ಉತ್ತರ ಪ್ರದೇಶದ ಸಂತ ಕಬೀರ್ ನಗರ ಜಿಲ್ಲೆಯಲ್ಲಿ ವಿಚಿತ್ರ ಘಟನೆಯೊಂದು ನಡೆದಿದೆ. ತನ್ನ ಪತ್ನಿಗೆ ಪ್ರೇಮ ಸಂಬಂಧವಿರುವುದು ತಿಳಿದ ನಂತರ ಆತ ತನ್ನ ಪತ್ನಿಯನ್ನು ಆಕೆಯ ಪ್ರಿಯಕರನೊಂದಿಗೆ ಮದುವೆ ಮಾಡಿಸಿದ್ದು, ಬಬ್ಲೂ ಎಂಬ ಈ ವ್ಯಕ್ತಿ ತನ್ನ ಮಕ್ಕಳನ್ನು ತಾನೇ ನೋಡಿಕೊಳ್ಳುವುದಾಗಿ ಹೇಳಿದ್ದಾನೆ.
ಬಬ್ಲೂ ಮತ್ತು ರಾಧಿಕಾ 2017 ರಲ್ಲಿ ವಿವಾಹವಾಗಿದ್ದು ಏಳು ಮತ್ತು ಒಂಬತ್ತು ವರ್ಷ ವಯಸ್ಸಿನ ಇಬ್ಬರು ಮಕ್ಕಳಿಗೆ ಪೋಷಕರಾಗಿದ್ದರು. ಇಂಡಿಯಾ ಟುಡೆಯ ಪ್ರಕಾರ, ಬಬ್ಲೂ ತನ್ನ ಜೀವನೋಪಾಯಕ್ಕಾಗಿ ಹೆಚ್ಚಿನ ಸಮಯ ಮನೆಯಿಂದ ಹೊರಗೆ ಇರುತ್ತಿದ್ದು, ಆಗ ರಾಧಿಕಾ ಗ್ರಾಮದ ಯುವಕನೊಬ್ಬನನ್ನು ಇಷ್ಟಪಟ್ಟು ಆತನೊಂದಿಗೆ ಸಂಬಂಧ ಬೆಳೆಸಿದ್ದಾಳೆ. ಇಬ್ಬರ ನಡುವಿನ ಸಂಬಂಧ ಬಹಳ ದಿನಗಳವರೆಗೆ ಮುಂದುವರೆದಿದೆ.
ಆದರೆ, ರಾಧಿಕಾಳ ಪ್ರೇಮ ಸಂಬಂಧದ ಬಗ್ಗೆ ಬಬ್ಲೂ ಕುಟುಂಬಕ್ಕೆ ತಿಳಿದುಬಂದಿದ್ದು, ಈ ಬಗ್ಗೆ ಬಬ್ಲೂಗೆ ಮಾಹಿತಿ ನೀಡಿದ್ದರು. ಆಕೆಯನ್ನು ವಿಚಾರಿಸಿದಾಗ, ಬಬ್ಲೂ ರಾಧಿಕಾಗೆ ಆಯ್ಕೆ ನೀಡಿದನು, ಅವಳು ತನ್ನ ಪ್ರಿಯಕರನನ್ನು ಆಯ್ಕೆಮಾಡಿಕೊಂಡಿದ್ದಾಳೆ. ಇದರ ನಂತರ, ಬಬ್ಲೂ ಒಪ್ಪಿಕೊಂಡದ್ದು ಮಾತ್ರವಲ್ಲದೆ, ತನ್ನ ಪತ್ನಿಯ ಮದುವೆಯನ್ನು ಆಕೆಯ ಪ್ರಿಯಕರನೊಂದಿಗೆ ವ್ಯವಸ್ಥೆ ಮಾಡಿ ಈ ಬಗ್ಗೆ ಗ್ರಾಮಸ್ಥರಿಗೆ ತಿಳಿಸಿದ್ದಾನೆ.
ಮೊದಲು ಆತ ನ್ಯಾಯಾಲಯಕ್ಕೆ ಹೋಗಿ ತನ್ನ ಪತ್ನಿ ಮತ್ತು ಆಕೆಯ ಪ್ರಿಯಕರನ ಮದುವೆಯನ್ನು ಮಾಡಿಸಿ ನಂತರ ಅವರನ್ನು ದೇವಸ್ಥಾನಕ್ಕೆ ಕರೆದುಕೊಂಡು ಹೋಗಿ, ಅಲ್ಲಿ ಅವರು ಹಾರಗಳನ್ನು ವಿನಿಮಯ ಮಾಡಿಕೊಂಡು ವಿವಾಹದ ಪ್ರತಿಜ್ಞೆಗಳನ್ನು ಮಾಡಿದ್ದಾರೆ.
Loading ...