ಶಾಲೆ ಬಿಟ್ಟವಳು ಇಂದು ಕೋಟ್ಯಧೀಶ್ವರೆ: ಎಲ್ಲರಿಗೂ ಮಾದರಿ ಈ ಮಹಿಳೆ…..!

ಉತ್ತಮ ಜೀವನ ನಡೆಸಲು ಶಿಕ್ಷಣ ಅಗತ್ಯ ಎಂದು ಸಾಮಾನ್ಯವಾಗಿ ಹೇಳಲಾಗುತ್ತದೆ. ಆದರೆ ಎಲ್ಲಾ ಸಂದರ್ಭಗಳಲ್ಲಿಯೂ ಈ ಮಾತು ಅನ್ವಯ ಆಗುವುದಿಲ್ಲ ಎನ್ನುವುದಕ್ಕೆ ಉದಾಹರಣೆ ಇಲ್ಲೊಂದು ಘಟನೆ.

16 ನೇ ವಯಸ್ಸಿನಲ್ಲಿ ಶಾಲೆಯಿಂದ ಹೊರಗುಳಿದ ಮಹಿಳೆಯೊಬ್ಬರು ತಮ್ಮ ಮಕ್ಕಳಿಗೆ ಉತ್ತಮ ಜೀವನಶೈಲಿಯನ್ನು ನೀಡಿರುವುದೂ ಅಲ್ಲದೇ, ನಾಲ್ಕು ಮನೆಗಳನ್ನು ಕಟ್ಟಿಸಿದ್ದಾಳೆ. ಇಷ್ಟೇ ಮಾಡಿದವರು ಹಲವರು ಇರಬಹುದು. ಆದರೆ ಈ ಮಹಿಳೆ ಇತರರಿಗೆ ಉದ್ಯೋಗ ನೀಡುತ್ತಿದ್ದು ಎಲ್ಲರ ಹುಬ್ಬೇರಿಸಿದ್ದಾಳೆ.

ರಾಚೆಲ್ ಒಲಿಂಗ್ಟನ್ ತನ್ನ 18 ನೇ ವಯಸ್ಸಿನಲ್ಲಿಯೇ ಮೊದಲ ಬಾರಿಗೆ ದುಡಿಮೆಯಿಂದ ಬೃಹತ್​ ಮನೆ ನಿರ್ಮಿಸಿರುವುದೂ ಅಲ್ಲದೇ, ಈಗ ಮೂವರು ಮಕ್ಕಳ ತಾಯಿಯಾಗಿರುವ ಈಕೆ ನಾಲ್ಕು ಸುಂದರವಾದ ಮನೆಯ ಮಾಲೀಕಳಾಗಿದ್ದಾಳೆ. ಸದ್ಯ ರಾಚೆಲ್ ಮತ್ತು ಆಕೆಯ ಕುಟುಂಬವು ಪ್ರಸ್ತುತ ವಾಸಿಸುತ್ತಿರುವ ಮನೆ ನಾಲ್ಕು ಬೆಡ್​ರೂಂ ಆಗಿದ್ದು, ಇದಕ್ಕೆ ಸುಮಾರು £ 475,000 (ಸುಮಾರು 4.61 ಕೋಟಿ ರೂಪಾಯಿಗಳು) ವೆಚ್ಚ ಮಾಡಲಾಗಿದೆ.

ಅಷ್ಟಕ್ಕೂ ಇಷ್ಟೊಂದು ದೊಡ್ಡಮಟ್ಟದಲ್ಲಿ ಬೆಳೆಯಲು ಕಾರಣ ಏನೆಂದರೆ ರಾಚೆಲ್​ ಕಷ್ಟಪಟ್ಟು ಅಲ್ಲಿಲ್ಲಿ ಕೆಲಸ ಕಾರ್ಯಗಳನ್ನು ಮಾಡಿ ಅದೇ ಹಣದಿಂದ ಎಸ್ಟೇಟ್ ಏಜೆನ್ಸಿ ಸ್ಥಾಪಿಸಿದಳು. ಹಗಲೂ ರಾತ್ರಿ ಇಲ್ಲಿ ದುಡಿದು ಅನೇಕ ಮಂದಿಗೆ ಉದ್ಯೋಗವನ್ನೂ ಕೊಟ್ಟಳು. ಅಲ್ಲಿಂದ ಆಕೆಯ ದಿಕ್ಕೇ ಬದಲಾಯಿತು. ಕಷ್ಟಪಟ್ಟು ದುಡಿದರೆ ಏನು ಬೇಕಾದರೂ ಸಾಧಿಸಬಹುದು ಎನ್ನುವುದಕ್ಕೆ ಈಕೆಯೇ ಉದಾಹರಣೆ.