ಈ ದಿನ ಸಂಭವಿಸಲಿದೆ ಸಂಪೂರ್ಣ ಸೂರ್ಯಗ್ರಹಣ : ಎಲ್ಲೆಲ್ಲಿ ಗೋಚರವಾಗಲಿದೆ ಗೊತ್ತಾ?

ಈ ವರ್ಷ, ಆಕಾಶದಲ್ಲಿ ಸೂರ್ಯ ಮತ್ತು ಚಂದ್ರ ಗ್ರಹಣಗಳೊಂದಿಗೆ, ಪ್ರಪಂಚದಾದ್ಯಂತ ಸೌರ ಬಿರುಗಾಳಿಗಳಂತಹ ಖಗೋಳ ವಿಸ್ಮಯಗಳು ಸಂಭವಿಸಲಿವೆ. ಉಲ್ಕಾಪಾತದಿಂದ ಹಿಡಿದು ಅನೇಕ ಖಗೋಳ ಘಟನೆಗಳು ನಡೆಯಲಿವೆ. ಈ ನಡುವೆ ಏಪ್ರಿಲ್ 8, 2024 ರಂದು ಪೂರ್ಣ ಸೂರ್ಯ ಗ್ರಹಣ ಸಂಭವಿಸಲಿದೆ.

ಉತ್ತರ ಅಮೆರಿಕಾದಲ್ಲಿ ಕೆನಡಾ, ಅಮೆರಿಕ ಮತ್ತು ಮೆಕ್ಸಿಕೊದಲ್ಲಿ ಗ್ರಹಣ ಸಂಭವಿಸಲಿದೆ. ದುರದೃಷ್ಟವಶಾತ್, ಭಾರತದ ಜನರು ಅದನ್ನು ವೀಕ್ಷಿಸಲು ಸಾಧ್ಯವಾಗುವುದಿಲ್ಲ. ಅದೇನೇ ಇದ್ದರೂ, ವಿಜ್ಞಾನಿಗಳು ಈ ರೀತಿಯ ಗ್ರಹಣವು ಅಪರೂಪ ಎಂದು ಹೇಳುತ್ತಾರೆ, ಮತ್ತು ಚಂದ್ರನು ಸೂರ್ಯ ಮತ್ತು ಭೂಮಿಯ ನಡುವೆ ಚಲಿಸಿದಾಗ, ಸೂರ್ಯನ ಬೆಳಕನ್ನು ತಾತ್ಕಾಲಿಕವಾಗಿ ನಿರ್ಬಂಧಿಸಿದಾಗ ಇದು ಸಂಭವಿಸುತ್ತದೆ.

ಯಾವಾಗ ಮತ್ತು ಎಲ್ಲಿ:

ಏಪ್ರಿಲ್ 8, 2024 ರಂದು, ದಕ್ಷಿಣ ಪೆಸಿಫಿಕ್ ಮಹಾಸಾಗರದಲ್ಲಿ ಪ್ರಾರಂಭವಾಗಿ ಕೆನಡಾ, ಯುನೈಟೆಡ್ ಸ್ಟೇಟ್ಸ್ ಮತ್ತು ಮೆಕ್ಸಿಕೊದಾದ್ಯಂತ ಸಂಪೂರ್ಣ ಸೂರ್ಯಗ್ರಹಣ ಗೋಚರಿಸುತ್ತದೆ. ಚಂದ್ರನು ಸೂರ್ಯನನ್ನು ಸಂಪೂರ್ಣವಾಗಿ ಆವರಿಸಿದಾಗ ಪೂರ್ಣ ಕತ್ತಲೆಯ ಅವಧಿ ಸುಮಾರು ಮೂರರಿಂದ ನಾಲ್ಕು ನಿಮಿಷಗಳು. ಮೆಕ್ಸಿಕೊದಲ್ಲಿ ಬೆಳಗ್ಗೆ 11.07ಕ್ಕೆ ಗ್ರಹಣ ಆರಂಭವಾಗಲಿದ್ದು, ಮಧ್ಯಾಹ್ನ 1.27ಕ್ಕೆ ಟೆಕ್ಸಾಸ್‌ ವರೆಗೆ ಗೋಚರವಾಗಲಿದೆ.