ಟ್ರಾಫಿಕ್ ಶಬ್ಧದಿಂದಾಗಿ ನಿಂತೇ ಹೋಗಬಹುದು ನಮ್ಮ ಹೃದಯದ ಬಡಿತ; ಅಧ್ಯಯನದಲ್ಲಿ ಶಾಕಿಂಗ್‌ ಸಂಗತಿ ಬಯಲು…..!

ಕಳೆದ ಕೆಲವು ವರ್ಷಗಳಿಂದ ಹೃದ್ರೋಗಿಗಳ ಸಂಖ್ಯೆ ವೇಗವಾಗಿ ಹೆಚ್ಚುತ್ತಿದೆ. ಯುವಕರು ಕೂಡ ಹೃದಯಾಘಾತಕ್ಕೆ ಬಲಿಯಾಗುತ್ತಿರುವುದು ಆತಂಕಕಾರಿ ಸಂಗತಿ. ಇದಕ್ಕೆ ಹೊಸ ಕಾರಣಗಳು ಬಹಿರಂಗವಾಗುತ್ತಿವೆ. ಇತ್ತೀಚೆಗೆ ಪ್ರಕಟವಾದ ಅಧ್ಯಯನದ ಪ್ರಕಾರ ಟ್ರಾಫಿಕ್ ಶಬ್ದ ಮತ್ತು ಹೃದಯಾಘಾತಕ್ಕೆ ಸಂಬಂಧವಿದೆ.

ಅಂತರರಾಷ್ಟ್ರೀಯ ಸಂಶೋಧಕರ ತಂಡವು ವಿವಿಧ ರೋಗಗಳಿಗೆ ಅಪಾಯಕಾರಿ ಅಂಶಗಳನ್ನು ಕಂಡುಹಿಡಿಯಲು ದೊಡ್ಡ ಪ್ರಮಾಣದ ಡೇಟಾವನ್ನು ವಿಶ್ಲೇಷಿಸಿದೆ. ಸಂಶೋಧಕರ ಪ್ರಕಾರ ಟ್ರಾಫಿಕ್ ಶಬ್ದ ಮತ್ತು ಪಾರ್ಶ್ವವಾಯು, ಮಧುಮೇಹದಂತಹ ಹೃದಯ ಕಾಯಿಲೆಗಳ ಬೆಳವಣಿಗೆಯ ನಡುವೆ ಬಲವಾದ ಸಂಬಂಧವಿದೆ.

ಶಬ್ದದ ತೀವ್ರತೆಯೊಂದಿಗೆ ಹೆಚ್ಚಾಗುತ್ತದೆ ಹೃದ್ರೋಗದ ಅಪಾಯ!

ರಸ್ತೆ ಸಂಚಾರದ ಶಬ್ದದಲ್ಲಿ ಪ್ರತಿ 10 ಡೆಸಿಬಲ್ ಹೆಚ್ಚಳಕ್ಕೆ, ಹೃದ್ರೋಗದ ಅಪಾಯವು ಶೇಕಡಾ 3.2 ರಷ್ಟು ಹೆಚ್ಚಾಗುತ್ತದೆ. ಹಾಗಾಗಿ ಟ್ರಾಫಿಕ್ ಶಬ್ದವನ್ನು ಕಡಿಮೆ ಮಾಡಲು ಕ್ರಮಗಳನ್ನು ತೆಗೆದುಕೊಳ್ಳುವುದು ಬಹಳ ಮುಖ್ಯ.

ಹೃದಯವನ್ನು ದುರ್ಬಲಗೊಳಿಸುತ್ತದೆ ಟ್ರಾಫಿಕ್ ಶಬ್ಧ!

ರಾತ್ರಿಯಲ್ಲಿ ಟ್ರಾಫಿಕ್ ಶಬ್ಧವು ನಿದ್ರೆಗೆ ಭಂಗ ತರುತ್ತದೆ. ನಿದ್ರೆಯ ಕೊರತೆಯು ರಕ್ತನಾಳಗಳಲ್ಲಿ ಒತ್ತಡದ ಹಾರ್ಮೋನುಗಳ ಮಟ್ಟವನ್ನು ಹೆಚ್ಚಿಸುತ್ತದೆ, ಇದು ಉರಿಯೂತ ಮತ್ತು ರಕ್ತನಾಳಗಳಿಗೆ ಸಂಬಂಧಿಸಿದ ಕಾಯಿಲೆಗಳ ಅಪಾಯವನ್ನು ಹೆಚ್ಚಿಸುತ್ತದೆ.

ಟ್ರಾಫಿಕ್ ಶಬ್ಧವನ್ನು ಕಡಿಮೆ ಮಾಡಲು ಸ್ಥಳೀಯ ಆಡಳಿತಕ್ಕೆ ಹಲವಾರು ಪ್ರಾಯೋಗಿಕ ಕ್ರಮಗಳನ್ನು ಸಹ ಅಧ್ಯಯನವು ಸೂಚಿಸುತ್ತದೆ. ಜನನಿಬಿಡ ರಸ್ತೆಗಳಲ್ಲಿ ವಿಶೇಷವಾಗಿ ವಸತಿ ಪ್ರದೇಶಗಳಲ್ಲಿ ಧ್ವನಿ ತಡೆಗಳನ್ನು ಸ್ಥಾಪಿಸುವ ಮೂಲಕ ಶಬ್ದದ ಮಟ್ಟವನ್ನು 10 ಡೆಸಿಬಲ್‌ಗಳವರೆಗೆ ಕಡಿಮೆ ಮಾಡಬಹುದು.

ಹೆಚ್ಚುವರಿಯಾಗಿ, ರಸ್ತೆ ನಿರ್ಮಾಣದಲ್ಲಿ ಶಬ್ದ-ಹೀರಿಕೊಳ್ಳುವ ಆಸ್ಫಾಲ್ಟ್ ಅನ್ನು ಬಳಸುವುದರಿಂದ ಶಬ್ದ ಮಟ್ಟವನ್ನು 3-6 ಡೆಸಿಬಲ್‌ಗಳಷ್ಟು ಕಡಿಮೆ ಮಾಡಬಹುದು. ವೈಯಕ್ತಿಕ ಮಟ್ಟದಲ್ಲಿ ನಗರ ರಸ್ತೆ ಸಂಚಾರದ ಶಬ್ಧವನ್ನು ಕಡಿಮೆ ಮಾಡಲು ಬೈಸಿಕಲ್ ಮತ್ತು ಸಾರ್ವಜನಿಕ ಸಾರಿಗೆಯಂತಹ ಪರ್ಯಾಯ ಸಾರಿಗೆಯನ್ನು ಅಳವಡಿಸಿಕೊಳ್ಳಲು ಸಂಶೋಧಕರು ಶಿಫಾರಸು ಮಾಡಿದ್ದಾರೆ.