ಟೋಕಿಯೊ ಒಲಂಪಿಕ್ಸ್: ಸ್ಪರ್ಧೆ ಆರಂಭಕ್ಕೂ ಮುನ್ನವೇ ಮತ್ತೊಂದು ಶಾಕ್‌ – ಮತ್ತಿಬ್ಬರು ಆಟಗಾರರಿಗೆ ಕೊರೊನಾ

ಟೋಕಿಯೊ ಒಲಂಪಿಕ್ಸ್ ನಲ್ಲಿ ಕೊರೊನಾ ಭಯ ಹೆಚ್ಚಾಗಿದೆ. ಟೋಕಿಯೊಗೆ ತೆರಳುವ ಮೊದಲು ಮೆಕ್ಸಿಕೊದ ಇಬ್ಬರು ಬೇಸ್ ಬಾಲ್ ಆಟಗಾರರ ಕೊರೊನಾ ವರದಿ ಪಾಸಿಟಿವ್ ಬಂದಿದೆ. ಮೆಕ್ಸಿಕನ್ ಬೇಸ್‌ಬಾಲ್ ತಂಡದ ಅಧಿಕಾರಿಗಳು ಈ ಮಾಹಿತಿಯನ್ನು ನೀಡಿದ್ದಾರೆ.

ಇಬ್ಬರೂ ಆಟಗಾರರನ್ನು, ತಂಡದ ಉಳಿದ ಆಟಗಾರರಿಂದ ಪ್ರತ್ಯೇಕಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ತಂಡದ ಇತರ ಆಟಗಾರರ ವರದಿಗಾಗಿ ಕಾಯ್ತಿರುವುದಾಗಿ ಅವರು ಹೇಳಿದ್ದಾರೆ. ಟೋಕಿಯೊ ಒಲಿಂಪಿಕ್ಸ್ ಗೆ ತೆರಳುವ ಮೊದಲು ಜುಲೈ 18 ರಂದು ಮೆಕ್ಸಿಕನ್ ಬೇಸ್‌ಬಾಲ್ ತಂಡ ಬಿಡುಗಡೆ ಮಾಡಿದ ಹೇಳಿಕೆಯ ಪ್ರಕಾರ, ಇಬ್ಬರು ತಂಡದ ಆಟಗಾರರಾದ ಕೊರೊನಾ ವರದಿ ಸಕಾರಾತ್ಮಕವಾಗಿದೆ. ಇಬ್ಬರು ಆಟಗಾರರನ್ನು ತಂಡದ ಹೋಟೆಲ್‌ನಲ್ಲಿ  ಪ್ರತ್ಯೇಕಿಸಲಾಗಿದೆ. ಆರ್‌ಟಿ-ಪಿಸಿಆರ್ ವರದಿ ಬರುವವರೆಗೂ ತಂಡದ ಆಟಗಾರರು ಮತ್ತು ಕೋಚಿಂಗ್ ಸಿಬ್ಬಂದಿಯನ್ನು ಪ್ರತ್ಯೇಕಿಸಲಾಗಿದೆ.

ಜುಲೈ 30ರಂದು ಯೊಕೊಹಾಮಾದಲ್ಲಿ ಮೆಕ್ಸಿಕನ್ನರ ಮೊದಲ ಪಂದ್ಯ ಪಡೆಯಲಿದೆ. ಡೊಮಿನಿಕನ್ ರಿಪಬ್ಲಿಕ್ ವಿರುದ್ಧ ಮೆಕ್ಸಿಕನ್ನರು ಬೇಸ್‌ಬಾಲ್ ಸ್ಪರ್ಧೆಯ ಮೊದಲ ಪಂದ್ಯವನ್ನು ಆಡಲಿದ್ದಾರೆ. ಇಬ್ಬರು ಆಟಗಾರರಿಗೆ ಕೊರೊನಾ ಪಾಸಿಟಿವ್ ಬಂದಿರುವುದು ಈಗ ತಂಡದ ತಲೆನೋವಿಗೆ ಕಾರಣವಾಗಿದೆ.