ಹೊಸ ವರ್ಷ ಈ ರಾಶಿಯವರಿಗೆ ಒಲಿದು ಬರಲಿದೆ ಅದೃಷ್ಟ

2022ರಲ್ಲಿ ಶ್ರೀಮಂತರಾಗಬೇಕೆಂಬ ಆಸೆ ಎಲ್ಲರಲ್ಲೂ ಇದೆ. ಆದ್ರೆ ಎಲ್ಲರೂ ಅಂದುಕೊಂಡಿದ್ದು ಆಗಲು ಸಾಧ್ಯವಿಲ್ಲ. 2022ರಲ್ಲಿ ಕೆಲ ರಾಶಿಯವರ ಅದೃಷ್ಟ ಬದಲಾಗಲಿದೆ. ಅವರ ಕನಸು ಈಡೇರಲಿದೆ. ಅವರು ಕಂಡ ಕನಸು ನೆರವೇರಲಿದೆ. ಶನಿ ರಾಶಿ ಬದಲಾವಣೆ ಮಾಡ್ತಿದ್ದಾನೆ. ಇದ್ರಿಂದಾಗಿ ಏಪ್ರಿಲ್ ನಂತ್ರ ಕೆಲ ರಾಶಿಯವರ ಜೀವನದಲ್ಲಿ ಸಂಪತ್ತಿನ ಮಳೆಯಾಗಲಿದೆ.

ವೃಷಭ ರಾಶಿಯವರು ಕಳೆದ ವರ್ಷ ಸಾಕಷ್ಟು ಕಷ್ಟ ಅನುಭವಿಸಿದ್ದಾರೆ. ಎಲ್ಲ ಕಷ್ಟಗಳು ಹೊಸ ವರ್ಷ ದೂರವಾಗಲಿದೆ. ರಾಹು, ವೃಷಭ ರಾಶಿಯಲ್ಲಿದ್ದು  ಜುಲೈ 12, 2022 ರಂದು ಈ ರಾಶಿಯನ್ನು ತೊರೆದು ಮೇಷ ರಾಶಿ ಪ್ರವೇಶಿಸುತ್ತಾನೆ. ದುಷ್ಟ ಗ್ರಹ ರಾಹು ರಾಶಿ ಬದಲಿಸುತ್ತಿದ್ದಂತೆ ವೃಷಭ ರಾಶಿಯ ಜನರ ಸಮಸ್ಯೆ ಪರಿಹಾರವಾಗಲಿದೆ. ವೃತ್ತಿ ಜೀವನದಲ್ಲಿ ಯಶಸ್ಸು ಸಿಗಲಿದೆ. ಕೆಟ್ಟ ಚಟ ದೂರವಾಗಲಿದೆ.

ಮಿಥುನ ರಾಶಿಯವರು ಹೊಸ ವರ್ಷ ಶನಿಯಿಂದ ಮುಕ್ತಿ ಪಡೆಯಲಿದ್ದಾರೆ. ಏಪ್ರಿಲ್ 29, 2022 ರಂದು ಶನಿ ರಾಶಿ ಬದಲಾಯಿಸಿದ ತಕ್ಷಣ, ಜೀವನದ ಎಲ್ಲಾ ತೊಂದರೆಗಳು ಕೊನೆಯಾಗಲಿವೆ. ಬಡ್ತಿ ಸಿಗಲಿದೆ. ಕೋಪ ಕಡಿಮೆಯಾಗಲಿದೆ.

ಮೀನ ರಾಶಿಯವರಿಗೂ ಹೊಸ ವರ್ಷ ಶುಭ ತರಲಿದೆ. ವೃತ್ತಿ ಜೀವನದಲ್ಲಿ ಹೆಚ್ಚಿನ ಲಾಭ ಸಿಗಲಿದೆ. ವೃತ್ತಿಯಲ್ಲಿ ಬದಲಾವಣೆ ಬಯಸುವವರಿಗೂ ಇದು ಒಳ್ಳೆಯ ಸಮಯ. ಈ ರಾಶಿಯವರಿಗೆ ಇಡೀ ವರ್ಷ ಯಶಸ್ಸು ಸಿಗಲಿದೆ.