ಕ್ಯಾಲ್ಷಿಯಂ ನಮ್ಮ ದೇಹಕ್ಕೆ ಬೇಕೇ ಬೇಕು. ಮೂಳೆಗಳು ಮತ್ತು ಹಲ್ಲುಗಳಿಗೆ ಮಾತ್ರವಲ್ಲ, ಇದು ಸ್ನಾಯುವಿನ ಸಂಕೋಚನದಲ್ಲಿ ಪ್ರಮುಖ ಪಾತ್ರ ವಹಿಸುತ್ತದೆ. ನರಮಂಡಲ ಮತ್ತು ಹೃದಯದ ಉತ್ತಮ ಕಾರ್ಯನಿರ್ವಹಣೆಗೆ ಕ್ಯಾಲ್ಷಿಯಂ ಅಗತ್ಯವಿದೆ.
ಆಹಾರ ಪದಾರ್ಥಗಳು ಮತ್ತು ಪೂರಕಗಳ ಸಹಾಯದಿಂದ ದೇಹಕ್ಕೆ ಅಗತ್ಯವಾದ ಕ್ಯಾಲ್ಸಿಯಂ ಅನ್ನು ಬಹಳ ಸುಲಭವಾಗಿ ಪೂರೈಸಬಹುದು. ಆದರೆ ಕ್ಯಾಲ್ಸಿಯಂ ಅನ್ನು ಯಾವ ಸಮಯದಲ್ಲಿ ಸೇವಿಸಬೇಕು ಎಂಬುದನ್ನು ತಿಳಿದುಕೊಳ್ಳುವುದು ಕೂಡ ಅವಶ್ಯಕ.
ದೇಹಕ್ಕೆ ಕ್ಯಾಲ್ಸಿಯಂ ಯಾವಾಗ ಹೆಚ್ಚು ಬೇಕು?
ನಮ್ಮ ದೇಹಕ್ಕೆ ದಿನವಿಡೀ ಕ್ಯಾಲ್ಸಿಯಂ ಅಗತ್ಯವಿದ್ದರೂ ವಿಶೇಷವಾಗಿ ರಾತ್ರಿಯಲ್ಲಿ ಅದರ ಬೇಡಿಕೆ ಹೆಚ್ಚುತ್ತದೆ. ಏಕೆಂದರೆ ನಮ್ಮ ಮೂಳೆಗಳು ರಾತ್ರಿಯಲ್ಲಿ ಪುನರ್ನಿರ್ಮಿಸಲ್ಪಡುತ್ತವೆ ಮತ್ತು ಈ ಪ್ರಕ್ರಿಯೆಗೆ ಕ್ಯಾಲ್ಸಿಯಂ ಅಗತ್ಯವಿರುತ್ತದೆ.
ಅಧ್ಯಯನದ ಪ್ರಕಾರ ಇತರ ಆಹಾರಗಳ ಬದಲಿಗೆ ಕ್ಯಾಲ್ಸಿಯಂ ಭರಿತ ಆಹಾರವನ್ನು ಉಪಹಾರದಲ್ಲಿ ಸೇವಿಸುವುದರಿಂದ ಹೃದಯಾಘಾತದ ಅಪಾಯವನ್ನು ಕಡಿಮೆ ಮಾಡಬಹುದು. ಬೆಳಗಿನ ಉಪಾಹಾರ ಮತ್ತು ರಾತ್ರಿಯ ಊಟದಲ್ಲಿ 5 ಪ್ರತಿಶತದಷ್ಟು ಕ್ಯಾಲ್ಸಿಯಂ ಸೇವನೆ ಮಾಡುವುದರಿಂದ ಹೃದಯಾಘಾತ ಅಪಾಯ ಶೇ.6ರಷ್ಟು ಕಡಿಮೆಯಾಗುತ್ತದೆ.
ಆಹಾರದಲ್ಲಿ ಕ್ಯಾಲ್ಸಿಯಂ ಸೇವನೆ ಮತ್ತು ಹೃದಯ ರಕ್ತನಾಳದ ಅಪಾಯದ ನಡುವೆ ಸಂಬಂಧವಿದೆ. ಆರೋಗ್ಯಕರ ರಕ್ತದೊತ್ತಡ ಮಟ್ಟವನ್ನು ಕಾಪಾಡಿಕೊಳ್ಳಲು ಸಾಕಷ್ಟು ಕ್ಯಾಲ್ಸಿಯಂ ಸೇವನೆಯು ಅವಶ್ಯಕವಾಗಿದೆ. ಏಕೆಂದರೆ ಕ್ಯಾಲ್ಸಿಯಂ ನಾಳೀಯ ಕಾರ್ಯ ಮತ್ತು ಸ್ನಾಯುವಿನ ಸಂಕೋಚನದಲ್ಲಿ ಪಾತ್ರವನ್ನು ವಹಿಸುತ್ತದೆ.
ಬೆಳಗಿನ ಉಪಾಹಾರ ಮತ್ತು ರಾತ್ರಿಯ ಊಟದಲ್ಲಿ ಹೆಚ್ಚು ಕ್ಯಾಲ್ಸಿಯಂ ಏಕಿರಬೇಕು?
ಕ್ಯಾಲ್ಸಿಯಂ ಪೂರಕಗಳು ಅಥವಾ ಆಹಾರಗಳನ್ನು ಬೆಳಗಿನ ಉಪಾಹಾರ ಮತ್ತು ಸಂಜೆಯ ಊಟದೊಂದಿಗೆ ತೆಗೆದುಕೊಳ್ಳುವುದು ಹೆಚ್ಚು ಪ್ರಯೋಜನಕಾರಿ. ಇದರಿಂದ ಕ್ಯಾಲ್ಸಿಯಂ ಉತ್ತಮವಾಗಿ ಹೀರಲ್ಪಡುತ್ತದೆ.
ಕ್ಯಾಲ್ಸಿಯಂ ಕೊರತೆಯನ್ನು ಹೋಗಲಾಡಿಸಲು ಮಾತ್ರೆಗಳ ಜೊತೆಗೆ ಕ್ಯಾಲ್ಸಿಯಂ ಭರಿತ ಆಹಾರಗಳನ್ನು ಸಹ ಸೇವನೆ ಮಾಡಬೇಕು. ಹಾಲು, ಮೊಸರು, ಚೀಸ್, ಹಸಿರು ತರಕಾರಿಗಳು, ಮೆಂತ್ಯ, ಎಳ್ಳು, ಬಾದಾಮಿ ಮುಂತಾದವುಗಳು ಕ್ಯಾಲ್ಸಿಯಂನ ಉತ್ತಮ ಮೂಲಗಳಾಗಿವೆ.
Loading ...