ಸ್ವೀಟ್‌ ಸ್ಟಾಲ್‌ನಲ್ಲಿ ದಿನವೂ ತಯಾರಾಗ್ತಿದೆ ʼಬಾಂಬ್ʼ: ಖರೀದಿಸಲು ಜನರ ದಂಡು…!

ಪಟ್ನಾ: “ಬಾಂಬ್” ಎಂಬ ಶಬ್ದ ಕೇಳಿದರೆ ಎಲ್ಲರ ಕಣ್ಣಮುಂದೆ ಬರುವುದು ಸ್ಫೋಟಕಗಳು. ಆದರೆ ಬಿಹಾರದ ಪಟ್ನಾದ ಗಾಂಧಿ ಮೈದಾನದ ಬಳಿ ಇರುವ ಸಿಹಿ ಅಂಗಡಿಯೊಂದು ‘ಬಾಂಬ್’ ಎಂಬ ಹೆಸರಿನ ಸಿಹಿ ತಿಂಡಿ ನೀಡುತ್ತಿದೆ. ಈ ಮೂಲಕ ಪದದ ಅರ್ಥವನ್ನೇ ಬದಲಿಸಿದೆ.

ಇದೊಂದು ರೀತಿಯಲ್ಲಿ ಮೃದುವಾದ ಮತ್ತು ಬೆಚ್ಚಗಿನ ಗುಲಾಬ್ ಜಾಮೂನ್ ಆಗಿದ್ದು ಅದು ಬಾಯಿಯಲ್ಲಿ ಸ್ಫೋಟಗೊಳ್ಳುತ್ತದೆ ಮತ್ತು ಸುತ್ತಲೂ ಸಿಹಿಯನ್ನು ಹರಡುತ್ತದೆ ಎನ್ನುತ್ತಾರೆ ಅಂಗಡಿ ಮಾಲೀಕರು. ಪಟ್ನಾದ ಗಾಂಧಿ ಮೈದಾನದ ಬಳಿಯಿರುವ ಕಲಾ ಮಂಚ್ ಬೀದಿಯಲ್ಲಿ ಇದನ್ನು ನೋಡಬಹುದು. ಇದನ್ನು ಸಾಮಾನ್ಯವಾಗಿ ಮೊಸರಿನೊಂದಿಗೆ ನೀಡಲಾಗುತ್ತದೆ.

ಈ “ಬಾಂಬ್” ಗೆ ತಗಲುವ ವೆಚ್ಚ ಕೇವಲ 35 ರೂ.ಗಳು. ಪ್ರತಿ ಗುಲಾಬ್ ಜಾಮೂನ್‌ನ ಬೆಲೆ ರೂ 10 ಆಗಿದ್ದರೆ, 100 ಗ್ರಾಂ ಮೊಸರನ್ನು ರೂ. 15 ಗೆ ನೀಡಲಾಗುತ್ತದೆ. ಅನೇಕ ಚಲನಚಿತ್ರ ನಟರು ಇಲ್ಲಿ ಭೇಟಿ ನೀಡಿ ಈ ಬಾಂಬ್‌ ಸವಿಯುತ್ತಾರೆ.

ಅಂಗಡಿಯು ಕಲಾಮಂಚ್ ಬೀದಿಯಲ್ಲಿದೆ, ಇದು ಪಟ್ನಾದ ಗಾಂಧಿ ಮೈದಾನದ ಬಳಿ ಉದ್ಯೋಗ ಭವನದ ಪಕ್ಕದಲ್ಲಿ ಬಕರ್‌ಗಂಜ್‌ಗೆ ಹೋಗುವ ರಸ್ತೆಯಲ್ಲಿದೆ. ಬೀದಿಯ ಒಳಗೆ “ಬಾಂಬ್” ಅನ್ನು ಬಡಿಸುವ 60 ವರ್ಷಗಳಿಗಿಂತ ಹೆಚ್ಚು ಹಳೆಯದಾದ ಸಿಹಿತಿಂಡಿ ಅಂಗಡಿಯಿದೆ. ನೀವೂ ಬೇಕಿದ್ದರೆ ಬಾಂಬ್‌ ಸವಿಯಬಹುದು.