ಪಟನಾ: ಚಲಿಸೋ ರೈಲಿನಲ್ಲಿರುವ ಪ್ರಯಾಣಿಕರ ಮೊಬೈಲ್‌ ಅನ್ನು ಹೊರಗಿಂದ ಸುಲಭವಾಗಿ ಕಸಿಯೋದು ಅಂದ್ರೇನು?! ಆತ ಕಳ್ಳನೋ ಅಥವಾ ಸ್ಪೈಡರ್‌ ಮ್ಯಾನಾ ಹೇಗೆ?! ಹೀಗೊಂದು ಪ್ರಶ್ನೆ ಈ ವಿಡಿಯೋ ನೋಡಿದ್ರೆ ಬಾರದೆ ಇರದು.
ಬಿಹಾರದ ಬೇಗುಸರಾಯ್‌ನಲ್ಲಿ ಚಲಿಸುತ್ತಿರುವ ರೈಲಿನಲ್ಲಿದ್ದ ಪ್ರಯಾಣಿಕರೊಬ್ಬರ ಮೊಬೈಲ್‌ ಅನ್ನು ಸೇತುವೆ ಮೇಲೆ ನೇತಾಡುತ್ತಿದ್ದ ವ್ಯಕ್ತಿಯೊಬ್ಬ ಕಸಿದುಕೊಂಡಿದ್ದಾನೆ. ಈ ದೃಶ್ಯವಿರುವ ವಿಡಿಯೋ ನೋಡಿದ ಮೇಲಾದರೂ ನೀವು ನಂಬಲೇ ಬೇಕು! ನಿಜವಾಗಿಯೂ ದಿಗ್ಭ್ರಮೆಗೊಳಿಸುವಂಥ ದೃಶ್ಯವದು.
ಖ್ಯಾತ ನಿರ್ದೇಶಕ ದಿ. ಪುಟ್ಟಣ್ಣ ಕಣಗಾಲ್ ಸಹೋದರನ ಪುತ್ರ ಅಮೆರಿಕದಲ್ಲಿ ವಿಧಿವಿಶ
ಈ ವಿಡಿಯೋ ವೈರಲ್ ಆಗಿದೆ. ವಿಡಿಯೋದ ಆರಂಭದಲ್ಲಿ ಚಲಿಸುವ ರೈಲಿನ ಒಳಗೆ ನಿಂತ ವ್ಯಕ್ತಿಯೊಬ್ಬರು ವಿಡಿಯೋ ಮಾಡುತ್ತಿರುತ್ತಾರೆ. ನದಿ ಮೇಲಿನ ಸೇತುವೆ ಮೇಲೆ ರೈಲು ಚಲಿಸುತ್ತಿರುತ್ತದೆ. ಬಾಗಿಲಿನಲ್ಲಿ ಇಬ್ಬರು ಕುಳಿತಿರುತ್ತಾರೆ. ಒಂದೆಡೆ ಕುಳಿತವ ಎದ್ದು ನಿಂತು ಮೊಬೈಲ್‌ ಹೋಯಿತು ಎಂದಿದ್ದಾನೆ.
ಇದಾದ ನಂತರ ನಿಧಾನಗತಿಯಲ್ಲಿ ವಿಡಿಯೋದ ತುಣುಕು ಮತ್ತೆ ಕಾಣಿಸುತ್ತದೆ. ಅದರಲ್ಲಿ ವ್ಯಕ್ತಿಯೊಬ್ಬ ಸೇತುವೆ ಮೇಲೆ ನೇತಾಡುತ್ತ, ಬಾಗಿಲ ಬಳಿ ಇದ್ದವನ ಕೈಯಿಂದ ಮೊಬೈಲ್‌ ಕಸಿದುಕೊಂಡದ್ದು ಕಾಣುತ್ತದೆ. ಆತ ಏನಾಯಿತು ಎಂದು ಅರಿಯುವ ವೇಳೆಗೆ ಪಕ್ಕದಲ್ಲಿದ್ದಾತ ಮೊಬೈಲ್‌ ಹೋಯಿತು ಎಂದಿರುವುದು ಕಾಣುತ್ತದೆ.
ಸೇತುವೆ ಮೇಲೆ ನೇತಾಡುತ್ತಿದ್ದ ವ್ಯಕ್ತಿ ಫೋನ್ ಹಿಡಿಯಲು ಪ್ರಯತ್ನಿಸುತ್ತಿರುವುದನ್ನು ಕ್ಲೋಸ್-ಅಪ್ ಶಾಟ್‌ನಲ್ಲಿ ತೋರಿಸಲಾಗಿದೆ. ಆದರೆ ಆತನ ಮುಖ ಮುಚ್ಚಿರುವುದರಿಂದ, ಗುರುತು ಪತ್ತೆಯಾಗಿಲ್ಲ.
https://youtu.be/hJgI9tQjvn0
Loading ...