‘ರಾತನ್ ಲಂಬಿಯಾನ್’ ಗೆ ಲಿಪ್ ಸಿಂಕ್ ಮಾಡಿದ ತಾಂಜೇನಿಯಾದ ಅಣ್ಣ-ತಂಗಿ: ವಿಡಿಯೋ ವೈರಲ್

ಕಲೆ, ಸಾಹಿತ್ಯ, ಸಂಗೀತ, ನೃತ್ಯ ಮುಂತಾದವುಗಳಿಗೆ ಯಾವುದೇ ಧರ್ಮ, ಭಾಷೆ, ಗಡಿಗಳ ಹಂಗಿಲ್ಲ ಅನ್ನುವುದು ಮತ್ತೆ ಮತ್ತೆ ಪ್ರೂವ್ ಆಗುತ್ತಿದೆ.

ಇದೀಗ ತಾಂಜೇನಿಯಾದ ಸಹೋದರ ಹಾಗೂ ಸಹೋದರಿಯು ಶೇರ್ಷಾ ಚಿತ್ರದ ‘ರಾತನ್ ಲಂಬಿಯಾನ್’ ಹಾಡಿಗೆ ಲಿಪ್ ಸಿಂಕ್ ಮಾಡಿರುವ ವಿಡಿಯೋ ವೈರಲ್ ಆಗಿದೆ.

ಶೇರ್ಷಾ ಚಿತ್ರದ ‘ರಾತನ್ ಲಂಬಿಯಾನ್’ ಹಾಡು ಯೂಟ್ಯೂಬ್‌ನಲ್ಲಿ 449 ಮಿಲಿಯನ್ ವೀಕ್ಷಣೆಗಳೊಂದಿಗೆ ಭಾರತದಲ್ಲಿ ಭಾರಿ ಹಿಟ್ ಆಗಿದೆ. ಇದರ ಜನಪ್ರಿಯತೆ ಭಾರತದಿಂದಾಚೆಗೂ ಹರಡಿದೆ. ಆಫ್ರಿಕಾದ ಈ ಒಡಹುಟ್ಟಿದವರು ಈ ಹಾಡಿಗೆ ಬಹಳ ಚೆನ್ನಾಗಿ ಲಿಪ್ ಸಿಂಕ್ ಮಾಡಿದ್ದಾರೆ. ಇದು ನೆಟ್ಟಿಗರನ್ನು ಆಶ್ಚರ್ಯಚಕಿತರನ್ನಾಗಿ ಮಾಡಿದೆ. ಅಲ್ಲದೆ, ವಿಡಿಯೋ ವೀಕ್ಷಿಸಿದ ಭಾರತೀಯರು ಫುಲ್ ಖುಷ್ ಆಗಿದ್ದಾರೆ.

ಟಿಕ್‌ಟಾಕ್ ಕಂಟೆಂಟ್ ಕ್ರಿಯೇಟರ್ ಕಿಲಿ ಪಾಲ್ ಮತ್ತು ಅವರ ಸಹೋದರಿ ನೀಮಾ ಅವರು ಸಾಂಪ್ರದಾಯಿಕ ಮಸ್ಸಾಯಿ ಧರಿಸಿ ‘ರಾತನ್ ಲಂಬಿಯಾನ್’ ರಾಗಕ್ಕೆ ಲಿಪ್ ಸಿಂಕ್ ಮಾಡಿದ್ದಾರೆ. ಶನಿವಾರ ಇನ್ಸ್ಟಾಗ್ರಾಂನಲ್ಲಿ ಈ ವಿಡಿಯೋವನ್ನು ಹಂಚಿಕೊಂಡ ನಂತರ, ಇದು 21,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಸಂಗ್ರಹಿಸಿದೆ.

ಈ ನಿರೂಪಣೆಗೆ ಸೆಲೆಬ್ರಿಟಿಗಳಿಂದ ಕೂಡ ವ್ಯಾಪಕವಾದ ಮೆಚ್ಚುಗೆಯನ್ನು ಪಡೆದಿದೆ. ಶೇರ್ಷಾ ನಟರಾದ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ಕಿಯಾರಾ ಅಡ್ವಾಣಿ ಕೂಡ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಐಎಎಸ್ ಅಧಿಕಾರಿ ಅವನೀಶ್ ಶರಣ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ಸಂಗೀತವು ಎಲ್ಲೆಯನ್ನು ಮೀರಿದೆ ಎಂಬ ಶೀರ್ಷಿಕೆ ನೀಡಿದ್ದಾರೆ.

https://www.youtube.com/watch?v=aLLzazUln18