ಈ ರಾಶಿಯವರು ಇಂದು ಖರೀದಿ ಮಾಡಲಿದ್ದಾರೆ ಹೊಸ ವಾಹನ

ಮೇಷ : ಪೂರ್ವಜರ ಆಸ್ತಿ ಮಾರಲು ಮುಂದಾದ ನಿಮಗೆ ಇಂದು ಉತ್ತಮ ಬೆಲೆ ನೀಡುವ ಗ್ರಾಹಕರು ಸಿಗಲಿದ್ದಾರೆ.

ವ್ಯವಹಾರವನ್ನು ಮುಂದುವರಿಸುವ ಬಗ್ಗೆ ಪೋಷಕರೊಂದಿಗೆ ಚರ್ಚೆ ನಡೆಸಲಿದ್ದೀರಿ. ಸರ್ಕಾರಿ ಉದ್ಯೋಗಿಗಳಿಗೆ ಬಡ್ತಿ ಭಾಗ್ಯವಿದೆ.

ವೃಷಭ : ನೀವು ಎಷ್ಟೇ ಶ್ರಮ ಪಟ್ಟರೂ ಸಹ ಅದಕ್ಕೆ ತಕ್ಕ ಬೆಲೆ ಸಿಗುವುದಿಲ್ಲ. ಇದರಿಂದ ನೀವು ತುಂಬಾನೇ ನಿರಾಶೆಗೆ ಒಳಗಾಗಲಿದ್ದೀರಿ. ವಿವಿಧ ಮೂಲಗಳಿಂದ ಆದಾಯ ಹರಿದು ಬರಲಿದೆ. ಅಕ್ಕಸಾಲಿಗರಿಗೆ ಇಂದು ಲಾಭವಿದೆ.

ಮಿಥುನ : ಆಮೆ ಹಾಗೂ ಮೊಲದ ಕತೆಯನ್ನು ಚಿಕ್ಕ ವಯಸ್ಸಿನಲ್ಲಿ ಕೇಳಿರಬೇಕಲ್ಲವೇ..? ಹಾಗಾದಲ್ಲಿ ನಿಮ್ಮ ಜೀವನದಲ್ಲಿ ನೀವು ಆಮೆಯಾಗುತ್ತಿದ್ದೀರೋ ಅಥವಾ ಮೊಲವಾಗಿದ್ದೀರೋ ಎಂಬುದನ್ನು ಅವಲೋಕನ ಮಾಡಿಕೊಳ್ಳಿ. ಉದ್ಯಮದಲ್ಲಿ ಲಾಭವಿದೆ.

ಕಟಕ : ಪ್ರೀತಿ ಅಂದರೆ ಹಕ್ಕಲ್ಲ. ಅದೊಂದು ಕರ್ತವ್ಯ. ಹೀಗಾಗಿ ಸಂಗಾತಿಯ ಮೇಲೆ ದಬ್ಬಾಳಿಕೆ ಮಾಡುವುದನ್ನು ನಿಲ್ಲಿಸಿ. ಮಕ್ಕಳ ಮನೋಭಾವನೆಗಳನ್ನು ಈಡೇರಿಸಲಿದ್ದೀರಿ. ಪೋಷಕರ ಆರೋಗ್ಯದಲ್ಲಿ ಏರುಪೇರು ಉಂಟಾಗಬಹುದು.

ಸಿಂಹ : ಕೃಷಿ ಕ್ಷೇತ್ರದಲ್ಲಿ ಇರುವವರಿಗೆ ಇಂದು ಲಾಭ ಕಾದಿದೆ. ವಿದ್ಯಾರ್ಥಿಗಳಿಗೆ ವಿದೇಶಿ ಪ್ರಯಾಣದ ಯೋಗ ಬರಲಿದೆ. ಅನೇಕ ದಿನಗಳಿಂದ ವೈವಾಹಿಕ ಸಂಬಂಧಕ್ಕೆ ಅರಸುತ್ತಿರುವ ನಿಮಗೆ ಇಂದು ಕಂಕಣ ಭಾಗ್ಯ ಕೂಡಿ ಬರಲಿದೆ.

ಕನ್ಯಾ : ಮನೆಯಲ್ಲಿ ಇಂದು ಚಿನ್ನಾಭರಣ ಖರೀದಿ ಮಾಡಲಿದ್ದಾರೆ. ಶೀಘ್ರದಲ್ಲೇ ನಿಮ್ಮ ಕುಟುಂಬದಲ್ಲಿ ಧಾರ್ಮಿಕ ಕಾರ್ಯಗಳು ನಡೆಯಲಿದೆ. ಶತ್ರುಬಾಧೆ ತಪ್ಪಿದ್ದಲ್ಲ. ಕೋರ್ಟ್ ಕಚೇರಿ ವ್ಯವಹಾರಗಳಲ್ಲಿ ಮುನ್ನಡೆ ಕಾದಿದೆ. ದಾಂಪತ್ಯ ಜೀವನದಲ್ಲಿ ವಿರಸ ಮೂಡಬಹುದು.

ತುಲಾ : ಕಚೇರಿ ಸ್ಥಳ ಬದಲಾವಣೆ ಮಾಡಬೇಕೆಂಬ ಯೋಚನೆಯು ನಿಮ್ಮ ತಲೆಯಲ್ಲಿ ಬಲವಾಗಿ ಬೇರೂರಲಿದೆ. ಹೀಗಾಗಿ ಈ ಸಂಬಂಧ ಇಂದಿನಿಂದ ಪ್ರಯತ್ನ ಆರಂಭಿಸಲಿದ್ದೀರಿ. ಆರ್ಥಿಕ ಸಂಕಷ್ಟದಲ್ಲಿ ಸಿಲುಕಿರುವ ಸ್ನೇಹಿತರಿಗೆ ಹೆಗಲಾಗಲಿದ್ದೀರಿ.

ವೃಶ್ಚಿಕ : ಹೊಸ ಉದ್ಯಮ ಆರಂಭಿಸಿರುವ ನೀವು ಇಂದು ಲಾಭವನ್ನು ಸಂಪಾದನೆ ಮಾಡಲಿದ್ದೀರಿ. ಕುಟುಂಬಸ್ಥರೆಲ್ಲ ಸೇರಿ ಇಂದು ಧಾರ್ಮಿಕ ಕ್ಷೇತ್ರಕ್ಕೆ ಭೇಟಿ ನೀಡುವ ಸಾಧ್ಯತೆ ಇದೆ. ಹಿತಶತ್ರುಗಳ ಕಾಟದಿಂದ ಕಚೇರಿಯಲ್ಲಿ ಕಿರಿಕಿರಿ ಅನುಭವಿಸುವ ಸಾಧ್ಯತೆ ಇದೆ.

ಧನು : ಹೊಸ ಮನೆಯನ್ನು ನಿರ್ಮಾಣ ಮಾಡುವ ಬಗ್ಗೆ ಕುಟುಂಬದಲ್ಲಿ ಚರ್ಚೆ ನಡೆಯಲಿದೆ. ನಿಮ್ಮ ಪ್ರೀತಿ ವಿಚಾರವನ್ನು ಪೋಷಕರೊಂದಿಗೆ ಹಂಚಿಕೊಳ್ಳಲಿದ್ದೀರಿ. ಬೆನ್ನು ನೋವಿನ ಸಮಸ್ಯೆಯು ಇಂದು ನಿಮ್ಮನ್ನು ಕಾಡಲಿದೆ.

ಮಕರ : ಮನೆಯಲ್ಲಿ ಧಾರ್ಮಿಕ ಕಾರ್ಯ ನಡೆಯುತ್ತಿರೋದರಿಂದ ಕುಟುಂಬಸ್ಥರ ಸಮಾಗಮವಾಗಲಿದೆ. ಹೀಗಾಗಿ ಇಂದೇ ಆಸ್ತಿ ಭಾಗದ ಬಗ್ಗೆ ಪೋಷಕರು ಪ್ರಸ್ತಾಪ ಮಾಡಲಿದ್ದಾರೆ. ಸ್ತ್ರೀಯರ ಹೆಗಲಿಗೆ ಹೊಸ ಜವಾಬ್ದಾರಿಗಳು ಏರಲಿದೆ.

ಕುಂಭ : ಸದಾ ಕಿರಿಕಿರಿ ಮಾಡುತ್ತಿದ್ದ ನಿಮ್ಮ ಸಂಗಾತಿ ಇಂದು ಶಾಂತ ರೀತಿಯಲ್ಲಿ ವರ್ತಿಸಲಿದ್ದಾರೆ. ಇದರಿಂದ ನಿಮಗೂ ನಿರಾಳ ಎನಿಸಲಿದೆ. ಮಕ್ಕಳು ಓದಿನ ಕಡೆಗೆ ಹೆಚ್ಚಿನ ಗಮನ ನೀಡಲಿದ್ದಾರೆ. ಯಾವುದೇ ಹೆಜ್ಜೆ ಇಡುವ ಮುನ್ನ ಹಿರಿಯರ ಸಲಹೆ ಕೇಳುವುದು ಉತ್ತಮ.

ಮೀನ : ಇಂದು ನೀವು ಹೊಸ ವಾಹನವನ್ನು ಖರೀದಿ ಮಾಡಲಿದ್ದೀರಿ. ನಿಮ್ಮ ಆರ್ಥಿಕ ಪರಿಸ್ಥಿತಿ ಉತ್ತಮವಾಗಿ ಇರಲಿದೆ. ರಾಜಕೀಯ ವ್ಯಕ್ತಿಗಳಿಗೆ ಇದು ಶುಭ ದಿನವಾಗಿದೆ. ಹಿರಿಯರ ಜೊತೆ ಸಂಯಮದಿಂದ ವರ್ತಿಸುವ ನಿಮ್ಮ ಗುಣ ಪ್ರಶಂಸೆಗೆ ಪಾತ್ರವಾಗಲಿದೆ.