ಬಿಹಾರದ ಪ್ರಮುಖ ರಾಜಕೀಯ ಪಕ್ಷಗಳಲ್ಲಿ ಒಂದಾದ ಆರ್ಜೆಡಿಯಲ್ಲಿ ಆಂತರಿಕ ಕಿತ್ತಾಟ ಮುಗಿದಂತೆ ಕಾಣುತ್ತಿಲ್ಲ. ಈ ಒಳ ಜಗಳಗಳ ನಡುವೆಯೇ ಲಾಲೂ ಪ್ರಸಾದ್ ಯಾದವ್ ಹಿರಿಯ ಪುತ್ರ ತೇಜ್ ಪ್ರತಾಪ್ ಯಾದವ್ ಮನಃಶ್ಶಾಂತಿಯನ್ನು ಅರಸುತ್ತಾ ಮಥುರೆಗೆ ತೆರಳಿದ್ದಾರೆ.
ಮೂಲಗಳ ಪ್ರಕಾರ ತೇಜ್ ಪ್ರತಾಪ್ ಯಾದವ್ ಕುಟುಂಬದಲ್ಲಿ ಉಂಟಾಗಿರುವ ಮನಸ್ತಾಪಗಳ ಬಗ್ಗೆ ಚರ್ಚೆ ನಡೆಸಿದ್ದಾರೆ. ಹೀಗಾಗಿ ಸಧ್ಯಕ್ಕೆ ಅವರು ಆಧ್ಯಾತ್ಮಿಕ ಜೀವನದತ್ತ ವಾಲಲು ನಿರ್ಧರಿಸಿದ್ದಾರೆ. ಹೀಗಾಗಿ ತೇಜ್ ಪ್ರತಾಪ್ ಉತ್ತರ ಪ್ರದೇಶದಲ್ಲಿ ಮಥುರಾ ಯಾತ್ರೆ ಕೈಗೊಂಡಿದ್ದಾರೆ ಎನ್ನಲಾಗಿದೆ.
ಅದ್ಧೂರಿ ಹಬ್ಬದಾಚರಣೆಗೆ ಕೇಂದ್ರ ಸರ್ಕಾರದಿಂದ ಬ್ರೇಕ್: ಹೊಸ ಮಾರ್ಗಸೂಚಿ ಬಿಡುಗಡೆ
ಅಂದಹಾಗೆ ಈ ಮಥುರಾ ಪ್ರವಾಸದ ವೇಳೆ ತೇಜ್ ಪ್ರತಾಪ್ ಮಾಧ್ಯಮಗಳ ಜೊತೆ ಅಂತರವನ್ನು ಕಾಯ್ದುಕೊಂಡಿದ್ದಾರೆ. ಕಳೆದ 2 ದಿನಗಳಿಂದ ಮಥುರಾದಲ್ಲಿರುವ ತಮ್ಮ ಧಾರ್ಮಿಕ ಗುರುವಿನ ನಿವಾಸದಲ್ಲಿ ತಂಗಿದ್ದಾರೆ ಎನ್ನಲಾಗಿದೆ. ತೇಜ್ಪ್ರತಾಪ್ ಯಾದವ್ ತಮ್ಮ ಆಧ್ಯಾತ್ಮಿಕ ಗುರುವಿನ ಬಳಿ ಆಶೀರ್ವಾದ ಪಡೆದುಕೊಳ್ಳುತ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಆರ್ಜೆಡಿ ಆಂತರಿಕ ಕಿತ್ತಾಟವು ಸದ್ಯ ಭಾರೀ ಸುದ್ದಿಯಲ್ಲಿದೆ. ತೇಜ್ ಪ್ರತಾಪ್ ಯಾದವ್ ಆರ್ಜೆಡಿ ರಾಜ್ಯಾಧ್ಯಕ್ಷ ಜಗದಾನಂದ್ ಸಿಂಗ್ರನ್ನು ಕೆಳಗಿಳಿಸುವಂತೆ ಒತ್ತಾಯ ಮಾಡಿದ್ದರು. ಇತ್ತ ತೇಜ್ ಪ್ರತಾಪ್ ಸಹೋದರ ಹಾಗೂ ಬಿಹಾರದ ಮಾಜಿ ಡಿಸಿಎಂ ತೇಜಸ್ವಿ ಯಾದವ್ ಈ ಆಗ್ರಹಕ್ಕೆ ವಿರೋಧ ಮಾಡಿದ್ದರು.
ಈ ಹಿಂದೆ ಕೂಡ ತೇಜ್ ಪ್ರತಾಪ್ ಮನಃಶ್ಶಾಂತಿಯನ್ನು ಅರಸಿ ಮಥುರಾಗೆ ಪ್ರವಾಸ ಕೈಗೊಂಡಿದ್ದರು. ಅಂದಹಾಗೆ ತೇಜ್ ಪ್ರತಾಪ್ ಮಥುರಾದಿಂದ ದೆಹಲಿಗೆ ತೆರಳುವ ಸಾಧ್ಯತೆ ಇದೆ ಎನ್ನಲಾಗ್ತಿದೆ.
Loading ...