ಕಳೆದ ವರ್ಷ ಚಿತ್ರರಂಗದ ಪಾಲಿಗೆ ಅತ್ಯಂತ ಕಹಿಯಾಗಿತ್ತು. ಹಲವು ಖ್ಯಾತ ನಟರು ವಿವಿಧ ಕಾರಣಗಳಿಂದಾಗಿ ಸಾವನ್ನಪ್ಪಿದ್ದು, ಆದರೆ ಈ ವರ್ಷವೂ ಸಹ ಇದು ಮುಂದುವರೆದಿದೆ. ವಾರದ ಹಿಂದಷ್ಟೇ ʼಎಂ.ಎಸ್. ಧೋನಿ – ದಿ ಅನ್‌ ಟೋಲ್ಡ್‌ ಸ್ಟೋರಿʼಯಲ್ಲಿ ನಟಿಸಿದ್ದ ಸಂದೀಪ್‌ ನಹರ್‌ ಸಾವಿಗೆ ಶರಣಾಗಿದ್ದ ಬೆನ್ನಲ್ಲೇ ಶುಕ್ರವಾರ ಮತ್ತೊಬ್ಬ ಸೀರಿಯಲ್ ನಟ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.
ಶ್ರೀಲಂಕಾ ಮೂಲದ ತಮಿಳು ಸೀರಿಯಲ್ ನಟ ಇಂದ್ರಕುಮಾರ್ ಶುಕ್ರವಾರ ರಾತ್ರಿ ಚೆನ್ನೈನ ತಮ್ಮ ಸ್ನೇಹಿತನ ನಿವಾಸದಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದು, ಪತ್ನಿ ಹಾಗೂ ಮಗುವನ್ನು ಆಗಲಿದ್ದಾರೆ. ಇಂದ್ರಕುಮಾರ್ ಸ್ನೇಹಿತ ನೀಡಿದ ದೂರಿನನ್ವಯ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ.
ಇಂದ್ರಕುಮಾರ್ ಚಿತ್ರರಂಗ ಹಾಗೂ ಸೀರಿಯಲ್ ನಲ್ಲಿ ಅವಕಾಶಗಳಿಲ್ಲದೆ ನಿರಾಶೆಗೊಂಡಿದ್ದರೆನ್ನಲಾಗಿದ್ದು, ಕೌಟುಂಬಿಕ ಜೀವನದಲ್ಲೂ ಸಮಸ್ಯೆಯೆನ್ನದುರಿಸುತ್ತಿದ್ದರೆನ್ನಲಾಗಿದೆ. ಶುಕ್ರವಾರ ಸ್ನೇಹಿತರ ಜೊತೆ ಸಿನಿಮಾ ವೀಕ್ಷಣೆಗೆ ತೆರಳಿದ್ದ ಅವರು ಬಳಿಕ ಸ್ನೇಹಿತನೊಬ್ಬನ ಮನೆಯಲ್ಲಿ ತಂಗಿದ್ದ ವೇಳೆ ಈ ಕೃತ್ಯವೆಸಗಿಕೊಂಡಿದ್ದಾರೆ. ಪೊಲೀಸರ ಕೂಲಂಕುಷ ತನಿಖೆ ಬಳಿಕ ಸತ್ಯಾಂಶ ಬಹಿರಂಗವಾಗಲಿದೆ.
Loading ...