ಅನೇಕರು ಹೊಟ್ಟೆಯ ಮೇಲೆ ಮಲಗುವ ಅಭ್ಯಾಸವನ್ನು ಹೊಂದಿರುತ್ತಾರೆ. ಹೊಟ್ಟೆ ಕೆಳಗೆ ಹಾಕಿ ಮಲಗದೆ ಹೋದ್ರೆ ಅವರಿಗೆ ನಿದ್ರೆ ಬರುವುದಿಲ್ಲ. ಆದ್ರೆ ಎಲ್ಲರೂ ಹೀಗೆ ಮಲಗುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ವಿಜ್ಞಾನಿಗಳ ಪ್ರಕಾರ, ಅಪಸ್ಮಾರ ರೋಗಿಗಳು ತಮ್ಮ ಹೊಟ್ಟೆಯ ಮೇಲೆ ಮಲಗುವ ಅಭ್ಯಾಸವನ್ನು ಬಿಡುವುದು ಬಹಳ ಒಳ್ಳೆಯದು.
ಹೊಟ್ಟೆ ಕೆಳಗೆ ಹಾಕಿ ಮಲಗುವ ಅಪಸ್ಮಾರ ರೋಗಿಗಳು ಹಠಾತ್ ಸಾವಿಗೆ ಒಳಗಾಗುವುದು ಹೆಚ್ಚೆಂದು ತಜ್ಞರು ಹೇಳಿದ್ದಾರೆ. ಅಪಸ್ಮಾರವು ಮೆದುಳಿನ ಕಾಯಿಲೆಯಾಗಿದ್ದು, ರೋಗಿಯು ಆಗಾಗ್ಗೆ ಅನಾರೋಗ್ಯಕ್ಕೊಳಗಾಗ್ತಾರೆ. ಅಪಸ್ಮಾರದ ಬಹುತೇಕ ಪ್ರಕರಣಗಳ ಕಾರಣ ತಿಳಿದು ಬರುವುದಿಲ್ಲ. ಕೆಲವು ಪ್ರಕರಣಗಳಲ್ಲಿ ಮೆದುಳಿನ ಗಾಯ, ಲಕ್ವ, ಮೆದುಳಿನ ಗೆಡ್ಡೆಗಳು, ಮೆದುಳಿನ ಸೋಂಕುಗಳು ಕಾರಣವಾಗಿರುತ್ತವೆ.
ಅಪಸ್ಮಾರದ ಆಕಸ್ಮಿಕ ಸಾವನ್ನು ತಡೆಯಲು ಒಂದು ಪ್ರಮುಖ ತಂತ್ರವೆಂದ್ರೆ ಬೆನ್ನಿನ ಮೇಲೆ ಮಲಗುವುದು. ಮಕ್ಕಳು ಮಾತ್ರವಲ್ಲ ವಯಸ್ಕರು ಕೂಡ ಬೆನ್ನಿನ ಮೇಲೆ ಮಲಗುವುದು ಉತ್ತಮ ಅಭ್ಯಾಸವೆಂದು ತಜ್ಞರು ಹೇಳಿದ್ದಾರೆ.
Loading ...