ತಾಂತ್ರಿಕ ದೋಷದಿಂದ ಪೋಸ್ಟ್‌ ಹಾಕಲು ಪರದಾಡಿದ ಟ್ವಿಟ್ಟರ್‌ ಬಳಕೆದಾರರು

ಮೈಕ್ರೋ ಬ್ಲಾಗಿಂಗ್ ಜಾಲತಾಣ ಟ್ವಿಟರ್‌ ಗುರುವಾರ ಅನೇಕ ಬಳಕೆದಾರರಿಗೆ ಡೌನ್ ಆಗಿರುವಂತೆ ಕಂಡಿದ್ದು, ಹೊಸ ಟ್ವೀಟ್‌ಗಳು ಲೋಡ್ ಆಗುತ್ತಿಲ್ಲ ಎಂದು ಅನೇಕ ಟ್ವಿಟ್ಟಿಗರು ದೂರಿದ್ದಾರೆ.

ಕೆಲ ಬಳಕೆದಾರರಿಗೆ ಟ್ವಿಟರ್‌‌‌ನಲ್ಲಿ ತಮ್ಮದೇ ಟ್ವೀಟ್‌ಗಳನ್ನು ನೋಡಲು ಸಹ ಸಾಧ್ಯವಾಗಿಲ್ಲ. ಟ್ವಿಟರ್‌‌ ಡ್ಯಾಶ್‌ಬೋರ್ಡ್ ಬ್ಲಾಂಕ್ ಆಗಿದ್ದು, “Something went wrong. Try reloading” ಎಂಬ ಸಂದೇಶ ಕಂಡು ಬಂದಿದೆ.

ಇಲ್ಲಿದೆ 2021 ರಲ್ಲಿ ನಡೆದ ವಿವಾಹದ ವೇಳೆಯ ಮೋಜಿನ ಕ್ಷಣಗಳು

ತಾಂತ್ರಿಕ ಸಮಸ್ಯೆಗಳ ಕಾರಣ ಹೀಗೆ ಆಗಿದೆ ಎಂದು ಟ್ವಿಟರ್‌ ಬಳಕೆದಾರರೊಬ್ಬರು ತಿಳಿಸಿದ್ದಾರೆ. ಅಂತರ್ಜಾಲದಲ್ಲಿ ಹೀಗೆ ಆಗುವ ಸಮಸ್ಯೆಗಳ ಮೇಲೆ ಕಣ್ಣಿಡುವ ಡೌನ್‌ಡಿಟೆಕ್ಟರ್‌‌.ಕಾಮ್ ಅನೇಕ ವರದಿಗಳನ್ನು ಒಗ್ಗೂಡಿಸಿ ವಿಶ್ಲೇಷಣೆ ಮಾಡಿ, ಈ ವಿಚಾರ ತಿಳಿಸಿದೆ. ಈ ಜಾಲತಾಣದಲ್ಲಿ ದಾಖಲಾದ ದೂರುಗಳ ಪೈಕಿ 85%ನಷ್ಟು ಟ್ವಿಟರ್‌ ಡೌನ್ ಆಗಿರುವ ವಿಚಾರದ್ದೇ ಆಗಿವೆ.

ಇದೇ ರೀತಿ ಹಿಂದೊಮ್ಮೆ ಸಹ ಸಮಸ್ಯೆ ಆಗಿದ್ದ ಕಾರಣ ಟೈಮ್‌ಲೈನ್‌ಗಳ ಮೇಲೆ ಟ್ವೀಟ್‌ಗಳನ್ನು ಪೋಸ್ಟ್ ಮಾಡದಂತೆ ಆಗಿತ್ತು.