ಹುಬ್ಬೇರಿಸುವಂತಿದೆ 1943 ರ 5 ನೇ ತರಗತಿಯ ಈ ಪ್ರಶ್ನೆ ಪತ್ರಿಕೆ…..!

ನಿವೃತ್ತ ಭಾರತೀಯ ಆಡಳಿತ ಸೇವೆ (IAS) ಅಧಿಕಾರಿ ಬದ್ರಿ ಲಾಲ್ ಸ್ವರ್ಣಕರ್ ಅವರು 5ನೇ ತರಗತಿಯ ವಾಣಿಜ್ಯ ಪ್ರಶ್ನೆ ಪತ್ರಿಕೆಯನ್ನು ಹಂಚಿಕೊಂಡಿದ್ದು, ಅದು ವೈರಲ್ ಆಗಿದೆ. ಪ್ರಶ್ನೆ ಪತ್ರಿಕೆಯು ಇಂದಿನ ಪ್ರಶ್ನೆಗಳಿಗಿಂತ ಹೆಚ್ಚು ಕಷ್ಟಕರವಾಗಿದೆ ಎಂದು ತೋರಿಸಿದೆ.

1943-44 ಪತ್ರಿಕೆ ಇದಾಗಿದ್ದು, ಗರಿಷ್ಠ ಅಂಕಗಳು 100 ಮತ್ತು ಪಾಸ್ ಅಂಕಗಳನ್ನು 33 ಎಂದು ನಮೂದಿಸಲಾಗಿದೆ. ಪರೀಕ್ಷೆಯ ಅವಧಿಯು 2.5 ಗಂಟೆಗಳಿತ್ತು. ಚಿನ್ನದ ಬೆಲೆಯನ್ನು ನಿರ್ಧರಿಸಲು ಕೇಳಲಾದ ಪ್ರಶ್ನೆಗಳಲ್ಲಿ ಒಂದು. ಮತ್ತೊಂದು, ಹಿಟ್ಟಿಗೆ ಖರ್ಚು ಮಾಡಿದ ಹಣದ ಬಗ್ಗೆ ಕೇಳಲಾಗಿದ್ದರೆ, ಇನ್ನೊಂದರಲ್ಲಿ ವ್ಯವಹಾರ ಪತ್ರವನ್ನು ಬರೆಯಲು ವಿದ್ಯಾರ್ಥಿಗಳನ್ನು ಕೇಳಲಾಯಿತು.

ಈ ಹಿಂದೆ, ಐದನೇ ತರಗತಿಯ ವಿದ್ಯಾರ್ಥಿಗಳ ಗಣಿತ ಪರೀಕ್ಷೆಯ ಪ್ರಶ್ನೆಪತ್ರಿಕೆಯೂ ವೈರಲ್ ಆಗಿತ್ತು. 10 ಮತ್ತು 11 ರ ನಡುವಿನ ವಯಸ್ಸಿನ ವಿದ್ಯಾರ್ಥಿಗಳಿಗೆ ಉದ್ದೇಶಿಸಲಾದ ಸವಾಲಿನ ಪ್ರಶ್ನೆಯು ಹೀಗಿತ್ತು. ಕ್ಲೈನ್ ಸೋಮವಾರ ಪುಸ್ತಕದ 30 ಪುಟಗಳನ್ನು ಮತ್ತು ಮಂಗಳವಾರ ಪುಸ್ತಕದ 1/8 ಅನ್ನು ಓದಿದ್ದಾರೆ. ಅವರು ಪುಸ್ತಕದ ಉಳಿದ 1/4 ಅನ್ನು ಬುಧವಾರ ಪೂರ್ಣಗೊಳಿಸಿದರು. ಹಾಗಿದ್ದರೆ ಪುಸ್ತಕದಲ್ಲಿ ಎಷ್ಟು ಪುಟಗಳಿವೆ? ಎಂದು ಕೇಳಲಾಗಿತ್ತು.

ಪ್ರಶ್ನೆಯ ಕಷ್ಟದಿಂದ ಸಾಮಾಜಿಕ ಮಾಧ್ಯಮ ಬಳಕೆದಾರರು ದಿಗ್ಭ್ರಮೆಗೊಂಡಿದ್ದಾರೆ. ಪ್ರಶ್ನೆಗಳು ತುಂಬಾ ಕಠಿಣವಾಗಿದ್ದರೆ ಅವರು ಖಂಡಿತವಾಗಿಯೂ ಪರೀಕ್ಷೆಯಲ್ಲಿ ವಿಫಲರಾಗುತ್ತಾರೆ ಎಂದು ಹಲವರು ಹೇಳಿದ್ದಾರೆ.