‘ಆನೆ ನಡೆದಿದ್ದೇ ದಾರಿ’ : ಗಜರಾಜನಿಗೆ ದಾರಿ ಬಿಟ್ಟು ಸೈಡಿಗೋದ ಹುಲಿರಾಯ..!

ಭಾರತದಲ್ಲಿ ಕಂಡು ಬರುವ ರಾಯಲ್​ ಬಂಗಾಳ ತಳಿಯ ಹುಲಿಗಳು ಆಕ್ರಮಣಕಾರಿ ಬೇಟೆಯ ಮೂಲಕವೇ ಸುದ್ದಿಯಲ್ಲಿರುತ್ತವೆ.

ಪ್ರಾಣಿಗಳನ್ನ ಬೇಟೆಯಾಡೋದ್ರಲ್ಲಿ ಮೇಲುಗೈ ಸಾಧಿಸುವ ರಾಯಲ್​ ಬೆಂಗಾಳ ಹುಲಿಗಳು ಒಂದು ಪ್ರಾದೇಶಿಕ ತಳಿಯಾಗಿವೆ. ಇಷ್ಟೊಂದು ಆಕ್ರಮಣಕಾರಿ ಹುಲಿ ನಡೆದುಕೊಂಡು ಬರ್ತಿದ್ದ ಆನೆಗೆ ದಾರಿಯನ್ನ ಬಿಟ್ಟುಕೊಟ್ಟಿದ್ದು ವಿಡಿಯೋ ವೈರಲ್​ ಆಗಿದೆ.

ಟ್ವಿಟರ್​ನಲ್ಲಿ ನಟಿ ದಿಯಾ ಮಿರ್ಜಾ ಈ ವಿಡಿಯೋವನ್ನ ಶೇರ್​ ಮಾಡಿದ್ದು 80 ಸಾವಿರಕ್ಕೂ ಅಧಿಕ ವೀವ್ಸ್ ಸಂಪಾದಿಸಿದೆ. ಕೊನೆಯಲ್ಲಿ ಏನಾಗುತ್ತೆ ನೋಡಿ ಎಂದು ಈ ವಿಡಿಯೋಗೆ ನಟಿ ದಿಯಾ ಮಿರ್ಜಾ ಶೀರ್ಷಿಕೆ ನೀಡಿದ್ದಾರೆ.

ವಿಡಿಯೋದಲ್ಲಿ ಆನೆಯೊಂದು ದಾರಿಯಲ್ಲಿ ನಡೆದುಕೊಂಡು ಬರ್ತಾ ಇದ್ದರೆ ಅದೇ ದಾರಿಯಲ್ಲಿ ರಾಯಲ್​ ಬೆಂಗಾಲ್​ ಟೈಗರ್​ ಮಲಗಿತ್ತು. ಆನೆ ಹತ್ತಿರಕ್ಕೆ ಬರುತ್ತಿದ್ದಂತೆಯೇ ಸ್ಥಳದಿಂದ ಎದ್ದ ಹುಲಿರಾಯ ಪೊದೆಗಳ ಸಂದಿಯಲ್ಲಿ ಹೋಗಿ ಅವಿತಿದೆ.

ಈ ವಿಡಿಯೋವನ್ನ ಯಾರು ಚಿತ್ರೀಕರಿಸಿದ್ದಾರೆ ಅನ್ನೋದಕ್ಕೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ. ಹೀಗಾಗಿ ನಟಿ ಕೂಡ ಈ ವಿಡಿಯೋ ಮಾಡಿದ್ದು ಯಾರು ಎಂಬ ಪ್ರಶ್ನೆಯನ್ನ ಟ್ವಿಟರ್​ನಲ್ಲಿ ಕೇಳಿದ್ದಾರೆ.

ಆನೆಗಳು ಗಾತ್ರದಲ್ಲಿ ತುಂಬಾನೇ ದೊಡ್ದದಾಗಿ ಇರೋದ್ರಿಂದ ಸಾಮಾನ್ಯವಾಗಿ ಹುಲಿಗಳು ಅವುಗಳ ಬೇಟೆಗೆ ಹೋಗೋದಿಲ್ಲ. ಆದಾಗ್ಯೂ ಆನೆಗಳ ಹಿಂಡಿನ ಮೇಲೆ ಹುಲಿಗಳು ದಾಳಿ ನಡೆಸಿದ ಸಾಕಷ್ಟು ಉದಾಹರಣೆಗಳಿವೆ.

https://twitter.com/i/status/1398116904804306948