಯದಲ್ಲಿ ಈ ಕೋಟಾದ ಮಿತಿ 65 ಸಾವಿರ ಆಗಿದೆ. 20 ಸಾವಿರ ಹೆಚ್​ 1 ಬಿ ವೀಸಾಗಳನ್ನು ಅಮೆರಿಕದಲ್ಲಿ ಉನ್ನತ ವ್ಯಾಸಂಗ ಮಾಡಲು ಇಚ್ಛಿಸುವ ವಿದ್ಯಾರ್ಥಿಗಳಿಗೆ ನೀಡಲಾಗುತ್ತದೆ.

5. ಪ್ರಸ್ತುತ ಭಾರತದಿಂದ ಗ್ರೀನ್​ ಕಾರ್ಡ್​ಗೆ ಕಾಯುತ್ತಿರುವವರ ಸಂಖ್ಯೆ ಎಷ್ಟಿರಬಹುದು..?

ಕ್ಯಾಟೋ ಇನ್​ಸ್ಟಿಟ್ಯೂಟ್​ನ ವಲಸೆ ನೀತಿ ವಿಶ್ಲೇಷಕ ಡೇವಿಡ್​ ಜೆ ಬಿಯರ್​​ ಅಧ್ಯಯನದ ಪ್ರಕಾರ, ಉದ್ಯೋಗ ಆಧಾರಿತ ಗ್ರೀನ್​ ಕಾರ್ಡ್​ಗೆ ಅರ್ಜಿ ಸಲ್ಲಿಸುವವರ ಪಟ್ಟಿ ಬಹಳವೇ ಉದ್ದವಾಗಿದೆ. ಭಾರತದಿಂದ ಬಂದ ಅರ್ಜಿಗಳ ಪಟ್ಟಿ ಕಳೆದ ವರ್ಷ ಏಪ್ರಿಲ್​ನಲ್ಲಿಯೇ 7.41 ಲಕ್ಷ ತಲುಪಿದೆ. ಇವರು ಗ್ರೀನ್​ ಕಾರ್ಡ್​ಗಾಗಿ ಸರಿಸುಮಾರು 84 ವರ್ಷ ಕಾಯಬೇಕು..!