ಕುವೈತ್‌ನ ಕ್ರಿಕೆಟ್ ಮೈದಾನವೊಂದು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ನಗುವಿನ ಅಲೆಯನ್ನೇ ಎಬ್ಬಿಸಿದೆ. ಇದಕ್ಕೆ ಕಾರಣ ಅಲ್ಲಿನ ಬೌಲರ್ ಒಬ್ಬರು ಮಾಡಿದ ವಿಚಿತ್ರ ಬೌಲಿಂಗ್ ಶೈಲಿ. ಹೌದು, ಆ ಬೌಲರ್ ಎಸೆದ ಚೆಂಡು ವಿಕೆಟ್‌ಗೆ ಬಡಿದ ರೀತಿಯನ್ನು ಕಂಡ ನೆಟ್ಟಿಗರು ನಗುವುದನ್ನು ನಿಲ್ಲಿಸಲೇ ಇಲ್ಲ.
ಸಾಮಾನ್ಯವಾಗಿ ಕ್ರಿಕೆಟ್ ಆಟಗಾರರು ಚೆಂಡನ್ನು ಬ್ಯಾಟ್‌ನಿಂದ ಹೊಡೆಯಲು ಹೆಣಗಾಡುವುದು ಸಹಜ. ಆದರೆ, ಇಲ್ಲಿನ ದೃಶ್ಯವೇ ಬೇರೆ. ಇಲ್ಲಿ ಬ್ಯಾಟ್ಸ್‌ಮನ್ ಚೆಂಡನ್ನು ಹೊಡೆಯಲು ಪ್ರಯತ್ನಿಸಿದರೂ, ಅದ್ಯಾವುದೋ ಮ್ಯಾಜಿಕ್‌ನಂತೆ ಚೆಂಡು ವಿಕೆಟ್‌ಗೆ ಬಡಿದು ಬೀಳುತ್ತದೆ. ಹೀಗೆ, ಒಂದೆರಡಲ್ಲ, ಬರೋಬ್ಬರಿ ನಾಲ್ಕು ಬಾರಿ ಚೆಂಡು ವಿಕೆಟ್‌ಗೆ ಬಡಿದಿದೆ. ಈ ದೃಶ್ಯವನ್ನು ನೋಡಿದ ವೀಕ್ಷಕರು ಮತ್ತು ಸಹ ಆಟಗಾರರು ನಗುವುದನ್ನು ನಿಯಂತ್ರಿಸಲಾಗದೇ ನಕ್ಕಿದ್ದಾರೆ.
ಈ ವಿಡಿಯೊವನ್ನು ಇಂಗ್ಲಿಷ್ ಕ್ರಿಕೆಟ್ ಅಂಪೈರ್ ರಿಚರ್ಡ್ ಕೆಟಲ್‌ಬರೋ ಅವರು ಎಕ್ಸ್ (ಟ್ವಿಟರ್) ನಲ್ಲಿ ಹಂಚಿಕೊಂಡಿದ್ದಾರೆ. “ಕುವೈತ್‌ಗೆ ಪ್ರತಿಭೆ ಇದೆ. ಬೌಲರ್ ಮಿಂಚಿದರು, ಬ್ಯಾಟರ್ ಕಂಗಾಲಾದರು” ಎಂದು ಅವರು ಹಾಸ್ಯ ಚಟಾಕಿ ಹಾರಿಸಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ನೆಟ್ಟಿಗರು ಬೌಲರ್‌ನ ಬೌಲಿಂಗ್ ಶೈಲಿಯನ್ನು ನೋಡಿ ನಾನಾ ರೀತಿಯಲ್ಲಿ ಕಾಮೆಂಟ್ ಮಾಡುತ್ತಿದ್ದಾರೆ. “ಇದು ಲಗಾನ್ ಸಿನಿಮಾದ ಕಚ್ರಾನನ್ನು ನೆನಪಿಸುತ್ತಿದೆ”, “ಇದು ಹರ್ಭಜನ್ ಸಿಂಗ್‌ಗೂ ಟಕ್ಕರ್ ಕೊಡುವ ಬೌಲಿಂಗ್” ಎಂದು ಹಲವರು ಕಾಮೆಂಟ್ ಮಾಡಿದ್ದಾರೆ. ಒಟ್ಟಿನಲ್ಲಿ, ಈ ವಿಡಿಯೊ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
Kuwait 🇰🇼 Got Talent 👏🏻
~ Bowler Rocked 🗿
~ Batter Shocked 😳 pic.twitter.com/7PUCGHQjJl— Richard Kettleborough (@RichKettle07) March 20, 2025
Before we begin, an honourable mention to some of the best clips of the winter. First up we have this unplayable delivery from a cricket league in Kuwait:pic.twitter.com/Nx44HdMah6
— That’s So Village (@ThatsSoVillage) October 7, 2024
Loading ...