ಪೋಷಕರು ತಮ್ಮ ಮಕ್ಕಳನ್ನು ವಿಶೇಷವಾಗಿ ಅವರ ಜನ್ಮದಿನದಂದು ಸಂತೋಷವಾಗಿಡಲು ಎಲ್ಲಾ ರೀತಿಯ ಪ್ರಯತ್ನ ಮಾಡುತ್ತಾರೆ. ಆದರೆ, ಈ ದಂಪತಿ ಮತ್ತೊಂದು ಹಂತಕ್ಕೆ ಮಗಳ ಹುಟ್ಟುಹಬ್ಬವನ್ನು ಕೊಂಡೊಯ್ದು ವೈರಲ್ ಆಗಿದ್ದಾರೆ.
ತಮ್ಮ 2 ವರ್ಷದ ಮಗಳಿಗಾಗಿ, ಲಂಡನ್‌ನ ಕಿಂಗ್ಸ್ಲಿ ಇನ್ಯಿರಿ ಜಾರ್ಜ್ ಮತ್ತು ವನೆಸ್ಸಾ ದಂಪತಿ 600 ಪೌಂಡ್‌ಗಳ ಬ್ಯಾಟರಿ ಚಾಲಿತ ಮಿನಿ ಮರ್ಸಿಡಿಸ್ ಅನ್ನು ಖರೀದಿಸಿದ್ದಾರೆ. ಇದರ ಬೆಲೆ ಸುಮಾರು 61,251 ರೂ. ರೆಬೆಕ್ಕಾ ಎಂಬ ಬಾಲಕಿ ತನ್ನ ಪುಟ್ಟ ಕಾರಿನಲ್ಲಿ ತನ್ನ ನರ್ಸರಿಗೆ ಬಂದಿದ್ದಾಳೆ.
450 ಪೌಂಡ್‌ಗಳ ಡಿಸೈನರ್ ಉಡುಪು (ಸುಮಾರು 45,938 ರೂ.) ಧರಿಸಿ ಕಾರಿನಲ್ಲಿ ಬಾಲಕಿ ನರ್ಸರಿಗೆ ಬಂದಿದ್ದಾಳೆ. 240 ಪೌಂಡ್ (ಸರಿಸುಮಾರು ರೂ 24,500) ಮೌಲ್ಯದ ಶೂಗಳನ್ನು ಧರಿಸಿದ್ದಳು. ಶಾಲಾ ಮಕ್ಕಳಿಗೆ ಪಾರ್ಟಿ ಆಯೋಜನೆ ಮಾಡಲಾಗಿತ್ತು.
ಈಕೆ ತನ್ನ ಮೊದಲ ಜನ್ಮದಿನದಲ್ಲಿಯೂ ದುಬಾರಿ ಗಿಫ್ಟ್ ಪಡೆದುಕೊಂಡಿದ್ದಳು. ಕಿಂಗ್ಸ್ಲಿ ಮತ್ತು ವನೆಸ್ಸಾ ಅವಳನ್ನು ರಾಜಕುಮಾರಿಯ ಶೈಲಿಯಲ್ಲಿ ತನ್ನ ಪಾರ್ಟಿಗೆ ಕರೆದೊಯ್ಯಲು ಕುದುರೆ-ಎಳೆಯುವ ರಥವನ್ನು ಬಾಡಿಗೆಗೆ ಪಡೆದಿದ್ದರು. ಪಾರ್ಟಿಯಲ್ಲಿ ಆಟಗಳನ್ನು ಆಯೋಜಿಸಿ ದೊಡ್ಡ ದೊಡ್ಡ ಬಹುಮಾನ ಇಟ್ಟಿದ್ದರು. ವಿಜೇತರಿಗೆ ಹೊಚ್ಚ ಹೊಸ ಐಪ್ಯಾಡ್‌ಗಳನ್ನು ನೀಡಿದ್ದರು.
https://www.facebook.com/kingsley.londonspecgeorgemba/posts/6267412746625207
Loading ...