ಅಪರಾಧದ ಮೊದಲು ಅಥವಾ ನಂತರ ಸಂಘಟಿತ ಗುಂಪಿನ ಆರೋಪಿಗಳಿಗೆ ಸಹಾಯ ಮಾಡುವವರನ್ನು ಸಹ ಅಪರಾಧ ಸಿಂಡಿಕೇಟ್‌ನ ಭಾಗವಾಗಿ ಪರಿಗಣಿಸಲಾಗುತ್ತದೆ ಎಂದು ಕೋರ್ಟ್ ಹೇಳಿದೆ.
ಬಾಂಬೆ ಹೈಕೋರ್ಟ್‌ನ ನ್ಯಾಯಮೂರ್ತಿಗಳಾದ ಪಿಬಿ ವರಾಳೆ ಮತ್ತು ಎಸ್‌ಎಂ ಮೋದಕ್ ಅವರ ಪೀಠವು ರಾಜೇಂದ್ರ ಪಟೋಲೆ ಎಂಬಾತನ ವಿರುದ್ಧ ದಾಖಲಿಸಲಾದ ಎಫ್‌ಐಆರ್ ರದ್ದುಗೊಳಿಸಲು ನಿರಾಕರಿಸಿತು, ಹಾಗೆಯೇ ಅವರು ಬಂಧನದಿಂದ ತಪ್ಪಿಸಿಕೊಳ್ಳಲು ಸಂಘಟಿತ ಗುಂಪಿನ ಸದಸ್ಯರಿಗೆ ಸಹಾಯ ಮಾಡಿದ್ದರು ಮತ್ತು ಅವರಿಗೆ ಸ್ವಂತ ಸ್ಥಳದಲ್ಲಿ ಆಶ್ರಯ ನೀಡಿದ್ದರ ಕುರಿತಂತೆಯೂ ಕೋರ್ಟ್ ಗಮನಿಸಿದೆ.
ಪಟೋಲೆ ಅವರ ಮನವಿಯನ್ನು ತಿರಸ್ಕರಿಸಿದ ಪೀಠವು, ಅಪರಾಧ ಮಾಡುವ ಮೊದಲು ಅಥವಾ ನಂತರ ಸಂಘಟಿತ ಗುಂಪಿಗೆ ಸಹಾಯ ಮಾಡುವ ಯಾವುದೇ ವ್ಯಕ್ತಿಯನ್ನು ಅಪರಾಧ ಸಿಂಡಿಕೇಟ್‌ನ ಸದಸ್ಯ ಎಂದು ಪರಿಗಣಿಸಲಾಗುತ್ತದೆ ಎಂದು ಕೋರ್ಟ್ ಹೇಳಿತು.
ಶಿಕ್ಷಕರಿಗೆ ಮತ್ತೆ ಶಾಕ್: ವರ್ಗಾವಣೆಗೆ KSAT ತಡೆ, ಮರು ಕೌನ್ಸೆಲಿಂಗ್ ಮೂಲಕ ಪುನಃ ವರ್ಗಾವಣೆಗೆ ಸೂಚನೆ
2021 ರಲ್ಲಿ ಮುಂಬೈನ ಮನ್ಖುರ್ದ್ ಪೊಲೀಸ್ ಠಾಣೆಯಲ್ಲಿ ದಾಖಲಾದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಬಂಧನದಿಂದ ರಕ್ಷಣೆ ನೀಡುವಂತೆ ಪಟೋಲೆ ನ್ಯಾಯಾಲಯದ ಮೊರೆ ಹೋಗಿದ್ದರು. ಗಲಭೆ ಪ್ರಕರಣದಲ್ಲಿ ಅವರನ್ನು ಆರೋಪಿ ಎಂದು ಹೆಸರಿಸಲಾಗಿತ್ತು.
ಅಲ್ಲಿ ನಡೆದ ಘರ್ಷಣೆಯಲ್ಲಿ ಹಲವಾರು ಜನರು ಗಂಭೀರವಾಗಿ ಗಾಯಗೊಂಡಿದ್ದರು. ಅವರ ಬಂಧನದ ಪೂರ್ವ ಜಾಮೀನು ದೃಢೀಕರಿಸುವ ದಿನದ ಮುಂಚೆಯೇ, ಮುಂಬೈ ಪೋಲೀಸರು ಕಟ್ಟುನಿಟ್ಟಾದ ಆರೋಪದಲ್ಲಿ ಅವರನ್ನು ಮತ್ತು ಇತರರನ್ನು ವಿಚಾರಣೆಗೆ ಒಳಪಡಿಸಲು ಅನುಮತಿಯನ್ನು ಪಡೆದರು.
ಪಟೋಲೆ ಅವರು ಘಟನೆಯ ಸ್ಥಳದಲ್ಲಿ ಸಹ ಇರಲಿಲ್ಲ ಎಂದು ವಾದಿಸಿದ್ದರು. ಆದರೆ ಆರೋಪಿಗಳಿಗೆ ಆಶ್ರಯ ನೀಡಿದ್ದಕ್ಕಾಗಿ ಅವರನ್ನು ಪ್ರಕರಣ ಪ್ರಮುಖ ಭಾಗವಾಗಿ ಪರಿಗಣಿಸಲಾಯಿತು.
Loading ...