ಮೂತ್ರ ವಿಸರ್ಜನೆಯ ಸಮಯದಲ್ಲಿ ಅಥವಾ ನಂತರ ಸುಡುವ ಸಂವೇದನೆಯನ್ನು ಅನುಭವಿಸುವುದು ಸಾಮಾನ್ಯ. ಆದರೆ ಅದನ್ನು ನಿರ್ಲಕ್ಷಿಸಬಾರದು. ಕೆಲವೊಮ್ಮೆ ಇದು ಗಂಭೀರ ಕಾಯಿಲೆಗಳ ಸಂಕೇತವಾಗಿರಬಹುದು. ಪದೇ ಪದೇ ಈ ರೀತಿ ಆಗುತ್ತಿದ್ದರೆ ತಕ್ಷಣ ವೈದ್ಯರನ್ನು ಸಂಪರ್ಕಿಸಬೇಕು. ಮೂತ್ರ ವಿಸರ್ಜನೆಯ ಬಳಿಕ ಉರಿ ಮತ್ತು ಸುಡುವ ಸಂವೇದನೆಯು ಅನೇಕ ಕಾರಣಗಳಿಂದ ಉಂಟಾಗಬಹುದು. ಪ್ರಮುಖವಾಗಿ ಮೂರು ಕಾಯಿಲೆಗಳ ಲಕ್ಷಣ ಇದು.
ಮೂತ್ರನಾಳದ ಸೋಂಕು (UTI)
ಮೂತ್ರ ವಿಸರ್ಜನೆಯ ಸಮಯದಲ್ಲಿ ಸುಡುವ ಸಂವೇದನೆಯನ್ನು ಅನುಭವಿಸಲು ಸಾಮಾನ್ಯ ಕಾರಣವೆಂದರೆ ಮೂತ್ರನಾಳದ ಸೋಂಕು (UTI). ಈ ಸೋಂಕು ಮೂತ್ರದ ವ್ಯವಸ್ಥೆಯ ಯಾವುದೇ ಭಾಗದಲ್ಲಿ ಸಂಭವಿಸಬಹುದು. ಯುಟಿಐ ಸೋಂಕು ಪುರುಷರಿಗಿಂತ ಮಹಿಳೆಯರಲ್ಲಿ ಹೆಚ್ಚು ಸಾಮಾನ್ಯವಾಗಿದೆ. ಯುಟಿಐನ ಇತರ ರೋಗಲಕ್ಷಣಗಳೆಂದರೆ ಆಗಾಗ್ಗೆ ಮೂತ್ರ ವಿಸರ್ಜನೆ, ಮೂತ್ರದಲ್ಲಿ ದುರ್ವಾಸನೆ ಮತ್ತು ಹೊಟ್ಟೆಯ ಕೆಳಭಾಗದಲ್ಲಿ ನೋವು.
ಕಿಡ್ನಿ ಕಲ್ಲು
ಮೂತ್ರಪಿಂಡದಲ್ಲಿ ಕಲ್ಲು ಬೆಳೆದಿದ್ದರೆ ಮೂತ್ರ ವಿಸರ್ಜಿಸುವಾಗ ಸುಡುವ ಸಂವೇದನೆ ಉಂಟಾಗುತ್ತದೆ. ಕಿಡ್ನಿ ಸ್ಟೋನ್ಸ್‌ ಮೂಲತಃ ಖನಿಜಗಳು ಮತ್ತು ಉಪ್ಪಿನ ಸಣ್ಣ ಕಣಗಳಾಗಿವೆ. ಇದು ಮೂತ್ರಪಿಂಡದಲ್ಲಿ ಸಂಗ್ರಹಗೊಳ್ಳಲು ಪ್ರಾರಂಭಿಸುತ್ತದೆ. ಕಲ್ಲುಗಳ ಕಾರಣದಿಂದಾಗಿ ಮೂತ್ರನಾಳದಲ್ಲಿ ಬ್ಲಾಕ್ ಉಂಟಾಗುತ್ತದೆ. ಇದು ಮೂತ್ರ ವಿಸರ್ಜನೆಯ ಸಮಯದಲ್ಲಿ ಸುಡುವಿಕೆ ಮತ್ತು ನೋವನ್ನು ಉಂಟುಮಾಡುತ್ತದೆ. ಇದಲ್ಲದೆ ಬೆನ್ನಿನ ಕೆಳಭಾಗದಲ್ಲಿ ತೀವ್ರವಾದ ನೋವು ಮತ್ತು ಮೂತ್ರದಲ್ಲಿ ರಕ್ತಸ್ರಾವವೂ ಕಾಣಿಸಿಕೊಳ್ಳಬಹುದು.
ಲೈಂಗಿಕವಾಗಿ ಹರಡುವ ಕಾಯಿಲೆ
ಮೂತ್ರ ವಿಸರ್ಜನೆಯ ಸಮಯದಲ್ಲಿ ಸುಡುವ ಸಂವೇದನೆಯ ಮತ್ತೊಂದು ಗಂಭೀರ ಕಾರಣವೆಂದರೆ ಲೈಂಗಿಕವಾಗಿ ಹರಡುವ ರೋಗಗಳು. ಗೊನೊರಿಯಾ, ಕ್ಲಮೈಡಿಯದಂತಹ ರೋಗಗಳು ಮೂತ್ರ ವಿಸರ್ಜನೆಯ ಸಮಯದಲ್ಲಿ ಸುಡುವ ಸಂವೇದನೆಯನ್ನು ಉಂಟುಮಾಡಬಹುದು. ಇದಲ್ಲದೆ ಯೋನಿ ಅಥವಾ ಶಿಶ್ನದಲ್ಲಿ ತುರಿಕೆ, ಅಸಹಜ ಸ್ರವಿಸುವಿಕೆ ಮತ್ತು ಸಂಭೋಗದ ಸಮಯದಲ್ಲಿ ನೋವು ಸಹ ಈ ರೋಗದ ಇತರ ಲಕ್ಷಣಗಳು.
ಇದಲ್ಲದೆ ನಿರ್ಜಲೀಕರಣ ಕೂಡ ಮೂತ್ರ ವಿಸರ್ಜನೆಯ ಸಮಯದಲ್ಲಿ ಉರಿಯನ್ನು ಉಂಟುಮಾಡುತ್ತದೆ. ಮಧುಮೇಹ ರೋಗಿಗಳಲ್ಲಿ ಮೂತ್ರದ ಸೋಂಕಿನ ಅಪಾಯ ಹೆಚ್ಚು. ಇದಲ್ಲದೆ ಸಿಸ್ಟೈಟಿಸ್ ಎಂಬ ಸ್ಥಿತಿಯಲ್ಲಿ ಮೂತ್ರಕೋಶವು ಊದಿಕೊಳ್ಳುತ್ತದೆ. ಇದರಿಂದಾಗಿ ಮೂತ್ರ ವಿಸರ್ಜನೆಯ ಸಮಯದಲ್ಲಿ ಸುಡುವ ಸಂವೇದನೆ ಉಂಟಾಗಬಹುದು.
ಸುಡುವ ಸಂವೇದನೆಯ ಜೊತೆಗೆ ಪದೇ ಪದೇ ಮೂತ್ರ ಮಾಡಬೇಕೆನಿಸುತ್ತಿದ್ದರೆ, ರಕ್ತಸ್ರಾವ ಆದರೆ ಹೊಟ್ಟೆ ನೋವು ಅಥವಾ ಜ್ವರವಿದ್ದಲ್ಲಿ ತಕ್ಷಣ ವೈದ್ಯರನ್ನು ಸಂಪರ್ಕಿಸಿ.
Loading ...