ಜನವರಿ 28ಕ್ಕೆ ಬಿಡುಗಡೆಯಾಗಲಿದೆ ‘ವೈರಂ’ ಚಿತ್ರದ ”ಹರೇ ರಾಮ್” ಹಾಡು

ದೇವರಾಜ್ ಪುತ್ರ ಪ್ರಣಮ್ ದೇವರಾಜ್ ಅಭಿನಯಿಸಿರುವ ‘ವೈರಂ’ ಚಿತ್ರದ ”ಹರೇ ರಾಮ್” ವಿಡಿಯೋ ಹಾಡು ಇದೇ ಜನವರಿ 28ಕ್ಕೆ a2 ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್ ನಲ್ಲಿ ಬಿಡುಗಡೆಯಾಗಲಿದೆ. ಈ ಕುರಿತು ಚಿತ್ರತಂಡ ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಅನುರಾಗ್ ಕುಲಕರ್ಣಿ ಈ ಹಾಡಿಗೆ  ಧ್ವನಿಯಾಗಿದ್ದು, ವಿ ನಾಗೇಂದ್ರ ಪ್ರಸಾದ್ ಸಾಹಿತ್ಯ ಬರೆದಿದ್ದಾರೆ.

ಸಾಯಿ ಶಿವಾನ್ ನಿರ್ದೇಶನದ ಈ ಸಿನಿಮಾದಲ್ಲಿ ಪ್ರಣಂ ದೇವರಾಜ್ ಗೆ ಜೋಡಿಯಾಗಿ ಮೋನಾಲ್ ಅಭಿನಯಿಸಿದ್ದು, ಗುರುದರಂ, ಚಮಕ್ ಚಂದ್ರ, ಶಂಕರ್ ಅಶ್ವಥ್, ಮತ್ತು ವೀಣಾ ಸುಂದರ್ ತೆರೆ ಹಂಚಿಕೊಂಡಿದ್ದಾರೆ. ಮಹತಿ ಸ್ವರ ಸಾಗರ್ ಸಂಗೀತ ಸಂಯೋಜನೆ ನೀಡಿದ್ದು, ವಿಜಯಕುಮಾರ್ ಅವರ ಸಂಕಲನ ಸಮಲ ಭಾಸ್ಕರ್ ಛಾಯಾಗ್ರಹಣವಿದೆ.