ಮನೆಯನ್ನೇ ಅಡವಿಟ್ಟು ಸಿನಿಮಾ ಮಾಡಿದ ‘ಶೋ ಮ್ಯಾನ್’ ; ರಾಜ್‌ ಕಪೂರ್ ಬಾಲ್ಯದ ಫೋಟೋ ವೈರಲ್!

ಒಂದು ಕಾಲದಲ್ಲಿ ಬಾಲಿವುಡ್‌ನ ಅತ್ಯಂತ ದುಬಾರಿ ನಟ, ತಮ್ಮ ಸಿನಿಮಾಗಳಿಗಾಗಿ ಮನೆಯನ್ನೇ ಅಡವಿಟ್ಟವರು, ಭಾರಿ ನಷ್ಟ ಅನುಭವಿಸಿದವರು, ಆದರೆ ತಮ್ಮ ಸಿನಿಮಾ ಮೂಲಕ ಇಂದಿಗೂ ಮನೆ ಮಾತಾದವರು ರಾಜ್‌ ಕಪೂರ್.

ಬಾಲಿವುಡ್‌ನ “ಶೋ ಮ್ಯಾನ್” ರಾಜ್‌ ಕಪೂರ್ ಅವರ ಬಾಲ್ಯದ ಅಪರೂಪದ ಚಿತ್ರವೊಂದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ. ಇದರಲ್ಲಿ ಅವರು ರಾಜಕುಮಾರನಂತೆ ಕಾಣುತ್ತಿದ್ದಾರೆ. ಬಾಲಿವುಡ್‌ನ ದೊರೆಯಂತಿದ್ದ ರಾಜ್‌ ಕಪೂರ್, ತಮ್ಮದೇ ನಿರ್ಮಾಣದಲ್ಲಿ ಅನೇಕ ಸೂಪರ್‌ ಹಿಟ್‌ ಚಿತ್ರಗಳನ್ನು ನೀಡಿದ್ದಾರೆ. ಇಂದಿಗೂ ಅವರ ಕುಟುಂಬ ಬಾಲಿವುಡ್‌ನಲ್ಲಿ ವಿಶಿಷ್ಟ ಸ್ಥಾನ ಹೊಂದಿದೆ.

1924ರ ಡಿಸೆಂಬರ್ 14ರಂದು ಜನಿಸಿದ ರಾಜ್‌ ಕಪೂರ್, ನಟನೆಯಿಂದ ಹಿಡಿದು ನಿರ್ದೇಶನ, ನಿರ್ಮಾಣದವರೆಗೂ ಜವಾಬ್ದಾರಿ ನಿರ್ವಹಿಸಿದ್ದಾರೆ. “ಮೇರಾ ನಾಮ್ ಜೋಕರ್” ಚಿತ್ರಕ್ಕಾಗಿ ತಮ್ಮ ಮನೆಯನ್ನೇ ಅಡವಿಟ್ಟು, 6 ವರ್ಷಗಳ ಕಾಲ ಶ್ರಮಿಸಿದರು. ಆದರೆ, ಈ ಚಿತ್ರ ಭಾರಿ ನಷ್ಟ ತಂದಿತು.

ರಾಜ್‌ ಕಪೂರ್ ಅವರ ನಿಜವಾದ ಹೆಸರು ರಣಬೀರ್‌ ರಾಜ್‌ ಕಪೂರ್. ಅವರ ಮೊಮ್ಮಗ ರಣಬೀರ್‌ ಕಪೂರ್‌ಗೆ ಅವರ ಹೆಸರನ್ನೇ ಇಡಲಾಗಿದೆ. ರಾಜ್‌ ಕಪೂರ್ 1935ರಲ್ಲಿ “ಇಂಕ್ವಿಲಾಬ್” ಚಿತ್ರದ ಮೂಲಕ ಕೇವಲ 10ನೇ ವಯಸ್ಸಿನಲ್ಲಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು.

1950-56ರವರೆಗೆ ದಿಲೀಪ್‌ ಕುಮಾರ್‌ ಜೊತೆ ಬಾಲಿವುಡ್‌ನ ಅತ್ಯಂತ ಹೆಚ್ಚು ಸಂಭಾವನೆ ಪಡೆಯುವ ನಟರಾಗಿದ್ದರು. 1957-63ರವರೆಗೆ ದೇವ್‌ ಆನಂದ್ ನಂತರದ ಅತ್ಯಂತ ಹೆಚ್ಚು ಸಂಭಾವನೆ ಪಡೆಯುವ ನಟರಾದರು. 1988ರಲ್ಲಿ ರಾಜ್‌ ಕಪೂರ್ ನಿಧನರಾದರೂ, ಇಂದಿಗೂ ಅವರು “ಶೋ ಮ್ಯಾನ್” ಎಂದೇ ಗುರುತಿಸಿಕೊಳ್ಳುತ್ತಾರೆ. ಅವರ ಕುಟುಂಬದ ಒಟ್ಟು ಆಸ್ತಿ 2000 ಕೋಟಿ ಎಂದು ವರದಿಯಾಗಿದೆ. ಅವರ ಕುಟುಂಬದಲ್ಲಿ ರಿಷಿ ಕಪೂರ್, ನೀತು ಕಪೂರ್, ಆಲಿಯಾ ಭಟ್, ರಣಬೀರ್ ಕಪೂರ್, ಕರಿಷ್ಮಾ ಕಪೂರ್ ಮತ್ತು ಕರೀನಾ ಕಪೂರ್ ಅವರಂತಹ ಹೆಸರಾಂತ ತಾರೆಯರಿದ್ದಾರೆ.