ಬಾಲಕಿ ಮೇಲೆ ಬೀದಿ ನಾಯಿಗಳ ದಾಳಿ: ಶಾಕಿಂಗ್ ದೃಶ್ಯ ಸಿಸಿ ಟಿವಿಯಲ್ಲಿ ಸೆರೆ

ಬೀದಿ ನಾಯಿಗಳ ಹಾವಳಿ ಮುಂದುವರೆದಿದೆ. ಇದೀಗ ಮತ್ತೊಂದು ಪ್ರಕರಣದಲ್ಲಿ 11 ವರ್ಷದ ಬಾಲಕಿ ಮೇಲೆ ಮೂರ್ನಾಲ್ಕು ನಾಯಿಗಳು ದಾಳಿ ನಡೆಸಿದ್ದು, ಇದರ ದೃಶ್ಯಾವಳಿ ಸಿಸಿ ಟಿವಿಯಲ್ಲಿ ಸೆರೆಯಾಗಿದೆ.

ಘಟನೆ ಗಾಜಿಯಾಬಾದ್ ನ ವೈಶಾಲಿ ಏರಿಯಾದಲ್ಲಿ ನಡೆದಿದ್ದು 11 ವರ್ಷದ ಬಾಲಕಿ, ತನ್ನ ಅಪಾರ್ಟ್ಮೆಂಟ್ ಗೆ ಬರುತ್ತಿದ್ದ ವೇಳೆ ನಾಯಿಗಳು ಬೆನ್ನತ್ತಿವೆ.

ಇದರಿಂದ ಗಾಬರಿಗೊಂಡ ಬಾಲಕಿ ಓಡೋಡಿ ಬಂದು ಅಪಾರ್ಟ್ಮೆಂಟ್ ಒಳಗೆ ಸೇರಿಕೊಂಡಿದ್ದು, ಬಳಿಕ ವಾಚ್ ಮ್ಯಾನ್ ನಾಯಿಗಳನ್ನು ಓಡಿಸಿದ್ದಾನೆ. ಅಷ್ಟರಲ್ಲಾಗಲೇ ಒಂದು ನಾಯಿ ಬಾಲಕಿಗೆ ಕಚ್ಚಿದ್ದು ಖಾಸಗಿ ಆಸ್ಪತ್ರೆಯಲ್ಲಿ ಇಂಜೆಕ್ಷನ್ ಕೊಡಿಸಲಾಗಿದೆ.