ಮನಾಲಿಯಲ್ಲಿ ಐಷಾರಾಮಿ ಮನೆ ನಿರ್ಮಿಸಿದ ಕಂಗನಾ; ನಟಿ ಹಂಚಿಕೊಂಡ ಫೋಟೋಗೆ ಅಭಿಮಾನಿಗಳ ಮೆಚ್ಚುಗೆ

ಇತ್ತೀಚಿನ ದಿನಗಳಲ್ಲಿ ಒಂದಿಲ್ಲಾ ಒಂದು ಹೇಳಿಕೆ ನೀಡುತ್ತಾ ವಿವಾದಕ್ಕೆ ಗುರಿಯಾಗಿರುವ ಬಾಲಿವುಡ್ ನಟಿ ಕಂಗನಾ ರಣಾವತ್, ಮನಾಲಿಯಲ್ಲಿ ಐಶಾರಾಮಿಯಾದ ಮನೆಯೊಂದನ್ನು ನಿರ್ಮಿಸಿದ್ದಾರೆ.

ಮನಾಲಿಯಲ್ಲಿರುವ ತಮ್ಮ ಹೊಸ ಮನೆಯ ಫೋಟೋಗಳನ್ನು ಕಂಗನಾ ತಮ್ಮ ಇನ್ ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದು, ಈ ಫೋಟೋಗಳು ಸಾಕಷ್ಟು ವೈರಲ್ ಆಗಿವೆ.

ಈ ಮನೆಯ ವಿಶೇಷತೆಯೆಂದರೆ, ದೊಡ್ಡ ಗೋಡೆಯ ಮೇಲೆ ಹಲವು ರೀತಿಯ ಆಕರ್ಷಕ ಪೇಂಟಿಂಗ್ ಗಳನ್ನು ಹಾಕುವ ಮೂಲಕ ಕಂಗನಾ ಮನೆಯನ್ನು ಕಂಗೊಳಿಸುವಂತೆ ಮಾಡಿರುವುದು. ಹಿಮಾಚಲ ಪ್ರದೇಶದ ವಿವಿಧ ಸಂಪ್ರದಾಯಗಳನ್ನು ಈ ಪೇಂಟಿಂಗ್ ಗಳಲ್ಲಿ ಕಾಣಬಹುದಾಗಿದೆ.

BIG NEWS: ಜುಲೈ 1 ರಿಂದ ಸ್ವಚ್ಛತೆ ಸ್ಥಗಿತಗೊಳಿಸಿ ಧರಣಿಗೆ ಮುಂದಾದ ಪೌರ ಕಾರ್ಮಿಕರು

ರಿವರ್ ಸ್ಟೋನ್ ನಿಂದ ನಿರ್ಮಿಸಲಾಗಿರುವ ಈ ಮನೆ ಮೌಂಟೈನ್ ಸ್ಟೈಲ್ ನಲ್ಲಿದೆ ಎಂದು ಕಂಗನಾ ಹೇಳಿಕೊಂಡಿದ್ದಾರೆ. ಮನಾಲಿಯ ಸುಂದರ ಮನಮೋಹಕ ಪ್ರದೇಶದ ಮಧ್ಯೆ ಇರುವ ಈ ಚೆಂದದ ಮನೆ ಮಾಡುವುದು ನನ್ನ ಕನಸಾಗಿತ್ತು. ಅದೀಗ ನನಸಾಗಿದೆ ಎಂದು ಹೇಳಿಕೊಂಡಿದ್ದು, ಈ ಫೋಟೋಗಳನ್ನು ವೀಕ್ಷಿಸಿರುವ ಅವರ ಅಭಿಮಾನಿಗಳು ಮೆಚ್ಚುಗೆಯ ಜೊತೆಗೆ ಶುಭ ಹಾರೈಸಿದ್ದಾರೆ.

ಇದೊಂದು ಅತ್ಯಂತ ಸುಂದರ ಮನೆಯಾಗಿದೆ ಎಂದು ಒಬ್ಬ ಅಭಿಮಾನಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರೆ, ಈ ಮನೆ ರಾಜಮಹಲಿನಂತಿದೆ ಎಂದು ಮತ್ತೋರ್ವ ಅಭಿಮಾನಿ ಹೇಳಿದ್ದಾರೆ. ಅದೇ ರೀತಿ, ಸುಂದರವಾದ ಸ್ಥಳ, ಸುಂದರವಾದ ಮಹಿಳೆ, ಎಲ್ಲವೂ ಪರಿಪೂರ್ಣವಾಗಿದೆ ಎಂದು ಇನ್ನೋರ್ವ ಅಭಿಮಾನಿ ತನ್ನ ನೆಚ್ಚಿನ ನಟಿಯ ಅಭಿರುಚಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.