ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಭಾರತದ ಹೀನಾಯ ಸೋಲಿಗೆ ಸಚಿನ್ ತೆಂಡೂಲ್ಕರ್ ಪ್ರತಿಕ್ರಿಯೆ

ಮುಂಬೈ: ತವರಿನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್ ಸರಣಿ ಸೋತಿದ್ದಕ್ಕೆ ಭಾರತದ ಮಾಜಿ ದಿಗ್ಗಜ ಸಚಿನ್ ತೆಂಡೂಲ್ಕರ್ ಪ್ರತಿಕ್ರಿಯಿಸಿದ್ದಾರೆ.

ಸಚಿನ್ ಪ್ರಕಾರ, ಇದು ನುಂಗಲು ಕಠಿಣ ಮಾತ್ರೆ. ಭಾರತ ತಂಡವು ಸೋಲಿನ ಆತ್ಮಾವಲೋಕನ ಮಾಡಿಕೊಳ್ಳಬೇಕು ಎಂದಿದ್ದು, ಎಲ್ಲಿ ತಪ್ಪಾಗಿದೆ ಎಂದು ತೋರಿಸಿದ್ದಾರೆ. ರಿಷಬ್ ಪಂತ್, ಶುಭಮನ್ ಗಿಲ್ ಬಗ್ಗೆ ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.

ಮೂರು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ನ್ಯೂಜಿಲೆಂಡ್ ವೈಟ್‌ ವಾಶ್ ಮಾಡಿದ್ದು, ಭಾರತ ತಂಡವು 12 ವರ್ಷಗಳ ಸುದೀರ್ಘ ಅಂತರದ ನಂತರ ತವರು ನೆಲದಲ್ಲಿ ಟೆಸ್ಟ್ ಸರಣಿ ಕಳೆದುಕೊಂಡಿದೆ.

ತವರಿನಲ್ಲಿ 3-0 ಸೋಲು ನುಂಗಲು ಕಠಿಣ ಮಾತ್ರೆ, ಮತ್ತು ಇದು ಆತ್ಮಾವಲೋಕನಕ್ಕೆ ಕರೆ ನೀಡುತ್ತದೆ. ಇದು ಪೂರ್ವಸಿದ್ಧತೆಯ ಕೊರತೆಯೇ, ಕಳಪೆ ಶಾಟ್ ಆಯ್ಕೆಯೇ ಅಥವಾ ಪಂದ್ಯದ ಅಭ್ಯಾಸದ ಕೊರತೆಯೇ? ಶುಭಮನ್ ಗಿಲ್ ಮೊದಲ ಇನ್ನಿಂಗ್ಸ್ ನಲ್ಲಿ ಚೇತರಿಸಿಕೊಳ್ಳುವಿಕೆಯನ್ನು ತೋರಿಸಿದರು. ರಿಷಬ್ ಪಂತ್ ಎರಡೂ ಇನ್ನಿಂಗ್ಸ್‌ ಗಳಲ್ಲಿ ಅದ್ಭುತವಾಗಿದ್ದರು. ಅವರ ಕಾಲ್ಚಳಕವು ಸವಾಲಿನ ಮೇಲ್ಮೈಯನ್ನು ಸಂಪೂರ್ಣವಾಗಿ ವಿಭಿನ್ನವಾಗಿ ಕಾಣುವಂತೆ ಮಾಡಿತು ಎಂದು ತೆಂಡೂಲ್ಕರ್ ಎಕ್ಸ್‌ ನಲ್ಲಿ ಬರೆದಿದ್ದಾರೆ.

ಸರಣಿಯುದ್ದಕ್ಕೂ ಅವರ ಸ್ಥಿರ ಪ್ರದರ್ಶನಕ್ಕಾಗಿ ನ್ಯೂಜಿಲೆಂಡ್‌ಗೆ ಸಂಪೂರ್ಣ ಕ್ರೆಡಿಟ್. ಭಾರತದಲ್ಲಿ 3-0 ಗೆಲುವು ಅದು ಪಡೆಯಬಹುದಾದಷ್ಟು ಉತ್ತಮ ಫಲಿತಾಂಶವಾಗಿದೆ ಎಂದು ಅವರು ಹೇಳಿದ್ದಾರೆ.

ಈ ಸರಣಿ ಗೆಲುವಿನ ಬೆನ್ನಲ್ಲೇ, ಕಿವೀಸ್ ಇಂಗ್ಲೆಂಡ್, ಆಸ್ಟ್ರೇಲಿಯಾ ಮತ್ತು ವೆಸ್ಟ್ ಇಂಡೀಸ್ ನಂತರ ಭಾರತವನ್ನು ಟೆಸ್ಟ್‌ ನಲ್ಲಿ ಕ್ಲೀನ್-ಸ್ವೀಪ್ ಮಾಡಿದ ನಾಲ್ಕನೇ ತಂಡವಾಯಿತು.

ಹೌದು ಸಂಪೂರ್ಣವಾಗಿ(ನುಂಗಲು ಕಹಿ ಮಾತ್ರೆ). ಸರಣಿ, ಟೆಸ್ಟ್ ಪಂದ್ಯವನ್ನು ಕಳೆದುಕೊಳ್ಳುವುದು ಎಂದಿಗೂ ಸುಲಭವಲ್ಲ, ಅದು ಸುಲಭವಾಗಿ ಅರಗಿಸಿಕೊಳ್ಳಲು ಸಾಧ್ಯವಿಲ್ಲ. ನಾವು ನಮ್ಮ ಅತ್ಯುತ್ತಮ ಕ್ರಿಕೆಟ್ ಅನ್ನು ಆಡಲಿಲ್ಲ. ಸರಣಿಯುದ್ದಕ್ಕೂ ನ್ಯೂಜಿಲೆಂಡ್ ಉತ್ತಮವಾಗಿ ಆಡಿದೆ. ನಾವು ಬಹಳಷ್ಟು ತಪ್ಪುಗಳನ್ನು ಮಾಡಿದ್ದೇವೆ ಎಂದು ರೋಹಿತ್ ಪಂದ್ಯದ ನಂತರದ ಹೇಳಿದ್ದಾರೆ.

Losing 3-0 at home is a tough pill to swallow, and it calls for introspection.
Was it lack of preparation, was it poor shot selection, or was it lack of match practice? @ShubmanGill showed resilience in the first innings, and @RishabhPant17 was brilliant in both innings— his… pic.twitter.com/8f1WifI5Hd

— Sachin Tendulkar (@sachin_rt) November 3, 2024