ನೀವು ಎಂದಾದರೂ ಏರೋಪ್ಲೇನ್‌ನಲ್ಲಿ ಪ್ರಯಾಣಿಸಿದ್ದರೆ, ವಿಮಾನವನ್ನು ನಿಯಂತ್ರಿಸುವ ಇಬ್ಬರು ಪೈಲಟ್‌ಗಳು ಇರುವುದನ್ನು ನೀವು ಗಮನಿಸಿರಬಹುದು ಅಥವಾ ಕೇಳಿರಬಹುದು. ಸುರಕ್ಷತೆಯನ್ನು ಖಾತ್ರಿಪಡಿಸುವುದಕ್ಕಾಗಿ ವಿಮಾನದಲ್ಲಿ ಇಬ್ಬರು ಪೈಲಟ್‌ಗಳು ಇರುತ್ತಾರೆ. ಆದರೆ, ವಿಮಾನದಲ್ಲಿ ಪೈಲಟ್‌ಗಳು ಮತ್ತು ಸಹ ಪೈಲಟ್‌ಗಳಿಗೆ ವಿಭಿನ್ನ ಊಟ ನೀಡಲಾಗುತ್ತದೆ ಎಂಬ ಬಗ್ಗೆ ನಿಮಗೆ ತಿಳಿದಿದೆಯಾ..? ಹೌದು, ಇಬ್ಬರಿಗೂ ಬೇರೆ-ಬೇರೆ ಊಟ ನೀಡಲಾಗುತ್ತದೆ. ಅದು ಯಾಕೆ ಅಂತಾ ತಿಳಿದುಕೊಳ್ಳುವ ಆಸಕ್ತಿಯಿದ್ದರೆ ಮುಂದೆ ಓದಿ.
1984 ರ ನಂತರ ಈ ನಿಯಮ ಜಾರಿಗೆ ಬಂದಿದೆ. ಲಂಡನ್ ಮತ್ತು ನ್ಯೂಯಾರ್ಕ್ ನಡುವಿನ ಅಲ್ಟ್ರಾ-ಲಕ್ಸ್ ಕಾಂಕಾರ್ಡ್ ಸೂಪರ್ಸಾನಿಕ್ ಫ್ಲೈಟ್‌ನಲ್ಲಿ ಎಲ್ಲಾ 120 ಪ್ರಯಾಣಿಕರು ಮತ್ತು ಫ್ಲೈಟ್ ಸಿಬ್ಬಂದಿ ಸಾಲ್ಮೊನೆಲೋಸಿಸ್ ಅನ್ನು ಅನುಭವಿಸಿದ್ದರು. ಸಾಲ್ಮೊನೆಲ್ಲಾ ಎಂಟೆರಿಟಿಡಿಸ್ ಎಂಬ ಬ್ಯಾಕ್ಟೀರಿಯಾದಿಂದ ಉಂಟಾಗುವ ಕರುಳಿನ ಕಾಯಿಲೆಯಾಗಿದೆ. ಜ್ವರ, ವಾಂತಿ, ಕಿಬ್ಬೊಟ್ಟೆಯ ಸೆಳೆತ ಮತ್ತು ಅತಿಸಾರ ಸೇರಿದಂತೆ ಹಲವು ರೀತಿಯ ರೋಗಲಕ್ಷಣಗಳನ್ನು ಎದುರಿಸಿದ್ದರು.
ನಯಾಪೈಸೆ ಖರ್ಚು ಮಾಡದೆ 120 ಬಸ್‌ಗಳಲ್ಲಿ 3,540 ಕಿ.ಮೀ. ಪ್ರಯಾಣಿಸಿದ್ದಾರೆ ಈ ವೃದ್ಧೆ..!
ಇದರಿಂದಾಗಿ ಪೈಲಟ್ ಗಳೂ ಕೂಡ ಸಾಕಷ್ಟು ಸಮಸ್ಯೆಗಳನ್ನು ಎದುರಿಸಬೇಕಾಯಿತು. ವರದಿಯ ಪ್ರಕಾರ, 2009 ರಲ್ಲಿ ಬ್ರಿಟಿಷ್ ನೋಂದಾಯಿತ ಏರ್‌ಲೈನ್‌ನಿಂದ ಪೈಲಟ್‌ಗಳಲ್ಲಿ 32 ಫುಡ್‌ ಪಾಯಿಸನ್ ಪ್ರಕರಣಗಳು ವರದಿಯಾಗಿದ್ದು, 2007 ರಲ್ಲಿ 39 ಪ್ರಕರಣಗಳಿವೆ.
ವಿಮಾನದಲ್ಲಿನ ಊಟ ಅಪರೂಪವಾಗಿ ಕಲುಷಿತವಾಗಿದ್ದರೂ, ಫುಡ್‌ ಪಾಯಿಸನ್ ತಪ್ಪಿಸಲು ಮತ್ತು ಪ್ರಯಾಣಿಕರ ಸುರಕ್ಷತೆಗಾಗಿ ಪ್ರತ್ಯೇಕ ಊಟವನ್ನು ನೀಡಲಾಗುತ್ತದೆ. ಪೈಲಟ್‌ಗಳು ಅನಾರೋಗ್ಯಕ್ಕೆ ಒಳಗಾಗುವ ಸಾಧ್ಯತೆಯನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಪೈಲಟ್ ಮತ್ತು ಸಹ-ಪೈಲಟ್‌ಗೆ ಪ್ರತ್ಯೇಕ ಊಟವನ್ನು ನೀಡಲಾಗುತ್ತದೆ. ಸಾಮಾನ್ಯವಾಗಿ ಪೈಲಟ್‌ಗೆ ಪ್ರಥಮ ದರ್ಜೆ ಆಹಾರವನ್ನು ನೀಡಿದ್ರೆ, ಸಹ ಪೈಲಟ್‌ಗೆ ವ್ಯಾಪಾರ ವರ್ಗದ ಆಹಾರವನ್ನು ನೀಡಲಾಗುತ್ತದೆ.
Loading ...