ಅಮೆರಿಕಾದ ಬೆಲ್‌ಫಾಸ್ಟ್ ಕ್ರೌನ್ ಕೋರ್ಟ್‌ನಲ್ಲಿ ಶಾಲಾ ಬಾಲಕನೊಂದಿಗೆ ಲೈಂಗಿಕ ಸಂಬಂಧ ಹೊಂದಿದ್ದ ಶಿಕ್ಷಕಿಗೆ ಎರಡು ವರ್ಷಗಳ ಜೈಲು ಶಿಕ್ಷೆ ವಿಧಿಸಲಾಗಿದೆ. ಜುಡಿತ್ ಇವಾನ್ಸ್ ಎಂಬ ಶಿಕ್ಷಕಿಯನ್ನು ‘ಶೀತಲ, ಲೆಕ್ಕಾಚಾರದ ಮಕ್ಕಳ ಬೇಟೆಗಾರ್ತಿ’ ಎಂದು ನ್ಯಾಯಾಲಯ ತೀವ್ರವಾಗಿ ಟೀಕಿಸಿದೆ. ಅಲ್ಲದೆ, ಆಕೆಯನ್ನು ಜೀವಾವಧಿಯವರೆಗೆ ಲೈಂಗಿಕ ಅಪರಾಧಗಳ ನೋಂದಣಿಯಲ್ಲಿ ಸೇರಿಸಲಾಗಿದೆ.
ನ್ಯಾಯಾಧೀಶರಾದ ಪ್ಯಾಟ್ರಿಸಿಯಾ ಸ್ಮಿತ್ ಅವರು, ಶಿಕ್ಷಕಿ ಮತ್ತು ವಿದ್ಯಾರ್ಥಿಯ ನಡುವೆ ಸುಮಾರು 10,000 ಪಠ್ಯ ಸಂದೇಶಗಳನ್ನು ವಿನಿಮಯ ಮಾಡಿಕೊಂಡಿದ್ದರು ಎಂದು ತಿಳಿಸಿದರು. ಜುಡಿತ್ ಇವಾನ್ಸ್, ತನ್ನ ಬಲಿಪಶುವಿನ ‘ಆಕರ್ಷಣೆಯಲ್ಲಿ ಮುಳುಗಿದ್ದಳು’ ಎಂದು ನ್ಯಾಯಾಧೀಶರು ಅಭಿಪ್ರಾಯಪಟ್ಟರು. ನ್ಯೂಟೌನಾಬ್ಬೆಯ ಎಲ್ಮ್‌ವುಡ್ ಗ್ರೋವ್‌ನ 33 ವರ್ಷದ ಇವಾನ್ಸ್, ಅಪರಾಧಗಳು ಸಂಭವಿಸಿದಾಗ ಬೆಲ್‌ಫಾಸ್ಟ್ ಬಾಯ್ಸ್ ಮಾಡೆಲ್ ಶಾಲೆಯಲ್ಲಿ ಶಿಕ್ಷಕಿಯಾಗಿದ್ದರು.
ಶಿಕ್ಷೆಯ ನಂತರ, PSNI ಡಿಟೆಕ್ಟಿವ್ ಚೀಫ್ ಇನ್ಸ್‌ಪೆಕ್ಟರ್ ಜಿಲ್ ಡಫಿ ಹೀಗೆ ಪ್ರತಿಕ್ರಿಯಿಸಿದರು: “ಇವಾನ್ಸ್ ಒಬ್ಬ ಮಕ್ಕಳ ಬೇಟೆಗಾರ್ತಿ. ಆಕೆ ನಂಬಿಕೆಯ ಸ್ಥಾನದಲ್ಲಿದ್ದಳು ಮತ್ತು ಆ ಸ್ಥಾನವನ್ನು ದುರುಪಯೋಗಪಡಿಸಿಕೊಂಡು, ಆ ಸಮಯದಲ್ಲಿ ತನ್ನ ವಿದ್ಯಾರ್ಥಿಯಾಗಿದ್ದ ಬಾಲಕನನ್ನು ಬಳಸಿಕೊಂಡಳು. ಆಕೆ ಅವನ ದುರ್ಬಲತೆಗಳನ್ನು ಬಳಸಿಕೊಂಡು, ಬಾಲಕನೊಂದಿಗೆ ಅನುಚಿತ ಸ್ನೇಹವನ್ನು ಬೆಳೆಸಿದಳು, ನಂತರ ಅವನನ್ನು ಇನ್ನಷ್ಟು ಪ್ರಚೋದಿಸಿ ಲೈಂಗಿಕವಾಗಿ ಬಳಸಿಕೊಂಡಳು. ಆಕೆ ಮತ್ತು ಅಪ್ರಾಪ್ತ ವಯಸ್ಸಿನ ವಿದ್ಯಾರ್ಥಿಯ ನಡುವೆ ವಿನಿಮಯವಾದ ಸಂದೇಶಗಳು ಹೆಚ್ಚು ಲೈಂಗಿಕವಾಗಿದ್ದವು ಮತ್ತು ಅನಾರೋಗ್ಯಕರವಾಗಿದ್ದವು.” ಎಂದಿದ್ದಾರೆ.
ಇವಾನ್ಸ್ ಆರಂಭದಲ್ಲಿ ಆರೋಪಗಳನ್ನು ನಿರಾಕರಿಸಿದ್ದರು, ಆದರೆ ನಂತರ ಇಬ್ಬರು ಮಕ್ಕಳ ತಾಯಿಯಾದ ಆಕೆ, ಬಾಲಕನ ವಿರುದ್ಧ ಎಂಟು ಲೈಂಗಿಕ ಅಪರಾಧಗಳನ್ನು ಒಪ್ಪಿಕೊಂಡರು. ಆಕೆ ಒಪ್ಪಿಕೊಂಡ ಆರೋಪಗಳಲ್ಲಿ ಬಾಲಕನೊಂದಿಗೆ ಲೈಂಗಿಕ ಸಂವಹನ, ಲೈಂಗಿಕ ಪ್ರಚೋದನೆಯ ನಂತರ ಭೇಟಿಯಾಗುವುದು, ಲೈಂಗಿಕ ಚಟುವಟಿಕೆ ಮತ್ತು ಶಾಲಾ ಬಾಲಕನ ಅಸಭ್ಯ ಚಿತ್ರಗಳನ್ನು ಹೊಂದಿರುವುದು ಸೇರಿವೆ. ಈ ಅಪರಾಧಗಳು ಮಾರ್ಚ್ 1 ಮತ್ತು ಮೇ 17, 2024 ರ ನಡುವೆ ನಡೆದಿವೆ. ಆಕೆ ನ್ಯಾಯದ ಹಾದಿಯನ್ನು ತಪ್ಪಿಸಿದ ಆರೋಪವನ್ನೂ ಒಪ್ಪಿಕೊಂಡಿದ್ದಾಳೆ.
ತೀರ್ಪು ನೀಡಿದ ನ್ಯಾಯಾಧೀಶ ಸ್ಮಿತ್, ಕುಟುಂಬದ ಪರಿಸ್ಥಿತಿಗಳಿಂದಾಗಿ ದುರ್ಬಲನಾಗಿದ್ದ ಮಗುವನ್ನು ಇವಾನ್ಸ್ ಪ್ರಚೋದಿಸಿದ್ದಾಳೆ ಎಂದು ನ್ಯಾಯಾಲಯಕ್ಕೆ ತಿಳಿಸಿದರು. ಆಕೆ ತನ್ನ ಇಮೇಲ್ ವಿಳಾಸ ಮತ್ತು ಮೊಬೈಲ್ ಫೋನ್ ಸಂಖ್ಯೆಯನ್ನು ನೀಡಿದ ನಂತರ ಪಠ್ಯ ಸಂವಹನಗಳು ನಡೆದವು. “ಆರಂಭಿಕ ಹಂತದಿಂದಲೇ ಅವು ಅನುಚಿತ ಲೈಂಗಿಕ ಸಲಹೆಗಳನ್ನು ಒಳಗೊಂಡಿದ್ದವು” ಎಂದು ನ್ಯಾಯಾಧೀಶರು ಹೇಳಿದರು. ಅಲ್ಲದೆ, ಲೈಂಗಿಕ ಸಂವಹನವು ಐದು ತಿಂಗಳಿಗಿಂತ ಹೆಚ್ಚು ಕಾಲ ನಡೆಯಿತು ಮತ್ತು ಒಂದು ತಿಂಗಳ ಅವಧಿಯಲ್ಲಿ ಸುಮಾರು 10,000 ಪಠ್ಯಗಳನ್ನು ಕಳುಹಿಸಲಾಗಿದೆ ಎಂದು ನ್ಯಾಯಾಲಯಕ್ಕೆ ತಿಳಿಸಿದರು. ಇವಾನ್ಸ್‌ಗೆ ನಾಲ್ಕು ವರ್ಷಗಳ ಶಿಕ್ಷೆ ವಿಧಿಸಲಾಗಿದ್ದು, ಅದರಲ್ಲಿ ಅರ್ಧದಷ್ಟು ಅವಧಿಯನ್ನು ಕಸ್ಟಡಿಯಲ್ಲಿ ಕಳೆಯಬೇಕಾಗುತ್ತದೆ. ಇವಾನ್ಸ್‌ಗೆ ಮಕ್ಕಳೊಂದಿಗೆ ಕೆಲಸ ಮಾಡುವುದನ್ನು ನಿಷೇಧಿಸಲಾಗಿದೆ ಮತ್ತು ಜೀವಾವಧಿಯವರೆಗೆ ಲೈಂಗಿಕ ಅಪರಾಧಗಳ ನೋಂದಣಿಯಲ್ಲಿ ಇರುತ್ತಾರೆ ಎಂದು ನ್ಯಾಯಾಧೀಶರು ಹೇಳಿದರು.
Loading ...