ಹೈದರಾಬಾದ್: ತೆಲಂಗಾಣ ಸರ್ಕಾರ ರಾಜ್ಯದ ಇಮಾಮ್ ಗಳು ಮತ್ತು ಮುಜಿನ್ ಗಳಿಗೆ ಪ್ರತಿ ತಿಂಗಳು ಗೌರವಧನವಾಗಿ 5,000 ರೂ. ನೀಡುತ್ತದೆ. ಸರ್ಕಾರದ ಈ ಯೋಜನೆಯಿಂದ ಸಾವಿರಾರು ಇಮಾಮ್ ಗಳು ಮತ್ತು ಮುಜೀನ್‌ ಗಳು ಪ್ರಯೋಜನ ಪಡೆದಿದ್ದಾರೆ. ಈ ಮೊತ್ತವನ್ನು ತೆಲಂಗಾಣ ವಕ್ಫ್ ಬೋರ್ಡ್ ಮೂಲಕ ರಾಜ್ಯದ ಎಲ್ಲಾ ಮಸೀದಿಗಳಿಗೆ ವಿತರಿಸಲಾಗುವುದು.
ಇದು ಹೊಸ ಯೋಜನೆ ಅಲ್ಲ. ಸುಪ್ರೀಂ ಕೋರ್ಟ್ ನಿರ್ದೇಶನದ ಮೇರೆಗೆ ವರ್ಷಗಳಿಂದ ಆರ್ಥಿಕ ನೆರವು ನೀಡಲಾಗುತ್ತಿದೆ. ತೆಲಂಗಾಣ ಮಾತ್ರವಲ್ಲ, ದೇಶದ ಹಲವು ರಾಜ್ಯಗಳಲ್ಲಿ ಇಮಾಮ್ ಮತ್ತು ಮುಜಿನ್ ಗಳಿಗೆ ಈ ರೀತಿ ವೇತನ ಮತ್ತು ಗೌರವಧನ ನೀಡಲಾಗುತ್ತದೆ.
ತೆಲಂಗಾಣದ ಇಮಾಮ್ ಹಫೀಜ್ ಮೊಹಮ್ಮದ್ ಅಬ್ದುಲ್ಲಾ ಅವರು, ನಾನು ಕಳೆದ 8-10 ವರ್ಷಗಳಿಂದ ಮೊಹಮ್ಮದ್ ಲೇನ್‌ ನ ಜಾಮಾ ಮಸೀದಿಯಲ್ಲಿ ಇಮಾಮ್ ಆಗಿದ್ದೇನೆ. 5 ಸಾವಿರ ಮಾಸಿಕ ವೇತನ ನೀಡಿದ ಸಿಎಂ ಕೆಸಿಆರ್ ಅವರಿಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ಇದು ದೀರ್ಘಕಾಲ ಮುಂದುವರಿಯುತ್ತದೆ ಎಂದು ನಾನು ಭಾವಿಸುತ್ತೇನೆ ಎಂದು ಹೇಳಿದ್ದಾರೆ.
1993 ರಲ್ಲಿ ಸುಪ್ರೀಂ ಕೋರ್ಟ್ ಸರ್ಕಾರಿ ಅನುದಾನಿತ ಮಸೀದಿಗಳಲ್ಲಿ ಇಮಾಮ್ ಗಳಿಗೆ ಸಂಬಳ ನೀಡುವಂತೆ ಆದೇಶಿಸಿತ್ತು. ಸರ್ಕಾರೇತರ ಅನುದಾನಿತ ಮಸೀದಿಗಳ ಪ್ರಕರಣದಲ್ಲಿ ಗೌರವಧನ ನೀಡುವಂತೆ ನ್ಯಾಯಾಲಯ ಹೇಳಿತ್ತು. ನಂತರ, ಅನೇಕ ರಾಜ್ಯಗಳಲ್ಲಿ ಇಮಾಮ್ ಗಳು ಮತ್ತು ಮುಜಿನ್‌ಗಳಿಗೆ ಸಂಬಳದ ವ್ಯವಸ್ಥೆ ಇದೆ. ದೆಹಲಿಯಲ್ಲಿ 2019 ರ ಜೂನ್‌ನಲ್ಲಿ ವಕ್ಫ್ ಮಂಡಳಿಯು ಇಮಾಮ್ ಗಳ ವೇತನವನ್ನು 18,000 ರೂ.ಗೆ ಮತ್ತು ಮುಜಿನ್‌ಗಳ ವೇತನವನ್ನು 16,000 ರೂ.ಗೆ ಹೆಚ್ಚಿಸಿತ್ತು.
ಜನವರಿ 2016 ರಲ್ಲಿ ಆಂಧ್ರಪ್ರದೇಶದ ಜಗನ್ ಮೋಹನ್ ರೆಡ್ಡಿ ಸರ್ಕಾರವು ಇಮಾಮ್ ಗಳಿಗೆ 5,000 ರೂ. ಮತ್ತು ಮುಜಿನ್ ಗಳಿಗೆ 3,000 ರೂ. ಮಾಸಿಕ ಗೌರವಧನವನ್ನು ಘೋಷಿಸಿತು.
Loading ...