ಪುಷ್ಪಾದ ಶ್ರೀವಲ್ಲಿ ಹಾಡನ್ನು ಧನುಷ್ ಹಾಡಿನೊಂದಿಗೆ ಮ್ಯಾಶ್ಅಪ್ ಮಾಡಿದ ಸಹೋದರಿಯರು

ಅಲ್ಲು ಅರ್ಜುನ್ ಹಾಗೂ ರಶ್ಮಿಕಾ ನಟನೆಯ ಪುಷ್ಪಾ ಚಿತ್ರದ ಎಲ್ಲಾ ಹಾಡುಗಳು ರಿಲೀಸ್ ಆದ ಎಲ್ಲಾ ಭಾಷೆಗಳಲ್ಲು ಸಖತ್ ಹಿಟ್ ಆಗಿವೆ‌. ಯಾವುದೇ ಪ್ರಮೋಷನ್ ಇಲ್ಲದೆಯೆ ಪುಷ್ಪಾ ಚಿತ್ರ ಹಿಂದಿಯಲ್ಲಿ ಭರ್ಜರಿ ಕಲೆಕ್ಷನ್ ಮಾಡಿದೆ. ಹಾಡುಗಳು ಹಿಂದಿ ಪ್ರೇಕ್ಷಕರ ಮನಸ್ಸನ್ನು ಕದ್ದಿವೆ. ಇನ್ಸ್ಟಾಗ್ರಾಮ್ ನಲ್ಲಂತು ಪುಷ್ಪಾ ಚಿತ್ರದ ಹಾಡುಗಳೆ ಟ್ರೆಂಡ್ ಆಗುತ್ತಿವೆ.‌ ಚಿತ್ರ ರಿಲೀಸ್ ಆಗಿ ಇಷ್ಟು ದಿನವಾದ್ರು ಪುಷ್ಪಾ ಮ್ಯಾಜಿಕ್ ಮುಗಿದಿಲ್ಲಾ.

ಅದ್ರಲ್ಲೂ ಪುಷ್ಪಾ ಚಿತ್ರದ ರೊಮ್ಯಂಟಿಕ್, ಮೆಲೋಡಿಯಸ್ ಟ್ರ್ಯಾಕ್ ಸೂಪರ್ ಹಿಟ್ ಆಗಿದೆ. ಹಲವರು ಈ ಹಾಡಿಗೆ ಕುಣಿದರೆ, ಕೆಲವುರು ಈ ಹಾಡನ್ನ ಅದ್ಭುತವಾಗಿ ಹಾಡಿ ವೈರಲ್ ಆಗ್ತಿದ್ದಾರೆ. ಈ ನಡುವೆ ಇಲ್ಲಿಬ್ಬರು ಸಹೋದರಿಯರು ಒಂದೆಜ್ಜೆ ಮುಂದೆ ಹೋಗಿ ಶ್ರೀವಲ್ಲಿ ಹಾಗೂ ಧನುಷ್ ನಟನೆಯ ರಾಂಝಾನ ಚಿತ್ರದ ಟೈಟಲ್ ಟ್ರ್ಯಾಕ್ ನ ಮ್ಯಾಶ್ಅಪ್ ಮಾಡಿದ್ದಾರೆ.

ಮ್ಯೂಸಿಕ್ ಇಂಡಸ್ಟ್ರಿಯಲ್ಲಿ ಮ್ಯಾಶ್ಅಪ್ ಬಂದು ಹೋಗುತ್ತಿರುವ ಟ್ರೆಂಡ್. ಈ ಟ್ರೆಂಡನ್ನು ಮತ್ತೆ ಜೀವಂತಗೊಳಿಸಿರುವ ಈ ಸಹೋದರಿಯರು ಎರಡು ವಿಭಿನ್ನ ಹಾಡುಗಳನ್ನ ಜೋಡಿಸಿ ಮಧುರವಾಗಿ ಹಾಡಿದ್ದಾರೆ. ಅಂಕಿತಾ ನ್ಯಾಂಡಿ ಅವರು ಈ ಮ್ಯಾಶ್ಅಪ್ ವಿಡಿಯೋವನ್ನು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಹಾಡು ಕೇಳೊಕೆ ಮಾತ್ರವಲ್ಲ, ವಿಡಿಯೋ ಪ್ರೆಸೆಂಟೇಷನ್ ಕೂಡ ಅದ್ಭುತವಾಗಿದೆ. ಪೋಸ್ಟ್ ಮಾಡಿದ ಕೆಲ ಗಂಟೆಗಳಲ್ಲೆ 1.33 ಲಕ್ಷ ವೀವ್ಸ್ ಗಳಿಸಿಕೊಂಡಿರುವ ವಿಡಿಯೋಗೆ ಸಾಕಷ್ಟು ಪ್ರತಿಕ್ರಿಯೆಗಳು ದೊರಕಿವೆ. ಈ ಇಬ್ಬರು ಹುಡುಗಿಯರ ಟ್ಯಾಲೆಂಟ್ ಗೆ ಮೆಚ್ಚುಗೆ ವ್ಯಕ್ತಪಡಿಸಿರುವ ನೆಟ್ಟಿಗರು, ಶ್ರೀವಲ್ಲಿ ಮತ್ತು ರಾಂಝಾನ ಹಾಡಿಗೆ ಮನಸೋತಿದ್ದಾರೆ.