ʼಸೈಬರ್ʼ ವಂಚಕರಿಗೇ ಚಳ್ಳೆಹಣ್ಣು ತಿನ್ನಿಸಿದ ಚಾಣಾಕ್ಷ ; ವಿವರ ಕೇಳಿದ್ರೆ ಮೆಚ್ಚಿಕೊಳ್ತೀರಿ !

ಉತ್ತರ ಪ್ರದೇಶದ ಕಾನ್ಪುರದಲ್ಲಿ ವಿಚಿತ್ರ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಇದುವರೆಗೆ ನೀವು ವಂಚಕರು ಜನರನ್ನು ಮೋಸಗೊಳಿಸುವ ಬಗ್ಗೆ ಮಾತ್ರ ಕೇಳಿರಬಹುದು, ಆದರೆ ಇಲ್ಲಿ ತಂತ್ರವು ತಿರುಗೇಟು ನೀಡಿದೆ. ಸಾಮಾನ್ಯ ವ್ಯಕ್ತಿಯೊಬ್ಬರು ಸೈಬರ್ ವಂಚಕರನ್ನು ಮೋಸಗೊಳಿಸಿದ್ದಾರೆ. ವಂಚಕರ ಮಾತಿಗೆ ಮರುಳಾಗಿ, ವಂಚಕರು ಅವರಿಗೇ 10 ಸಾವಿರ ರೂಪಾಯಿ ನೀಡುವಂತೆ ಒತ್ತಾಯಿಸುವ ರೀತಿಯಲ್ಲಿ ಅವರನ್ನು ಸಿಲುಕಿಸಿದ್ದಾರೆ. ಈಗ ವಂಚಕರೇ ಹಣವನ್ನು ಹಿಂದಿರುಗಿಸುವಂತೆ ಯುವಕನಿಗೆ ಬೇಡಿಕೆ ಇಡುತ್ತಿದ್ದಾರೆ.

ʼದೈನಿಕ್ ಭಾಸ್ಕರ್ʼ ವರದಿಯ ಪ್ರಕಾರ, ಕಾನ್ಪುರದ ಬಾರ್ರಾ ನಿವಾಸಿ ಭೂಪೇಂದ್ರ ಸಿಂಗ್ ಅವರಿಗೆ ಮಾರ್ಚ್ 6 ರಂದು ಕರೆ ಬಂದಿದೆ. ಕರೆ ಮಾಡಿದವರು ತಮ್ಮನ್ನು ಸಿಬಿಐ ಅಧಿಕಾರಿ ಎಂದು ಪರಿಚಯಿಸಿಕೊಂಡು – ನೀವು ಅಶ್ಲೀಲ ವಿಡಿಯೋಗಳನ್ನು ನೋಡುತ್ತೀರಿ ಎಂದು ಹೇಳಿದ್ದಾರೆ. ಇದರ ನಂತರ, ಅವರು ವಾಟ್ಸಾಪ್‌ನಲ್ಲಿ 32 ಮಾರ್ಫ್ ಮಾಡಿದ ವೀಡಿಯೊಗಳು ಮತ್ತು 48 ಮಾರ್ಫ್ ಮಾಡಿದ ಫೋಟೋಗಳನ್ನು ಕಳುಹಿಸಿದ್ದಾರೆ. ಹುಡುಗಿಯೊಬ್ಬಳು ನಿಮ್ಮ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದಾಳೆ ಎಂದು ಅವರು ಹೇಳಿದ್ದು, ಸಿಬಿಐ ಮತ್ತು ಪೊಲೀಸರು ನಿಮ್ಮ ಮನೆಗೆ ಬರುತ್ತಿದ್ದಾರೆ ಎಂದಿದ್ದಾರೆ. ಇದೆಲ್ಲಾ ಕೇಳಿದ ಭೂಪೇಂದ್ರ ಈ ವ್ಯಕ್ತಿ ಮೋಸ ಮಾಡಲು ಹೊರಟಿದ್ದಾನೆಂದು ಅರ್ಥಮಾಡಿಕೊಂಡು ತಕ್ಷಣವೇ ಹೊಸ ಕಥೆಯನ್ನು ಹೆಣೆದಿದ್ದಾರೆ.

ಭೂಪೇಂದ್ರ, ಸೈಬರ್ ವಂಚಕನಿಗೆ ಅಂಕಲ್, ದಯವಿಟ್ಟು ಅಮ್ಮನಿಗೆ ಹೇಳಬೇಡಿ, ಇಲ್ಲದಿದ್ದರೆ ತುಂಬಾ ತೊಂದರೆಯಾಗುತ್ತದೆ ಎಂದಿದ್ದು. ಆದರೆ ಭೂಪೇಂದ್ರ ಅವರ ತಾಯಿ ಈಗಾಗಲೇ ತೀರಿಕೊಂಡಿದ್ದರು.

ಆಗ ವಂಚಕ ಈಗ ಎಫ್‌ಐಆರ್ ದಾಖಲಾಗಿದೆ. ಪ್ರಕರಣವನ್ನು ಮುಚ್ಚಲು 16 ಸಾವಿರ ರೂಪಾಯಿ ವೆಚ್ಚವಾಗುತ್ತದೆ ಎಂದಿದ್ದು, ಅದರ ನಂತರ ಭೂಪೇಂದ್ರ ಹಣ ವ್ಯವಸ್ಥೆ ಮಾಡುತ್ತೇನೆ. ದಯವಿಟ್ಟು ನನಗೆ ಸ್ವಲ್ಪ ಸಮಯ ಕೊಡಿ ಎಂದು ಹೇಳಿದ್ದಾರೆ.

ಮರುದಿನ ಅಂದರೆ ಮಾರ್ಚ್ 7 ರಂದು ವಂಚಕರು ಮತ್ತೆ ಕರೆ ಮಾಡಿ ಹಣ ಕೇಳಿದಾಗ ಭೂಪೇಂದ್ರ ಕೆಲವು ದಿನಗಳ ಹಿಂದೆ ನಾನು ಮನೆಯಿಂದ ಚಿನ್ನದ ಸರವನ್ನು ಕದ್ದೆ, ಅದನ್ನು ಬಂಗಾರದ ಅಂಗಡಿಗೆ ಕೊಟ್ಟೆ. ಸರವನ್ನು 40 ಸಾವಿರಕ್ಕೆ ಮಾರಾಟ ಮಾಡಿ ಆ ಹಣವನ್ನು ನಿಮಗೆ ನೀಡುತ್ತೇನೆ ಎಂದು ಕಥೆ ಕಟ್ಟಿದ್ದಾರೆ.

ಮತ್ತೊಂದು ದಿನ ಅಂದರೆ ಮಾರ್ಚ್ 8 ರಂದು ಭೂಪೇಂದ್ರ ಸೈಬರ್ ವಂಚಕನಿಗೆ, ಬಂಗಾರದ ಅಂಗಡಿಯವರು ನನಗೆ ಸರವನ್ನು ಕೊಡುತ್ತಿಲ್ಲ. ಸರದ ಬದಲಿಗೆ ಮೂರು ಸಾವಿರ ರೂಪಾಯಿ ಕೇಳುತ್ತಿದ್ದಾರೆ. ನಾನು ವಿದ್ಯಾರ್ಥಿ, ಅಷ್ಟು ಹಣ ನನ್ನ ಬಳಿ ಇಲ್ಲ. ದಯವಿಟ್ಟು ನನಗೆ ಸಹಾಯ ಮಾಡಿ. ನನಗೆ ಮೂರು ಸಾವಿರ ರೂಪಾಯಿ ಕೊಡಿ. ಸರವನ್ನು ಮಾರಾಟ ಮಾಡಿದ ನಂತರ ನನಗೆ ಸಿಗುವ ಹಣವನ್ನು ನಿಮಗೆ ನೀಡುತ್ತೇನೆ ಎಂದು ಹೇಳಿದ್ದಾರೆ.

ಇದನ್ನು ನಂಬಿದ ವಂಚಕರು ಮೂರು ಸಾವಿರ ರೂಪಾಯಿ ಕಳುಹಿಸಿದ್ದು, ನಂತರ ಇನ್ನೂ 500 ರೂಪಾಯಿ ಕೇಳಿದ್ದು, ಈ ಸಮಯದಲ್ಲಿ ಅವರಿಗೆ ಸರದ ಫೋಟೋವನ್ನು ಕಳುಹಿಸಿದ್ದಾರೆ. ಮಾರ್ಚ್ 9 ರಂದು ಸೈಬರ್ ವಂಚಕರು ಮತ್ತೆ ಕರೆ ಮಾಡಿದಾಗ ಭೂಪೇಂದ್ರ ಅವರಿಗೆ ಬೇರೆ ಕಥೆ ಹೇಳಿದ್ದಾರೆ.

ನಾನು ಸರ ಮಾರಾಟ ಮಾಡಲು ಹೋದ ಬಂಗಾರದ ಅಂಗಡಿಯವರು ಸರವನ್ನು ಇಟ್ಟುಕೊಂಡಿದ್ದಾರೆ. ನೀವು ಅಪ್ರಾಪ್ತರಾಗಿದ್ದೀರಿ ಎಂದು ಅವರು ಹೇಳುತ್ತಿದ್ದಾರೆ. ನಿಮ್ಮ ಪೋಷಕರನ್ನು ಕರೆದುಕೊಂಡು ಬನ್ನಿ. ಇದರ ನಂತರ ಸರದ ಹಣ ನೀಡುತ್ತಾರೆ. ನೀವು ನನ್ನ ತಂದೆಯಂತೆ ನಟಿಸಿ ಬಂಗಾರದ ಅಂಗಡಿಯವರೊಂದಿಗೆ ಮಾತನಾಡಿ ಎಂದು ಅವರ ಸ್ನೇಹಿತರಲ್ಲಿ ಒಬ್ಬರೊಂದಿಗೆ ಮಾತನಾಡಿಸಿ. ಸ್ನೇಹಿತನ ಕೋರಿಕೆಯ ಮೇರೆಗೆ ವಂಚಕರು ಮತ್ತೆ 4,480 ರೂಪಾಯಿ ವರ್ಗಾಯಿಸುವಂತೆ ಮಾಡಿದ್ದಾರೆ.

ಭೂಪೇಂದ್ರ ಇಲ್ಲಿಯವರೆಗೆ ವಂಚಕರಿಂದ 10 ಸಾವಿರ ರೂಪಾಯಿ ವಸೂಲಿ ಮಾಡಿದ್ದು, ಈಗ ಸೈಬರ್ ವಂಚಕರು ತಮ್ಮ ಹಣವನ್ನು ಹಿಂದಿರುಗಿಸುವಂತೆ ಒತ್ತಾಯಿಸುತ್ತಿದ್ದಾರೆ. ತಮ್ಮ ಹಣವನ್ನು ಹಿಂದಿರುಗಿಸಲು ಬೇಡಿಕೆ ಇಡುತ್ತಿದ್ದಾರೆ.