ಭಾರತಕ್ಕೆ ಶೀಘ್ರದಲ್ಲೇ ಬರಲಿದ್ಯಾ ‘ಸ್ಪುಟ್ನಿಕ್​​​ ಲೈಟ್​​’ ಸಿಂಗಲ್​ ಡೋಸ್​ ಕೊರೊನಾ ಲಸಿಕೆ….?

ದೇಶದಲ್ಲಿ ಕೊರೊನಾ ಲಸಿಕೆಯ ಅಭಾವದಿಂದ ಕಂಗೆಟ್ಟಿದ್ದ ಜನತೆಗೆ ಶುಭಸುದ್ದಿಯೊಂದು ಸಿಕ್ಕಿದ್ದು ಕೇಂದ್ರ ಸರ್ಕಾರ ಶೀಘ್ರದಲ್ಲೇ ಸಿಂಗಲ್​ ಡೋಸ್​ ಕೊರೊನಾ ಲಸಿಕೆಯಾದ ಸ್ಪುಟ್ನಿಕ್​​ ಲೈಟ್​​ಗೆ ಚಾಲನೆ ನೀಡುವ ತಯಾರಿಯಲ್ಲಿದೆ ಎಂದು ಮೂಲಗಳು ತಿಳಿಸಿವೆ.

ರಷ್ಯಾದ ಸ್ಪುಟ್ನಿಕ್​ ಲೈಟ್​ ಲಸಿಕೆಗಳನ್ನ ಭಾರತದಲ್ಲಿ ಲಾಂಚ್ ಮಾಡಲು ಡಾ. ರೆಡ್ಡೀಸ್​ ಔಷಧಾಲಯ ಕೇಂದ್ರ ಸರ್ಕಾರ ಜೊತೆ ಮಹತ್ವದ ಮಾತುಕತೆಯನ್ನ ಮುಂದುವರಿಸಿದೆ.

ಒಂದು ವೇಳೆ ಈ ಲಸಿಕೆಗೆ ಅನುಮೋದನೆ ಸಿಕ್ಕಲ್ಲಿ ಸ್ಪುಟ್ನಿಕ್​ ಲೈಟ್​ ಭಾರತದ ಮೊದಲ ಸಿಂಗಲ್​ ಡೋಸ್​ ಕೊರೊನಾ ಲಸಿಕೆಯಾಗಿರಲಿದೆ. ವಿಶ್ವದ ಇತರೆ ಅನೇಕ ದೇಶಗಳಲ್ಲಿ ಈಗಾಗಲೇ ಸ್ಪುಟ್ನಿಕ್​ ಲೈಟ್​ಗೆ ಅನುಮತಿ ನೀಡಿವೆ. ಸ್ಪುಟ್ನಿಕ್​ ಲೈಟ್​ ಲಸಿಕೆಯನ್ನ ಪಡೆದ 28 ದಿನಗಳ ನಂತರದಿಂದ ಇದು ಕೊರೊನಾ ವಿರುದ್ಧ 79.4 ಪ್ರತಿಶತ ಪರಿಣಾಮಕಾರಿಯಾಗಿ ಕೆಲಸ ಮಾಡಲಾಗಿದೆ ಎಂದು ಅಧ್ಯಯನ ತಿಳಿಸಿದೆ. ಎರಡನೇ ಡೋಸ್​ ಪಡೆಯದ ರಷ್ಯಾ ದೇಶದ ಜನತೆಯ ಮೇಲೆ ಮಾತ್ರ ಪ್ರಯೋಗವನ್ನ ಕೇಂದ್ರೀಕರಿಸಲಾಗಿತ್ತು. ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗದ ವೇಳೆ ರಷ್ಯಾ, ಅರಬ್​ ರಾಷ್ಟ್ರ ಹಾಗೂ ಘಾನಾ 7 ಸಾವಿರ ಮಂದಿಯನ್ನ ಪರಿಗಣಿಸಲಾಗಿತ್ತು.

ಸ್ಪುಟ್ನಿಕ್​ ವಿ ಒಂದು ಸಿಂಗಲ್​ ಡೋಸ್​​ ಲಸಿಕೆಯಾಗಿದ್ದು ಈ ಲಸಿಕೆಯಿಂದ ದೇಶಗಳಲ್ಲಿ ಲಸಿಕಾ ಅಭಿಯಾನಕ್ಕೆ ಇನ್ನಷ್ಟು ವೇಗ ಸಿಗಬಹುದು ಎಂದು ನಿರೀಕ್ಷಿಸಲಾಗಿದೆ.

ಈಗಾಗಲೇ ಹೈದರಾಬಾದ್​ಗೆ 3 ಮಿಲಿಯನ್​ ಡೋಸ್​ ಸ್ಪುಟ್ನಿಕ್​ ವಿ ಲಸಿಕೆಗಳು ರಷ್ಯಾದಿಂದ ಬಂದಿಳಿದಿವೆ. ಈಗಾಗಲೇ ದೇಶದಲ್ಲಿ ಸ್ಪುಟ್ನಿಕ್​ ವಿ ಲಸಿಕೆಗಳನ್ನ ಜೂನ್​ ಎರಡನೆ ವಾರದಿಂದ ಪೂರೈಕೆ ಮಾಡ್ತೇವೆ ಎಂದು ಅಪೋಲೋ ಆಸ್ಪತ್ರೆ ಘೋಷಣೆ ಮಾಡಿದೆ. ಪ್ರತಿ ಡೋಸ್​​​ ಸ್ಪುಟ್ನಿಕ್​ ವಿ ಲಸಿಕೆಗೆ ಅಂದಾಜು ಮೊತ್ತ 1195 ರೂಪಾಯಿಗಳನ್ನ ನಿಗದಿ ಮಾಡಲಾಗಿದೆ.