BIG NEWS : ‘ಈ ವಿಷಕಾರಿ ಹ್ಯಾಂಡ್ ಸ್ಯಾನಿಟೈಜರ್ ಗಳು ಕುರುಡುತನ, ಕೋಮಾ ಅಪಾಯವನ್ನು ಹೆಚ್ಚಿಸಬಹುದು’ : ವರದಿ

ವಿಷಕಾರಿ ಹ್ಯಾಂಡ್ ಸ್ಯಾನಿಟೈಜರ್ ಗಳು ಕುರುಡುತನ, ಕೋಮಾ ಅಪಾಯವನ್ನು ಹೆಚ್ಚಿಸಬಹುದು ಎಂದು ವರದಿಯೊಂದು ತಿಳಿಸಿದೆ. ಹೌದು, ಹಲವಾರು ಹ್ಯಾಂಡ್ ಸ್ಯಾನಿಟೈಜರ್ ಗಳನ್ನು ಈಗ ಪರಿಶೀಲನೆ ಮಾಡಲಾಗುತ್ತಿದ್ದು ಮತ್ತು ಮೆಥನಾಲ್ ಎಂದು ಕರೆಯಲ್ಪಡುವ ವಿಷಕಾರಿ ಅಂಶಗಳು ಇರುವ ಹ್ಯಾಂಡ್ ಸ್ಯಾನಿಟೈಜರ್ ಗಳು ಕುರುಡುತನ, ಕೋಮಾ ಅಪಾಯವನ್ನು ಹೆಚ್ಚಿಸಬಹುದು ಎಂದು ವರದಿ ತಿಳಿಸಿದೆ.

ಏಪ್ರಿಲ್ 5 ರಂದು, ಆಹಾರ ಮತ್ತು ಔಷಧ ಆಡಳಿತವು 40 ಲಾಟ್ ಅರುಬಾ ಅಲೋ ಹ್ಯಾಂಡ್ ಸ್ಯಾನಿಟೈಜರ್ ಜೆಲ್ ಆಲ್ಕೋಹಾಲ್ 80% ಮತ್ತು ಅರುಬಾ ಅಲೋ ಆಲ್ಕೊಡಾಡಾ ಜೆಲ್ ಅನ್ನು ಅವುಗಳ ಮೆಥನಾಲ್ ಅಂಶದಿಂದಾಗಿ ಹಿಂತೆಗೆದುಕೊಳ್ಳಲಾಗಿದೆ ಎಂದು ಘೋಷಿಸಿತು.

ಸೆಂಟರ್ಸ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ ಪ್ರಕಾರ, ಮೆಥನಾಲ್ ಇರುವ ಸ್ಯಾನಿಟೈಸರ್ ಕಣ್ಣು ಅಥವಾ ಚರ್ಮದ ಮೂಲಕ ಅಥವಾ ಉಸಿರಾಟದ ಮೂಲಕ ದೇಹದಲ್ಲಿ ಹೀರಿಕೊಳ್ಳಬಹುದು. ಇದು ನಮ್ಮ ದೇಹದೊಳಗೆ ಪ್ರವೇಶಿಸಿದರೆ ಕೆಳಗಿನ ಅಪಾಯಗಳಿಗೆ ಕಾರಣವಾಗಬಹುದು ಎಂದು ವೈದ್ಯರು ಹೇಳುತ್ತಾರೆ.

ವಾಕರಿಕೆ
ತಲೆನೋವು
ಮಸುಕಾದ ದೃಷ್ಟಿ
ತಲೆತಿರುಗುವಿಕೆ
ಮೂತ್ರಪಿಂಡ ವೈಫಲ್ಯ
ಕೋಮಾ
ಮರಣ
ನರಮಂಡಲಕ್ಕೆ ಶಾಶ್ವತ ಹಾನಿ
ಶಾಶ್ವತ ಕುರುಡುತನ

* ಸುರಕ್ಷಿತ ಸ್ಯಾನಿಟೈಜರ್ ಆಯ್ಕೆ ಮಾಡುವುದು ಹೇಗೆ?

ಸಂದರ್ಶನವೊಂದರಲ್ಲಿ ಶಾರದಾ ಆಸ್ಪತ್ರೆಯ ಜನರಲ್ ಫಿಸಿಶಿಯನ್ ಡಾ.ಶ್ರೇಯ್ ಶ್ರೀವಾಸ್ತವ್ ಅವರು ಸ್ಯಾನಿಟೈಜರ್ಗಳನ್ನು ಹೇಗೆ ಸುರಕ್ಷಿತವಾಗಿ ಆಯ್ಕೆ ಮಾಡಬಹುದು ಎಂಬುದರ ಬಗ್ಗೆ ಮಾತನಾಡಿದರು.
“ಕೆಲವು ಹ್ಯಾಂಡ್ ಸ್ಯಾನಿಟೈಜರ್ ಉತ್ಪನ್ನಗಳು ಅಪಾಯಕಾರಿ ಮಟ್ಟದ ಮೆಥನಾಲ್ ಅನ್ನು ಹೊಂದಿರುವುದರಿಂದ ಅವುಗಳನ್ನು ಬಳಸದಂತೆ ಸೂಚಿಸಲಾಗಿದೆ. ಇದು ಚರ್ಮದ ಮೂಲಕ ಹೀರಲ್ಪಟ್ಟಾಗ ವಾಕರಿಕೆ, ನರ ಹಾನಿ ಮತ್ತು ಕುರುಡುತನಕ್ಕೆ ಕಾರಣವಾಗಬಹುದು ಎಂದು ಹೇಳಿದ್ದಾರೆ.

2 ಟೇಬಲ್ ಚಮಚ (30 ಮಿಲಿಲೀಟರ್) ಮೆಥನಾಲ್ ಸೇವನೆಯು ಮಗುವಿಗೆ ಮಾರಕವಾಗಬಹುದು, ಮತ್ತು 2 ರಿಂದ 8 ಔನ್ಸ್ (60 ರಿಂದ 240 ಮಿಲಿಲೀಟರ್) ವಯಸ್ಕರಿಗೆ ಮಾರಕವಾಗಬಹುದು. ಆದ್ದರಿಂದ, ಅದನ್ನು ಬಳಸುವ ಮೊದಲು ಸುರಕ್ಷಿತ ಹ್ಯಾಂಡ್ ಸ್ಯಾನಿಟೈಜರ್ ಉತ್ಪನ್ನಗಳನ್ನು ಗುರುತಿಸುವುದು ಮುಖ್ಯ, ಆದ್ದರಿಂದ ಸ್ಯಾನಿಟೈಸರ್ ಖರೀದಿಸುವ ಮೊದಲು ಈ ಅಂಶಗಳನ್ನು ಪರಿಶೀಲಿಸಿ” ಎಂದು ಅವರು ಹೇಳಿದರು.

ಉತ್ಪನ್ನ ಅಥವಾ ಬ್ರಾಂಡ್ ಹೆಸರು
ತಯಾರಕರು
ವಿತರಕರು
NDC ಅಥವಾ ರಾಷ್ಟ್ರೀಯ ಔಷಧ ಕೋಡ್ ಸಂಖ್ಯೆ

*ಸ್ಯಾನಿಟೈಜರ್ ಅನ್ನು ಸುರಕ್ಷಿತವಾಗಿ ಬಳಸಲು ಸಲಹೆಗಳು

ಕನಿಷ್ಠ 60% ಆಲ್ಕೋಹಾಲ್ ಹೊಂದಿರುವ ಆಲ್ಕೋಹಾಲ್ ಆಧಾರಿತ ಹ್ಯಾಂಡ್ ಸ್ಯಾನಿಟೈಜರ್ ಬಳಸಿ.

ನಿಮ್ಮ ಕೈಗಳು ಕೊಳಕು ಅಥವಾ ಜಿಡ್ಡಿನಂಶದಿಂದ ಕೂಡಿದ್ದರೆ ಹ್ಯಾಂಡ್ ಸ್ಯಾನಿಟೈಜರ್ ಅನ್ನು ಬಳಸಬೇಡಿ – ಉದಾಹರಣೆಗೆ, ತೋಟಗಾರಿಕೆ, ಹೊರಾಂಗಣದಲ್ಲಿ ಆಡುವುದು, ಮೀನುಗಾರಿಕೆ ಅಥವಾ ಕ್ಯಾಂಪಿಂಗ್ ನಂತರ.
ಸ್ಯಾನಿಟೈಸರ್ ಹಚ್ಚಿದ ತಕ್ಷಣ ನಿಮ್ಮ ಕಣ್ಣುಗಳು ಅಥವಾ ಸೂಕ್ಷ್ಮ ಭಾಗಗಳನ್ನು ಉಜ್ಜಬೇಡಿ.

* ಮಕ್ಕಳಿಂದ ದೂರವಿಡಿ

* ಸೇವಿಸಬೇಡಿ ಅಥವಾ ಉಸಿರಾಡಬೇಡಿ.

* ತಿನ್ನುವ ಮೊದಲು ಸ್ಯಾನಿಟೈಜರ್ ಅನ್ನು ಕನಿಷ್ಠ 1-2 ನಿಮಿಷಗಳ ಕಾಲ ಒಣಗಲು ಬಿಡಿ.

* ಯಾವುದೇ ರೀತಿಯ ಕಿರಿಕಿರಿ ಉಂಟಾದ ಸಂದರ್ಭದಲ್ಲಿ ವೈದ್ಯರಿಂದ ಸಲಹೆ ಪಡೆಯಿರಿ.