ನಾಳೆ ಬಿಡುಗಡೆಯಾಗಲಿದೆ ‘ಅರಿಯದೆ ಜಾರಿದೆ’ ಆಲ್ಬಮ್ ಹಾಡಿನ ಟೀಸರ್

ನಾಳೆ ಲಹರಿ ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ‘ಅರಿಯದೆ ಜಾರಿದೆ’ ಎಂಬ ಮೆಲೋಡಿ ಆಲ್ಬಮ್ ಹಾಡಿನ ಟೀಸರ್  ಬಿಡುಗಡೆಯಾಗಲಿದೆ. ಪಂಚಂ ಜೀವ ಮತ್ತು ತುಷಾರ ನಿಲಯ ಈ ಹಾಡಿಗೆ ಧ್ವನಿಯಾಗಿದ್ದು, shr ಸಂಗೀತ ಸಂಯೋಜನೆ ನೀಡಿದ್ದಾರೆ. ಇನ್ನೇನು ಶೀಘ್ರದಲ್ಲೇ ಸಂಪೂರ್ಣ ಹಾಡು ಯೂಟ್ಯೂಬ್ ನಲ್ಲಿ ರಿಲೀಸ್ ಆಗಲಿದೆ.

ಈ ಹಾಡಿನಲ್ಲಿ ಸೂರ್ಯ ದತ್ತ ಮತ್ತು ರವೀಕ್ಷ ನಾಯಕ ನಾಯಕಿಯಾಗಿ ಕಾಣಿಸಿಕೊಂಡಿದ್ದು, ಸುಹಾನ್ ಗಾಲ್ಗಲಿ ಸಂಕಲನ ಮತ್ತು ಪ್ರವೀಣ್ ಶಂಭುಲಿಂಗಂ ಹಾಗೂ ನಿರಂಜನ್ ಬೋಪಣ್ಣ ಛಾಯಾಗ್ರಹಣವಿದೆ. ಮಂಜುನಾಥ್ ಎನ್, ದೀಕ್ಷಿತ್ ಕೃಷ, ಪ್ರದೀಪ್ ಕೆ, ಸೋಮಶೇಖರ್ ಮತ್ತು ಶಿವಕುಮಾರ್ ನಿರ್ಮಾಣ ಮಾಡಿದ್ದಾರೆ.